إعـــــــلان

Collapse

.

,
See more
See less

دورة التبريد(مناقشه)

Collapse
X
 
  • Filter
  • الوقت
  • Show
Clear All
new posts

  • دورة التبريد(مناقشه)

    دلوقت يا جماعه متفقين ان كل عربيه دورة التبريد فيها مختفله شويه عن عربيه تاني

    خصوصا لما يكون المقارنه بين موديلات قديمه 80ـات مثلا وموديلات جديده بعد الـ 2000

    وبرضه خلينا متفقين ان نظرية التبريد وحده في كل العربيات

    تعالوا نشوف المشكله الي عندي في الـ 504 ونحلها سوا

    دلوقت انا عندي العربيه بتنزل من غير قربه يعني عندي الريداتير وبس

    انا من الصيف وعندي مشكله في التبريد بس مكنتش مهتم علي اساس ان درجة العربيه يادوب عند النص ومش بتعلا عن كده والمشكله كنت عارف انها في طرمبة الميه (تقيله شويه) وكمان المروحه (مش اصليه) وكمان عندي غطا الريداتير كان مكسور

    المهم التلات اربع شهور الي فاتوا كانت صعب العربيه تقف في يوم الا يوم تغيير الزيت وشكرا علي كده

    لحد ما في يوم السيد الوالد بيتصل بيا وبيقولي الحراره عاليه المهم علشان مطولش عليكم

    العربيه جابت جوانات وش سلندر

    التفاصيل في الموضوع ده



    وقتها روحت عامل كل الي فيها طرمبة ميه اصليه ومروحه اصليه وسلكت الريداتير واخيرا غطا ريداتير بيجو اصلي

    مع ملاحظة ان كل حاجه في دول تمنها تلات اضعاف الحاجات العاديه

    وقلت خلاص كده العربيه هقفل فيها غطا الريداتير مش هفتحه غير كل شهرين مره علشان ازود بس

    من اسبوع العربيه بدات ترشح ميه من الريداتير

    بدات اضايق ورحت لبتاع الريداتيرات تاني

    ايه يا عم في ايه الريداتير بيرشح ميه المهم فك وراح لحم مكان الترشيح وراح ركبه

    وهوا بيركبه بيبص علي غطا الريداتير بيقولي يا باشا الغطا ده مش هينفع

    قلتله نعم يا روح....... ده بتاعها الاصلي ولفيت عليه لما قلت يا بس علشان اجيبه استيراد

    بيقولي لازم نشيل الجلده الي فوق دي علشان الريداتير يتنفس قلتله ومن قالك ان دورة التبريد المفروض يكون فيها تنفيس؟؟؟

    قالي اي حاجه يا بيه لازم تتنفس وبيشاورلي علي خرطوم الفايز ويقولي امال ده معمول ليه

    قلتله علشان يصرف الميه الزياده واحنا بنزود مش علشان الرياتير يتنفس يا ناصح

    قالي كده الريداتير هيضرب تاني ومش هفكه تاني لو جاب ميه

    قلتله عيب عليك تبقي صنايعي وتقول كلمه زي دي ولو رشح تاني العيب منك ووقتها انا الي مش هجيلك تاني

    عديت علي الميكانيكي بتاعي وانا ماشي بعد ما خلصت تركيب الريداتير

    وقلتله الغطا ده بتاع بلادها قالي ايوه جبته منين ده مش موجود اصلا

    المهم اطمنت ان فعلا دي دورة التبريد بتاعة البيجو بالشكل ده (مع اني متاكد بس زيادة تاكيد)

    دلوقت يا جماعه انا فعلا محتار

    لاني فكرت في كلام بتاع الريداتير وقارنته بموديلات تانيه من العربيات ولاقيت ان معظم العربيات بيبقي فيها تنفيس بس بيبقي من القربه مش من الريداتير

    وانا لو شيلت جلدة غطا الريداتير اصبح ملهوش لازمه استيراد من جديد من صناعة بير سلم

    افيدوني وخلينا نتناقش في الموضوع ده

    ومعلش لو كنت طولت عليكم

    A.Yakout
    [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

  • #2
    نفس الحوار ده تقريبا حصل معايا
    بس مع عربيه تانيه (كورولا 78) الاسبوع اللى فات برضه جابت جوان وش سلندر ..
    بس انا كنت مهمل فى تزويد الميه و ماكنشى فيه عندى حاجه بياظه الا غطا القربه (عربيتي فيها قربه ) بس غطا القربه عندى مقفول و مافيش التنفيس ده ... بس لما اشتريتلها غطا كان الغطا الاصلى للكورولا برضه بس موديل تانى ولاقيت فيه فتحة الفايظ دى ...بس انا سديتها بسيلكون علشان ابقى زى الاصلى بتاعها , فهل اللى عملته ده صح و لا غلط (ده اجابتة نفس الاجابه السؤال بتاعك )
    و كمان انا فاكر لما اشتريتها كان غطا الريداتير متشاله منه الجلده اللى من تحت (اللى هيه بتوصل الميه للقربه ) لكن لما اشتريت غطا جديد للريداتير سبت الجلده دى فيه فهل ده صح و لا غلط برضه ؟؟

    Comment


    • #3
      العبرة بالحرارة ونقص المياه ,, وايضاً التجربة

      Comment


      • #4
        انا معاك ان الغطاء ميشلش منة الجلدة امال هي معمولة لية
        اكد علي البلية اللي عليها سير المروحة ممكن تكون تقيلة او بتفوت ومبتخليش المروحة تلف

        Comment


        • #5
          منور القسم يا معلم
          و بجد زعلت بسبب حوار الريدياتير
          بس بسيطه ان شاء الله
          كل يوم الصبح قبل ما تدور
          اطمن علي مستوي الميه
          لو تمام يبقي قشطه
          لو نقص يبقي اللحام مش كويس
          و طالما دخلت في حوارارت اللحام دي
          حاول تجيبلك ريدياتير استيراد افضل
          لو تقدر طبعا
          غير كده غير بتاع الريدياتيرات ده
          و ربنا معاك

          Comment


          • #6
            المشاركة الأصلية كتبت بواسطة khaled_sabry مشاهدة المشاركة
            و كمان انا فاكر لما اشتريتها كان غطا الريداتير متشاله منه الجلده اللى من تحت (اللى هيه بتوصل الميه للقربه ) لكن لما اشتريت غطا جديد للريداتير سبت الجلده دى فيه فهل ده صح و لا غلط برضه ؟؟
            باشا انتا عندك قربه يبقي هتبقي فتحة الخرطوم الي بتوصل للقربه تحت جلدة الريداتير علشان ينفع توصل الميه للقربه

            انا عندي غيرك الفتحه دي فتحة فايظ فقط فقط فقط وموجوده فوق الجلده

            انا الجلده الي عندي زي نظام جلدة الحنفيه كده فاهمني؟؟؟؟؟ مانع تسريب يعني


            المشاركة الأصلية كتبت بواسطة zezmograby مشاهدة المشاركة
            اكد علي البلية اللي عليها سير المروحة ممكن تكون تقيلة او بتفوت ومبتخليش المروحة تلف
            مال بلية طرمبة الميه بالمشكله

            عموما شكرا لاهتمامك وردك


            المشاركة الأصلية كتبت بواسطة romeo_6887 مشاهدة المشاركة
            منور القسم يا معلم
            و بجد زعلت بسبب حوار الريدياتير
            بس بسيطه ان شاء الله
            كل يوم الصبح قبل ما تدور
            اطمن علي مستوي الميه
            لو تمام يبقي قشطه
            لو نقص يبقي اللحام مش كويس
            و طالما دخلت في حوارارت اللحام دي
            حاول تجيبلك ريدياتير استيراد افضل
            لو تقدر طبعا
            غير كده غير بتاع الريدياتيرات ده
            و ربنا معاك
            والله منور باصحابه يا رايس

            مبدايا

            لو اللحام مش كويس الميه هتسرب علي طول

            بس المشكله يا جماعه مش قصة لحام

            القصه انا بسأل يا جدعااااااااااااااان دورة التبريد المفروض يكون فيها تنفيس؟؟؟؟

            ولا لازم تكون مقفوله تحت ضغط؟؟؟؟؟

            A.Yakout
            [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

            Comment


            • #7
              قالي اي حاجه يا بيه لازم تتنفس وبيشاورلي علي خرطوم الفايز ويقولي امال ده معمول ليه

              قلتله علشان يصرف الميه الزياده واحنا بنزود مش علشان الرياتير يتنفس يا ناصح

              قالي كده الريداتير هيضرب تاني ومش هفكه تاني لو جاب ميه
              الراجل ده معلم وبيفهم بجد

              Comment


              • #8
                المشاركة الأصلية كتبت بواسطة samirayad مشاهدة المشاركة
                الراجل ده معلم وبيفهم بجد
                باشمهندس سميييييييييير

                والله واحشني وشرف ليا ردك يا رايس

                عموما ده كلام اكيد يا باشمهندس؟؟

                يعني دلوقت انزل اشيل الجلده الي في الريداتير؟؟؟

                ولا ايه بظبط؟؟

                A.Yakout
                [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                Comment


                • #9
                  لاني فكرت في كلام بتاع الريداتير وقارنته بموديلات تانيه من العربيات ولاقيت ان معظم العربيات بيبقي فيها تنفيس بس بيبقي من القربه مش من الريداتير
                  وبرضه خلينا متفقين ان نظرية التبريد وحده في كل العربيات
                  كل ده كلام تمام

                  تعالوا نشوف المشكله الي عندي في الـ 504 ونحلها سوا
                  حلها أنت بأه مع نفسك
                  لأنك شايف نظام الغطاء وخرطوم الفائظ على الطبيعه
                  لدورة التبريد اللى عندك

                  Comment


                  • #10
                    أطلع على الموضوع ده
                    حيفيدك
                    إن شاء الله

                    Comment


                    • #11
                      المشاركة الأصلية كتبت بواسطة samirayad مشاهدة المشاركة
                      حلها أنت بأه مع نفسك
                      لأنك شايف نظام الغطاء وخرطوم الفائظ على الطبيعه
                      لدورة التبريد اللى عندك
                      باختصار يا باشمهندس خرطوم الفايظ والغطا مقفول ملهوش اي لازمه

                      لان الغطا بيقفل الزور او الرقبه الي طالع منها الفايظ من الجنب

                      والغطا بتاع الموديلات القديمه اكيد حضرتك عارف شكله

                      كده ايه الكلام؟؟

                      A.Yakout
                      [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                      Comment


                      • #12
                        كده ايه الكلام؟؟
                        يبقى لازم تشغل خرطوم الفائظ بأى شكل

                        على فكره أحنا عندنا خرطوم فائظ برضه رايح من الردياتير للقربه

                        والقربه وظيفتها عندنا
                        أنها مجرد تنك تعويضى لأى نقصان فى مية التبريد

                        يعنى أى رادياتير بيتم حمايته من زيادة الضغط
                        بخرطوم فائظ

                        فعدم شغله عندك

                        حيخللى الرادياتير الضغط جواه يزيد ( مع حرارة المكنه )

                        وحيبوظلك الرادياتير

                        Comment


                        • #13
                          المشاركة الأصلية كتبت بواسطة samirayad مشاهدة المشاركة
                          يبقى لازم تشغل خرطوم الفائظ بأى شكل

                          على فكره أحنا عندنا خرطوم فائظ برضه رايح من الردياتير للقربه

                          والقربه وظيفتها عندنا
                          أنها مجرد تنك تعويضى لأى نقصان فى مية التبريد

                          يعنى أى رادياتير بيتم حمايته من زيادة الضغط
                          بخرطوم فائظ

                          فعدم شغله عندك

                          حيخللى الرادياتير الضغط جواه يزيد ( مع حرارة المكنه )

                          وحيبوظلك الرادياتير
                          تمام اوي

                          انا قريت موضوع حضرتك

                          بس انا بقي عندي الغطا مفيهوش موضوع البلف ده

                          عندي الجلده مسمطه بداير الغطا كله ومش مخرومه في النص

                          دلوقت اشيل الجلده دي خالص؟؟؟

                          بس كده مش هيبقي في اي ضغط جوه دورة التبريد الي هيا اساسا فكرة عمل دورة التبريد

                          A.Yakout
                          [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                          Comment


                          • #14
                            طيب حقولك على حاجه
                            لأنى مش شايف حاجه برضه

                            دوس على الجلده بصباعك لو لقيت تحتها زى سوسته
                            وبتاخد وتدى معاك

                            يبقى متشيلهاش ( علشان متبوظش الغطاء )

                            وبرضه ممكن تشوف عربيه تانيه ( بيجو برضه )
                            زى عربيتك

                            نظام التبريد
                            ماشى أزاى فيها
                            ده حيكون أحسن أوى من كلامنا اللى على العائم ده

                            Comment


                            • #15
                              المشاركة الأصلية كتبت بواسطة samirayad مشاهدة المشاركة
                              طيب حقولك على حاجه
                              لأنى مش شايف حاجه برضه

                              دوس على الجلده بصباعك لو لقيت تحتها زى سوسته
                              وبتاخد وتدى معاك

                              يبقى متشيلهاش ( علشان متبوظش الغطاء )

                              وبرضه ممكن تشوف عربيه تانيه ( بيجو برضه )
                              زى عربيتك

                              نظام التبريد
                              ماشى أزاى فيها
                              ده حيكون أحسن أوى من كلامنا اللى على العائم ده
                              فعلا الغطا عندي بسوسته

                              وده الي مخليني اصريت علي كلامي معاه ان ممكن تنفس لما السوسته تتقفل

                              A.Yakout
                              [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                              Comment

                              Working...
                              X