الفتيس بيعض

[eng_mkhalaf]

حاجة غريبة عندى الفتيس عندى بيعض فى المرشدير مش عالطول ولكنة زاد الفترة الأخيرة - الفتيس عندى سوستة
على قدام - وكمان لازم أفضل ضاغط لاقدام على العصايا علشان النور بتاع المارشدير ينور وساعات ينور من غير الطريقة دية وساعات مبينورشى خالص حتى لو عملت أية
فى طريقة أفتكاسة عملتها علشان الموضوع دة انى اجيب الأول والتانى قبل ما اجيب مارشدير وساعتها بيعشق زى الفل
حاجة غريبة مش عارف أية - ممكن لو حد عارف ممكن يكون اية يقولى

[hitham_sh]

وانا تقريبا برضو عندي المرششدير مبيجيش سعات على طول والاول كمان ياترى ايه السبب وايه الحل

[CryptonX]

حاجة غريبة عندى الفتيس عندى بيعض فى المرشدير مش عالطول ولكنة زاد الفترة الأخيرة - الفتيس عندى سوستة
على قدام - وكمان لازم أفضل ضاغط لاقدام على العصايا علشان النور بتاع المارشدير ينور وساعات ينور من غير الطريقة دية وساعات مبينورشى خالص حتى لو عملت أية
فى طريقة أفتكاسة عملتها علشان الموضوع دة انى اجيب الأول والتانى قبل ما اجيب مارشدير وساعتها بيعشق زى الفل
حاجة غريبة مش عارف أية - ممكن لو حد عارف ممكن يكون اية يقولى

كان عندي مشكلة مشابهة يا باشمهندس محمد , بس انا السوستة نفسها في الفتيس بطلعها بايدك لفوق .. و اطضح ان كان في عيب في السستة و غيرتها في الضمان مجانا .

[eng_mkhalaf]

ياريت تكون السوستة أو التيش عايز يتربط لكن لو غوايش يبقى ربنا يستر

[reda]

أنا كانت عندي لمشكله ده وكانت كل فتره بتزيد بس لما غيرت زيت الفتاس المشكاله راحت وبئت تمام

[Nader]

هو ممكن فعلاً يكون الزيت ناقص، بس في الحالة دي الفتيس هيزعق وانت بتنقل.

[hitham_sh]

طيب يا باشا غيرتو ازاي وفين وبكام وايه احسن نوع

[tutankhamoun]

نفس المشكلة في في نفس العربية مع أثنين قرايبي
الفتيس بيعضد ...... و بيفصل لوحده بعد سرعة 140 ( قريبي مجنون سرعة )
و هو مش عارف أيه المشكلة ؟؟؟؟ و لا بنت خالتي
و لكن بنت خالتي راحت التوكيل و ظبطولها الفتيس بس بقى تقيل و رجعت المشكلة تاني
و قريبي التاني مش عارف يعمل أيه لأنه راح التوكيل و المشكلة أختفت بعدها و لمدة شهر و رجعت تاني !!!!!!

[eng_mkhalaf]

الزيت تمام ولسة مزود نص كيلو والمشكلة زى ما هية - إللى هيجننى هية مش دائمة الحدوث ساعات وساعات - أنا دلوقتى عمال أحصر الظروف كلها لما بتحصل والفرق بينها لما متحصلشى

[hazem_khidr]

شوف الدبرياج يا هندسه يمكن يكون واطي اوي و انت ساعات تتك عليه كويس و ساعات لاء.
شوف يمكن دواسه الارضيه طالعه لفوق شويه و بتمنع الدبرياج انه يكمل مشواره

[eng_mkhalaf]

يا جماعة المشكلة أن كل انقلات حلاوة بس المارشدير حاجة تجنن -

[EL SaBaN]

السلام عليكم
انا عندي نفس المشكله هيونداي جيتس و دلوقتي التالت بردو ساعات بيستهبل و مش عارف ده ايه و بردو مش دايما ساعات بتنقل على طول و ساعات لا حد يقولنا ايه الحل عشان انا كرهت ام العربيه دي