حد يعرف مركز لأصلاح التكيف كويس و مضمون؟

[night_whisper]

السلام عليكم و رحمه الله و بركاتة
بعد أذنكم كونت عايز أسأل عن مركز لأصلاح تكييف السيارات يكون حد من الأعضاء جربة و مضمون لان اصلاح تكيف السيارات دة مليان نصابين أغلبهم بتوع ثلاجات و بينصبوا و مش بيفهموا حاجة فى أصلاح تكيف السيارات
انا عايز أكشف عن التسريب و أملاء فريون و أكشف على كمبروسور التكييف و أصلحة لو محتاج أصلاح
و شكرآ جزيلآ لكل الأعضاء مقدمآ

[zaza_lanos]

http://www.nilemotors.net/Nile/125626-a.html

[night_whisper]

http://www.nilemotors.net/nile/125626-a.html

شكرآ جزيلآ على سرعة الرد و لينك الموضوع
مبروك عليك أصلاح التكيف
يا ريت لو حد من الأعضاء يعرف مراكز أخرى و جربها يكتبها و يكون الموضوع مرجع للمنتدى
بالنسبة لى يا ريت تكون المراكز فى مصر الجديدة و مدينة نصر و ما حولها
و شكرآ جزيلآ للجميع

[aymenseef]

في مركز متخصص للتكييف فى اخر جسر السويس من ناحيه كوبري القبه
هتلاقى بنزينه غاز قبل كوبري القبه واخده ناصيه المركز هتلاقيه فى الشارع ده على الشمال
بس مشكلته انه حراق فى اسعاره بس استاااااذ

[FunnyMickey]

انا تكييف عربيتي بايظ بردو
وعاوز اعمله
متوصفلنا الراجل ده فين بالظبط
وياريت فعلا لو حد يعرف حد في مدينه نصر او مصر الجديده
يكون بيفهم بردو
يبقي ربنا يكرمكو

[FunnyMickey]

رحتو فين يارجال

[aimangorg]

طيب انا عندى سوال اصعب
انا عاوز اركب تكييف
لو حد بيعرف فين وبكام
عربيتى ريجاتا

[WalidAdel]

في واحد تاني في جسر السويس بردوا بس ناحية عين شمس بعد الشرقاوي بتاع الياباني علي الشمال قدام اليوترن علطول اسمه المراكبي و صاحبه مهندس احمد مهندس تكييفات بردوا الراجل كويس و محترم جدا و اسعاره عاديه او اغلي من العاديه حاجه بسيطه
بيركب و يصلح و بيعمل كل حاجه

[night_whisper]

السلام عليكم أعضاء المنتدى الكرام
شكراً جزيلاً لجميع الأعضاء المشاركين فى الموضوع
اسف جداً لتأخرى فى متابعة الموضوع لانشغالى الأيام السابقة
الحمد لله تم أصلاح التكييف و التكييف بقى شغال كويس جدآ
تم الأصلاح فى مؤسسة عشم نوار عند تقاطع شارع دمشق و بيروت
الناس هناك كويسين جداً و عارفين بيعملوا ايه اللى قام بالإصلاح فنى اسمه إبراهيم و اعتقد انة أفضلهم و شخصية ترتاح فى التعامل معاها هو و عصام المسئول عن المركز
ما تم فى الأصلاحات شحن فريون + زيت + تغيير بلف الهاى و التكلفة 180 جنية
تحياتى للجميع

[FunnyMickey]

ياريت ياباشا لو فيه ارقام تليفونات
واجازتهم امتي عشان انا مش ببقي فاضي غير يوم الاحد