كلاكيت عاشر مره صوت فى العفشه

[Esam Mosaad]

السلام عليكم
اكيد معظم انلاس الى هتقرى الموضوع هتفتكروا
انا عندى صوت طقه فى الناحيتين الى قدام خاصا عند الدواسات
والجانب اليمين بيكون اكتر وللاسف
عملت مواضيع والناس قالتلى رايها وابتديت اسعى للموضوع ده عند خمين عفشجى ورحت الحرافين
واخد اراء
اى واحد ينزل تحت العريبه يبرط اطلع جرب يا باشا يا عم الحاجه منا عملت كدا وبرضوا
اطلع بس مفيش امشى خمسين متر والصوت يرجع
ويقعد جمبها بصراحه مش عارف
وبعد محوالات قولت لازم انى اتنازل شويه وافك بقى الدنيا من تحت
ابتدينا نفك المقصات ونبص على الطنابير والبيضه والاسكترا الدنيا تمام فى الناحتين
طب نبص على صاح العريبه من تحت عند القنطره مفيش اى شروخات العريبه فابريكه

طب نشحم ونركب ونوشف شحمنا كلوا وركبنا واطلع جرب اه تمام مفيش صوت العفشه ارتاحت
وبعد اسبوع نفس الموضوع وهتجنن وصوت رخم ميفعش اعديه
ومش عارف اعمل ايه
ومش عاوز اروح لواحد ينزل تحتها يربط وامشى وياخد فلوس وبعد يومين ترجع !!!
انا عندى ثنه بوس فى الكبالن هل ممكن تكون هيا !!
ولا المساعدين ولا ايه !!
حتى اخر مره العفشجى فى الحرفيين قالى العفشه سليمه كمقصات وغيره
ايه الحل اروح التوكيل بتاع الكيا

[Maged_Samy]

ممكن تكون صليبة الكردان فاركه

[romeo_6887]

هي العربيه نوعها ايه ؟

[Esam Mosaad]

كيا سيفيا ده نوع العريبه

لو الصاموله فاركه فهتفضل تعمل صوت على طول
لكن انا بفك وربط بيروح لفتره
دلوقتى انا مش عاوز اروح لواحد يقولى هنشوف وينزل يربط واجرب ميلاقيش حاجه
احاول اقنعه انوا هيجى تانى يقولى لا يا باشا وياخد فلوس كالعاده

مش عارف دلوقتى الصوت باين اوى

انا عاوز متطوع اربطه اسفل السياره وامشى بيها ويسمع الصوت منين
بس المشكله الوحيده ان العريبه واطيه

[حماده المصري]

والله انا شايف ان العفشجيه في حاجات كتير بيقولوا عليها سليمه وبتبقى بايزه

لو هو صوت تخبيط بتسمعه في تحت رجلك وغير مرتبط بنقر جامده يبقى من الجلب والبارات تغير بار الدركسيون وتيش الميزان خصوصا انك شحمت الحاجات دي والصوت راح ورجع تاني يبقى اكيد منها

عشان المشكله لو مش فيها وانت شحمتها الصوت مش هيروح عشان الصوت مش صادر منها

بالنسبه لبوزان المساعدين ف المساعد بيخلي الهاندلينج بتاع العربيه ضايع ولو ماشي 100 كانك ماشي 160

والعلامه الكبري الي تخليك تعرف ان المساعد بايز انه لما بيبقى بايز النقر الصغيره بتحسها حفر والنقر الكبيره بتحس انك دمرت العربيه

مهو مفيش امتصاص للصدمات تماما

اضف الى كده انت المفروض تبقى عارف عمر الحاجات الافتراضيه بتاعه عربيتك وعارف غيرت امت كزا وقدامه اد ايه ويبوز بحيث اول ما تسمع صوت تبقى متوقع كزا احتمال مش هيخرج منهم نهائي

عموما لو قريب من الهرم معايا ميكانيكي حبيبي علطول بيشتغل في عربيتي ممكن نروح له سوا يشوف العربيه ونسمع رايه

عامه تيش الميزان وبار الدركسيون وبيضه المقص عمرها بيبقى قليل جدا في البلد دي عشان المطبات والحفر الى ملهاش نهايه انا بغيرهم تقريبا كل سنه ونص مثلا بالكتير

[Esam Mosaad]

تسلم ايدك واللهى يا حماده
كلامك معقول وتمام

بس تفسيرك ايه انى اروح لخمسه كل واحد يقول هنبص الاول على الميزان والجلبه بتعتوا يقولى اه جلب الميزان عاوزه تتغير يقوم يحطلها تخشينه يبص على جلب لمقصات يقول مفيهاش حاجه بس روح اغسل العريبه الاول وتعالى عشان الطينه
يقولى تمام مفهمش حاجه فى فى احمرار تحتيهم ممكن يكون صدى فى لصاج
يبص على البيض تمام اروح لباتع زوايه يقولى تمام

طب ايه رايك اننا نفك كل حاجه وتملها على الارض ونبص بقى
ماشى زى بعضوا ونفك كل شىء ويكشف على العفشه
وكذا واحد طلعت من بقوا الكلمه ديه
بسم الله ما شاء الله العفشه زى الفل ومشوفتهاش كدا فى عريبه قبل كدا !!!!!

بس الى كان عملك التخشينه ده هنغير الجلب روح هتلى الجلب اروح اجبلوا الجلب يقولى هناخد كمان بوش من علبه الدركسيون اقوله ماشى
يقولى كمان هنربط القواعد والمساعدين وهكشفلك عليهم ويطلعو اتمام ده عند كذا واحد

لدرجه بقى اننا بعد منزلنا العفشه والقنطره انا نفسى نزلت تحتها ابص يمكن عندهم عمى
لا وايه يقولى طب هنفك الموكيت ونبص تحتيه ممكن مش باين من تحت بس باين من فوق
نجيب سروجى تعالى يا عم السروجى لا الععريبه فابريكه ومفيهاش الهوا

طب نجيب سمكرى وهيا كدا قبل منركب لا واللهى الدنيا عندك تمام حتى قبل التركيب ومفيش حاجه فاتحه ولا قافله
يعنى كان واقف معايه سروجى وعفشجى وميكانيكى بيبصوا على الرعيبه

اخر مره عدى واحد بتاع سيفيا بيقولى هيا فيها ايه بقوله صوت تكه بيقولى اه عارفوا عندى انا كمان ودوخت لسنين حتى اتلوكيل معرفتهوش بس ازاى يعنى معرفش

وبعد مركبنا ونجرب العفشه ارتاحت وبعد فتره رجع الصوت الصوت بقى بيرجع واحده واحده
بيبقى ضعيف ضعيف وبعد كدا بيزيد

دلوقتى هوا ان اممكن احط اى حاجه فى العيبه تورينى الصوت او تسمعهونى جى منين

[wanderer]

للاسف العيوب دى موجوده فى معظم العربيات الكورى سواء كيا او هيونداى
لان انا كان عندى نفس المشكله وهى انى بسمع اصوات طقطقه فى الطابلوه وعند الدواسات
وكمان بسمع تزييق من زجاج الباب اليمين الامامى ,,,, الغريبة ان الاصوات دى بتبقى واضحه قوى فى الصيف بس مش دايمة يعنى بتروح وتيجى
كنت بلاحظ انها بتروح لما بغسل العربيه (الشاسيه) جرب كده وشوف

[Esam Mosaad]

انا برضوا ساعات بسمع صوت فى التبلوه بس تزيق عادى
مش حاجه بايظه يعنى زى صوت العفشه كدا
المشكله واللهى انى من النوع لو فى مسمار ناقص محبش اركب العريبه

[حماده المصري]

والله يا باشا حاجات العفشه دي عموما انا متاكد ان مفيش حد يقدر يجزم انها بايزه الا صاحب العربيه

عموما سواء البيضه او البار او التيش كلهم في النهايه بيكونوا مسمار بيتحرك وعليه حته جلبه او جلده لو الجلبه اتقطعت بتطلع تكته او المسمار ساييب برضو بيتكتك وممكن ساعتها تتكبس

عموما المجموعه دي يفضل تغيرها مع بعضها عشان صعب تفصل بينها ايه الي بايز فيها بس عموما

بيض المقض بيبوز بيطلع تكتكه في الشوارع المكسره وبتحسها من جنب العربيه

بار علبه الدركسيون لو بايز هتلاقي اليمين والشمال بتاع العربيه خفيف بالاضافه الى انه بيطلع صوت برضو بتحسه تحت رجليك

تيش الميزان بتحس بخبط وغربله في العربيه على السرعات العاليه

انا مش عارف اقول لحضرتك ايه نفسي اساعدك

مش عايز اقول لحضرتك غير كزا وكزا ويرجع الصوت زي الاول

مهو ممكن الحاجات الي غيرتها مش اصلي او الي جبتها منه قالك اصلي وهي مش كده في ظروف كتير جدا جدا في الموضوع ده

وعموما انا مقدرك جدا عشان المشاكل دي بتحصل معايا بتجنن منها ومحدش غيري بيحسها وفي النهايه الصنايعيه بيفتكروك مجنون وحساس زياده عن اللزوم وحتى لو جرب العربيه هيقولك عادي عشان هو اولا مش صاحب العربيه وثانيا مش هيعرف يطلع العيب السيفيا عربيه كويسه مش 128 مثلا هيبان فيها العيب اوي

ايه حاله الكاوتشات عند حضرتك؟؟ يعني قاعده كام كيلو وايه نوعها؟؟

وايه ظروف البطاحات ؟؟؟ هل بتحس ان العربيه بترزع جامد في النقر؟؟؟

لو على الطريق العادي مثلا ايه في العربيه عندك مختلف عن حالتها الطبيعيه من ناحيه العفشه؟؟

وياريت توصف الصوت اكتر طقطقه ولا صوت حديده بتخبط في حديده والنقر مثلا بتهز في الدركسيون عندك؟؟

وهل الصوت ده في العربيه من اول ما جبتها ولا طلع لك فجاه

عموما لو طلع فجاه يبقى ان شاء الله ليه حل

عموما احنا مع بعض وان شاء الله المشكله تتحل

[أحمد علوان]

متابع .. وشكرا لردود الاعضاء المفيدة

[Esam Mosaad]

ايه حاله الكاوتشات عند حضرتك؟؟ يعني قاعده كام كيلو وايه نوعها؟؟

بقالهم شهر تقريبا او اكثر شويه
وعلى فكره الطقه كانت مع القديم والجديد
هههههه متحولش

وايه ظروف البطاحات ؟؟؟ هل بتحس ان العربيه بترزع جامد في النقر؟؟؟

لما كنت فى التوكيل كنت اسمع ان البطاحه الشمال محتاجه تتغير بس مش دلوقتى الشمال مش اليمين واليمين هوا الى فيه كل القلق

لو على الطريق العادي مثلا ايه في العربيه عندك مختلف عن حالتها الطبيعيه من ناحيه العفشه؟؟

لا مفتكرش مبيكنش فيه مشكله
حتى انا معرض الكاوتش شويه عشان ثبات احسن ومراعى العفشه
وبتجرى وثايته وميه ميه وعلى فكره التعريض للكاوتش مش هوا السبب
لان القديم كان الاصلى بتعها وكان فى المشكله
لو الصوت كان فى العريبه من الاول مكنتش اشترتها اكيد
لكن هيا بقلها معايه سنتين وظهر تدريجيا بيبقى ضعيف وابتدى يقولى
اكنك جبت ظلطه ورحت خبطها فى صاج العريبه من تحت

على فكره كاوتشه الميزان كانت الاصليه غير كدا مفيش اى حاجه اتغيرت فى العريبه كل حاجه بتعتها والاصلى بيستحمل واخر مره كشفت زى مقولت لحضرتك

الصوت بقى بيظهر مثلا اعدى على حفره اطلع مطب
ادوس فرامل انقل غيار وادوس بنزين اسمعوا الدريكسيون لما ساعات بيكون كاسر بسمعها فى جميع الاوضاع

المشكله ان العفشه مش بتحتاج فن زى الميكانيكا
لان عيوب العفشه معروفه وامرها سهل الميكانيكا بتحتاج واحد فاهم

وانا بصراحه رحت لناس كتير كويسه وكلهم كانوا بيربطو يلاقوا الصوت راح وبقى بسيط
وبيرجع تانى وانا بجد زهقت

[Esam Mosaad]

up up up up up

[أبو صلاح]

بص ياباشا كل اللي اقدر اساعدك بيه
اني اعرف واحد بتاع زوايا
بجد برنس
اول مرة اروحله لقيته شغال في عفشة مرسيدس حديثة (مش عارف الموديل بالظبط)

على فكرة هو عرف العيب اللي عندي والعربية واقفة قبل ما يجرب
مع العلم اني رحت ل 3 بتوع عفشة قبله وكله قالي هنفك الاول وبعدين نشوف

[Esam Mosaad]

طب يا باشا يا ابو صلاح يا ريت تقولى عليه

على فكره انا انهارده رحت اغسل العريبه من غير مرفعها فى بنزينه

وبعد مخلصت ومشيت عاوز اقولك كان الصوت واضح جدا اكنى بسمع مزيا

تيك تك تيك تك

[m000dy]

بص على صلايب الكبالن
دى هايفيدك فيها ميكانيكى مش عفشجى خصوصا لو فيها بوش