سؤال بخصوص السكمان اللى بيطلع نار

[m_7arb200]

ياجماعه حد يعرف الشكمان اللى بيطلع نار

طيب هوا ايه فكرته او ازاى بيتعمل او ممكن مين يعملوه

ممكن حد يؤلى الصوت اللى شبه الصفاره اللى بيطلع فى بعض العربيات المعدله لما تدوس بنزين او تنقل ايه دا

[Fadi Ezzat]

الصوت الى شبة الصفارة دة بيطلع من التربو اما النار الى بتطلع من الشكمان دى ليها جهاز بيعمل الحكاية دى وكان معروض واحد قبل كدة على المنتدى بس مش فاكر اسمة

[m_7arb200]

خلاص ياجماعا انا عرفاتو
الشكمان اللى بيطلع نار ده هو شكمان عادى وراكب فيه حاجه اسمها back fire
ده كيت بيتباع

[د.محمود صلاح]

شكراً أول مرة أعرف الحكاية دى ,,, وطبعاً منظرة ولا بعدها منظرة !!

[anwer2010]

وده بكام بقا وفين بيتباع

[m_7arb200]

ان سمعت ان ناس كتير بتعمله هسأل واؤلك

[thekiller]

الجهاز دة اسمو back fire system ويتخرملو فى الشكمان ويتوصل بسلك فى العربية من جوة علشان لو عاوز تشغلو او تطفية وفكرتو بسيطة انو بيستغل البنزين الخارج اللى متحرقش....وبيشتغل بالبوجيهات العادية ..وسعرة كمان للى عاوز يركبة بحوالى 700 جنية

[Eng.Sameh]

ايه السكمان ده .. هي عربية اطفال ولا ايه ؟

[H_A_T_Em]

بص يا باشا ال صوت بتاع الصفاره ده اللي بيكون في فواصل النقلات بيكون صوت جزء من التربو و اسمها لbov blow off valve و ده فيديو ليه YouTube - Mitsubishi EVO X with Blow Off Valve و طبعا صوت جميل قوي اما بالنسبه للبك فاير فانا منصحكش بيه لان مره كان واحد عامله في عربيه اوبل و كان كل شويه النار تمسك في الاكصدام الخلفي و غيره اكتر من مره فمفيش داعي او ممكن بس تكون حاجه بسيطه كده و اعتقد ان النار دي تليق علي عربيات تكون مكنتها حلوه مش 1600

[macdiv]

الجهاز دة اسمو back fire system ويتخرملو فى الشكمان ويتوصل بسلك فى العربية من جوة علشان لو عاوز تشغلو او تطفية وفكرتو بسيطة انو بيستغل البنزين الخارج اللى متحرقش....وبيشتغل بالبوجيهات العادية ..وسعرة كمان للى عاوز يركبة بحوالى 700 جنية

شكله رآآئع ،، يسلام لو ده حصل في محطه بنزين من بتوعنا و حصل اللي ماقدرش ممكن اوصوفهولكم ازاي ،،، او طفله جميله لابسه فستان جميل و معديه من ورا العربيه و حد داس غلط عل الاجنيتور ..... لا تعليق

[magyver]

وفية الحركة بتاع تاخيرة الكهربة
وتزود جاامد وتقفل الكونتاك وتدوس امبلهين كدة
وبعدين تفتح الكونتاك المفروض انها تعمل باك فاير
بس مش عارف مش بتعمل عندي لية

[MohaMed_Refaat]

شكله رآآئع ،، يسلام لو ده حصل في محطه بنزين من بتوعنا و حصل اللي ماقدرش ممكن اوصوفهولكم ازاي ،،، او طفله جميله لابسه فستان جميل و معديه من ورا العربيه و حد داس غلط عل الاجنيتور ..... لا تعليق

بيقى فى زرار on& off مش بيبقى شغال علطول .

[thekiller]

بالظبط كدة انت ممكن تقفلو او تفتحو زى ماتحب يعنى مش هيبقى شغال علاطول ترازى بية نفسك والناس

[ahmeddodda]

ياباشا انا عندي في عربيتي ال128 من غير ما اعمل ولا اركب اي حاجة بطلع نار من الشكمان والطريقة بسيطة جدا بص يا معلم انتا بتحرق بنزين جامد جدا ووانتا دايس بنزين اطفي المحرك وشغلو تاني العربية هتلاقيها طلعت نار من الشكمان وعن تجربة كمان

[kaza]

ايام الشباب كنت عمات الباك فاير يدوي وهو الفكرة بتاعتة بسيطة جدا وبيتكون من بوجية عادي بيركب بعد العلبة الاخيرة في الشكمان وقبل نهايه الماسورة وبوبينة ومكثف وبيتوصل بمفتاح في التبلوة وطبعا علشان تزودة بالبنزين اللازم للاحتراق فكنت باشد الشفاط بتاع الكربرتير علشان ازود نسبة البنزين في العادم وكان بيعمل نار هايلة