مشكله فى سرعه السياره

[mohamed777]

ماتنسوش يا شباب انها عربيات قديمة وعوامل الثبات والامان فيها مش زى العربيات الحديثة وفى فرق فى المواتير من حيث خامات الصناعه وعدد الصمامات ونظام الاشعال وحاجات فنية كتير يعنى ماتقرنهاش بالعربيات الحديثة اوى
انا كمان عندى نفس مشاكلكم والحمد لله على كده ساترانا ومقضية الغرض

[محمد فريد]

حاصلة معايا برضه الايام دى وقدمت الكهرباء سنة واتعدلت
أصل محسوبكم علطول عامل نفسى خبير وبظبط الكهرباء والكربراتير بنفسى
حصلت معايا الحكاية دى لما شطبت بنزين واقعدت ادور كتير وبعد محطيت بنزين العربية بتدور بصعوبة وبتبقى مكتومه زى ميكون فى هوا زياده (ربنا يستر على الطرمبة شكلها سحبت وساخه من التنك)

[misoalex]

انتم زعلانين ان اخرها 120 و 140 !!!
اذا كان اخر سرعتها ومحد جاب بيها اكتر من 140 بعد كل التعديلات الا لو حتغير الموتور بواحد اكبر
انما انا بتكلم انى مهما كبست العربيه كانت مبتجبش غير 80
بس انا ظبط فيها حاجات وجابت ال130
بس اوسيل عندى ضرب وبقت تطلع زيت على الكبوت ههههههههههههههههههههههههه
نصيحه بلاش تفترص على العربيه اوى لانها ضعيفه وكتر خيرها انها شايلانا
لا وايه شالت الجيل الى قبلنا كمان :)

[misoalex]

حاصلة معايا برضه الايام دى وقدمت الكهرباء سنة واتعدلت
أصل محسوبكم علطول عامل نفسى خبير وبظبط الكهرباء والكربراتير بنفسى
حصلت معايا الحكاية دى لما شطبت بنزين واقعدت ادور كتير وبعد محطيت بنزين العربية بتدور بصعوبة وبتبقى مكتومه زى ميكون فى هوا زياده (ربنا يستر على الطرمبة شكلها سحبت وساخه من التنك)

ياعم بسيطه حل الطرمبه والكربراتير ونضفهم مدام حطيت ايدك على مكان العيب
انا حصل معايا نفس الموقف والعربيه بقت تعمل كده برضه
بسبب الصنايعه منهم لله سحبو بنزين من العربيه وانا دورتها وشطبت بنزين وهى واقفه
ومن ساعتها العربيه مبرجله
انا بفكر اجيب السائل الى بيتحط فى تانك البنزين وينضف دوره البنزين تفتكر ممكن يظبط الحوار ده بدل الفك والتنظيف والمصنعيات الى بتروح على الفاضى

[ahmed_belta]

ممكن يكون العجل قافش على فكرة شوفه سخن ولا لأ