كل ماروح عند بتاع الكاوتش اشوف العجب...

[M.Osman]

استفساري يتلخص في اني بشوف انواع كتير جداً من أنواع لحام الكاوتش
الصنايعي الذكي آخر مرة كان عايز يلحملي الكاوتش من برة (مش فاكر اسمه اية دا) كان هيدق حاجة كدا و بس...

لكن قلتله انا عايز لحام مكوة قاللي مفيش ... قلتله عندك اية ؟ لقيته جايب زي جلدة لونها برتقالي و لزقها من داخل الكاوتش مكان الخرم و خد 5 جنيه

آخر مرة من حوالي 6 شهور كدا .. لما حصل الكاوتش اتخرم حظي وقع مع واحد عمل لي لحام (مكوة) من جوة الكاوتش برضه ... بس كان خد 11 جنيه !

هو اى نوع احسن بالظبط عشان انا كدا بقيت تايه
شكراً

[medomezo]

لحام (مكوة) من جوة الكاوتش ده احسن من الخارجى ده بيسمى( الخابور) ده بيخلى العجله مش نافعه

[samirayad]

أهم حاجه أن اللحام يجيب نتيجه كويسه
سواء عن طريق رقعه داخليه
أو عن طريق خابور متخلل نسيج الكاوتش

المهم أن الفرده تبقى تمام ومتهربش بعد العلاج

وبرضه الصنايعى الشاطر بيحدد الازم
حسب حجم الخرم

ووضع تلف الكاوتش

[ابو حسين]

أهم حاجه أن اللحام يجيب نتيجه كويسه
سواء عن طريق رقعه داخليه
أو عن طريق خابور متخلل نسيج الكاوتش

المهم أن الفرده تبقى تمام ومتهربش بعد العلاج

وبرضه الصنايعى الشاطر بيحدد الازم
حسب حجم الخرم

ووضع تلف الكاوتش

الله ينور يا باشا

[bishoy02010]

أهم حاجه أن اللحام يجيب نتيجه كويسه
سواء عن طريق رقعه داخليه
أو عن طريق خابور متخلل نسيج الكاوتش

المهم أن الفرده تبقى تمام ومتهربش بعد العلاج

وبرضه الصنايعى الشاطر بيحدد الازم
حسب حجم الخرم

ووضع تلف الكاوتش

تماااااااااااام

[M.Osman]

ألف شكر للجميع على الإفادة...

[mohamed_rhem]

انا بقه مظبط حالي

معايا فردتين داخلي (شمبر) جداد لو حصل اي حوار بقله فك العجلة وفتشها وركبلي الداخلي

وطبعا عندي عدد لا بأس به من البلوف التيوبلس

بالمناسبة سعر البلف جملة 0.85 قرش اقل من جنية يعني وده بيتباع في التوفيقية قطاعي 1.25

وبصلح عند واحد امين او في بردجستون عباس العقاد

[ramremo]

أهم حاجه أن اللحام يجيب نتيجه كويسه
سواء عن طريق رقعه داخليه
أو عن طريق خابور متخلل نسيج الكاوتش

المهم أن الفرده تبقى تمام ومتهربش بعد العلاج

وبرضه الصنايعى الشاطر بيحدد الازم
حسب حجم الخرم

ووضع تلف الكاوتش

مع احترامى لكلام حضرتك - الصنايعى بيحدد على حسب السعر يعنى لو الخابور اغلى هيعمل الخابور ويقولى ميه ميه مع ان الرقعه كانت هتنفع وتأدى الغرض ,, مفيش حد بيقول لا الرقعه كفايه وبلاش خوابير....

[samirayad]

مع احترامى لكلام حضرتك - الصنايعى بيحدد على حسب السعر يعنى لو الخابور اغلى هيعمل الخابور ويقولى ميه ميه مع ان الرقعه كانت هتنفع وتأدى الغرض ,, مفيش حد بيقول لا الرقعه كفايه وبلاش خوابير....

طيب فين المشكله

أنا لسه عامل خابور من أكتر من سنه ونصف للفرده اللى ورا يمين

وشغاله عشره على عشره

حتى بتاع الكاوتش مكنش عنده خوابير

ورحت جبتله كارتة خوابير ب3 ج تقريبا (أفتكر فيها خمسه خوابير تقريبا )
ركبنا واحد للفرده وأديته باقى الخوابير ( لأن ركنتها مش مستحبه وبتبوظ ) وأديته جوز جنيهات

يعنى الموضوع كلفنى 2 جنيه وأربع خوابير للراجل

أما كون أن بتاع الكاوتش يدى الخابور من عنده للزبون
فده وضع مختلف ولازم الزبون يعرف أن الخابور كقيمه ماديه ( حاجه تافهه )

فلازم الزبون يكون واعى وفاهم حجم الشغلانه

[ramremo]

طيب فين المشكله

أنا لسه عامل خابور من أكتر من سنه ونصف للفرده اللى ورا يمين

وشغاله عشره على عشره

حتى بتاع الكاوتش مكنش عنده خوابير

ورحت جبتله كارتة خوابير ب3 ج تقريبا (أفتكر فيها خمسه خوابير تقريبا )
ركبنا واحد للفرده وأديته باقى الخوابير ( لأن ركنتها مش مستحبه وبتبوظ ) وأديته جوز جنيهات

يعنى الموضوع كلفنى 2 جنيه وأربع خوابير للراجل

أما كون أن بتاع الكاوتش يدى الخابور من عنده للزبون
فده وضع مختلف ولازم الزبون يعرف أن الخابور كقيمه ماديه ( حاجه تافهه )

فلازم الزبون يكون واعى وفاهم حجم الشغلانه

شوفت حضرتك قولت ايه التكلفه بسيطه -- انما لما اعمل 3 او 4 خوابير فى فرده والراجل يدفعنى 40 او 50 جنيه ده غير لو كمية الخوابير زادت بيزيد المبلغ بس مش بنفس النسبه والتناسب --- يبقى ده تسميه ايه حضرتك؟؟ -- احنا بقينا ضحية النصب اللى بيسموه فهلوه وتقليب عيش

[samirayad]

انما لما اعمل 3 او 4 خوابير فى فرده والراجل يدفعنى 40 او 50 جنيه ده غير لو كمية الخوابير زادت بيزيد المبلغ بس مش بنفس النسبه والتناسب --- يبقى ده تسميه ايه حضرتك؟؟

ليه يعنى

دا يبقى اسمه نصب

هو بيعمل خابور لكاوتش طياره فى السوق الحره بتاعة مطار القاهره

انا لو قابلت صنايعى بالشكل ده

حقوله سلام ياصاحبى وألغى الرحله معاه

[A.Saad]

المشكلة يا باشمهندس سمير ان الصنايعى بيستسهل الخابور

لو جه يعمل المكواة او اللحام الداخلى بياخد شغل اكتر

[aymansaad]

المهم فى امانة الصانيعى

[mahmoudysf]

والله احنا احتارنا خوابير ولا مكوه ولا لصق داخلي على البارد وكلا له وجهة نظر يا ريت حد يفيدنا عن علم ايه الصح للحام الكاوتش

[د.محمود صلاح]

عن تجربة 22 سنة في العربيات والكاوتش التيوبلس ,,, الخابور عمره ما يضرب ,, اللزقة الأمريكي ام حواف برتقالي دايماً مع الحر بتفك والفردة تنام تاني