اسباب ان العربية بتاكل بنزين كتير

[ahmed_hamda]

انا عربيتى 1000 سىسى مافيش مشاكل فى السحب ولة اى حاجة بس العربية بتاكل بنزين بتعمل كام كيلو فى الصفيحة مش محددها بالضبط بس انا حسبها
بس انا كنت عايز اعرف اية سبب ان العربية بتاكل بنزين

[romeo_6887]

ايه اخر اعمال الصيانه الدوريه ؟
و بعدين ايه نوع العربيه ؟

[ahmed_hamda]

عربية اونو
لسة مغير بوجيهات وفلتر بنزين وهواء من شهرين
ومغير طلمبة بنزين من اسبوع

[tarekmomo]

ممكن تكون الجلب بتاعة الكربيراتر متاكلةاة باب السرعات العالية بتاع الكربيراتر معلق

[ahmed_hamda]

هل فى اسباب تانية
انا عاوز احصر الاسباب كلها

[ahmed_hamda]

متابع...........

[m_waheed]

طبعا تختلف اذا كانت عربية كبراتير او انجشكن
لو كاربرتير
يبقياعتقد

تنظيف الكبراتير
اكس وباب
البيك ممكن يكون مقاسه اكبر او اتوسع والمفروض تجيب المقاس الستاندر بتاع العربية ولا تقلل عشان مش يخنق العربية ولا توسعه عشان مش تاكل بنزين
طلمبة النزين
ضبط التكيهات

دي الأسباب اللي اعرفها
وبرده اساتذتنا هنا يفيدوك اكتر

[N.a.j.d]

اسباب كتيره ياباشا
الفلاتر البوجيات مستوي الكوتش العربيه
حساس الشكماان ,,,, حضرتك عملت صيانه ايه بزبط

[ahmed_hamda]

غير بوجهات الى بوجيهات 4 شمعة فتلر بنزين فلتر هواء كل دة من شهرين تقريبا ومعملتيش 1000 كيلو

[powerofhelll]

ظبط زوايا و ترصيص
لو مركب شبكه
مشكله في الكربراتير
بتحرق كتير

[KSA2011]

ممكن التاكيهات تكون محمله وعايزه تتظبط
ده بيزود استهلاك البنزين

[ahmed_hamda]

وانا اعرف ان التكيهات ازاى عايزة تتظبط يعنى بتاثر فى اى فى العربية علشان ماروحش لميكانيكى ويتشتغلنى

[moharram3]

بص يا احمد باشا ، من خبرتى السابقة اقدر اقول ان معظم مشاكل الإستهلاك العالى فى البنيزين بيكون سببها عدم ضبط الكاربراتير ، عشان كده انا دايما كل سنة او سنة ونص باروح عند بتاع الكاربراتير واعمل له عملية تنظيف وما قولكش الموضوع ده بيفرق ازاى مع العربية ، وارجو انك تتعامل مع بتاع الكاربراتير مش الميكانيكى لآن الميكانيكى هايقول لك انا انضفهولك لكن طبعا عمره ما هايكون زى الراجل المتخصص ، المهم اشرح لك بقى فين بالضبط الراجل ده .. وانت جاى من الكورنيش ورايح فى إتجاه شبرا بعد ما تعدى الكوبرى اللى قاطع شارع الكورنيش وداخل على روض الفرج .. بعديها بمسافة بسيطة هاتلاقى شارع يمين على ناصيته اوناش كتيرة واقفة هاتدخل فى الشارع ده وتمشى مسافة قصيرة حوالى 100 متر وبعدين يمين مسافة 50 متر وبعدين شمال 20 متر المنطقة دى هاتلاقى فيها حوالى 3 أو 4 بيصلحوا الكاربراتير لكن انا دايما باتعمل مع واحد بيفهم كويس فيهم والورشة اسمها ياسر وخيرى ، ولو حاسس ان انت متلخبط من الوصف ممكن بعد ما تدخل يمين من شارع الكورنيش تسأل فين اللى بيصلحوا الكاربراتير وهاتلاقى كل الناس عرفين مكانهم ، وتمنياتى بالتوفيق انشاءلله

[ahmed_hamda]

بص يا احمد باشا ، من خبرتى السابقة اقدر اقول ان معظم مشاكل الإستهلاك العالى فى البنيزين بيكون سببها عدم ضبط الكاربراتير ، عشان كده انا دايما كل سنة او سنة ونص باروح عند بتاع الكاربراتير واعمل له عملية تنظيف وما قولكش الموضوع ده بيفرق ازاى مع العربية ، وارجو انك تتعامل مع بتاع الكاربراتير مش الميكانيكى لآن الميكانيكى هايقول لك انا انضفهولك لكن طبعا عمره ما هايكون زى الراجل المتخصص ، المهم اشرح لك بقى فين بالضبط الراجل ده .. وانت جاى من الكورنيش ورايح فى إتجاه شبرا بعد ما تعدى الكوبرى اللى قاطع شارع الكورنيش وداخل على روض الفرج .. بعديها بمسافة بسيطة هاتلاقى شارع يمين على ناصيته اوناش كتيرة واقفة هاتدخل فى الشارع ده وتمشى مسافة قصيرة حوالى 100 متر وبعدين يمين مسافة 50 متر وبعدين شمال 20 متر المنطقة دى هاتلاقى فيها حوالى 3 أو 4 بيصلحوا الكاربراتير لكن انا دايما باتعمل مع واحد بيفهم كويس فيهم والورشة اسمها ياسر وخيرى ، ولو حاسس ان انت متلخبط من الوصف ممكن بعد ما تدخل يمين من شارع الكورنيش تسأل فين اللى بيصلحوا الكاربراتير وهاتلاقى كل الناس عرفين مكانهم ، وتمنياتى بالتوفيق انشاءلله

شكرااا جداااا

[moharram3]

يا باشا العفو على ايه المهم انى اكون قدرت افيدك فعلا ويا ريت تطمنى لو رحت هناك او حتى عملت اى حاجة جديدة عشان برضه كلنا نستفيد