التسخين في العربيات القديمه

[cyborg_ift]

تسخين العربيات القديمه

أنا معايا 128 م89 كل يوم الصبح بدور وبمشي علطول وبقول العربيه تسخن وأنا ماشي أحسن علشان لما كنت بسخن الأول كانت بتطلع روحي لحد متسخن

المهم المشي بدون تسخين فيه خطر على حاجه في العربيه

[amir]

التسخين ضروري جدا في العربيات القديمه بالذات
علشان بلوك الماتور ياخد حراره متساويه من جوه لبره
انما المشي عليه دون تسخين يخليه يتعرض لفروق كبيره حراريا ما بين قلب بلوك الماتور و جسم الماتور الخارجي
و ده ممكن يخليه يتشرخ او يتقطم مع مرور الوقت
المواتير الحديثه اخف وزنا و سمكا من القديم فمش لازم التسخين في الحديث بس لازم في الحديث تمشي بالراحه من غير قرص لغايه ما الحراره توصل للمعدل الطبيعي

الاسكودا فيليشيا كان موتورها الومينيوم و كانت بتسخن في ثواني ( قصدي التسخين مش موضوع سخونه الفيليشيا)

[Ahmed Galal]

التسخين ضروري جدا في العربيات القديمه بالذات
علشان بلوك الماتور ياخد حراره متساويه من جوه لبره
انما المشي عليه دون تسخين يخليه يتعرض لفروق كبيره حراريا ما بين قلب بلوك الماتور و جسم الماتور الخارجي
و ده ممكن يخليه يتشرخ او يتقطم مع مرور الوقت
المواتير الحديثه اخف وزنا و سمكا من القديم فمش لازم التسخين في الحديث بس لازم في الحديث تمشي بالراحه من غير قرص لغايه ما الحراره توصل للمعدل الطبيعي

الاسكودا فيليشيا كان موتورها الومينيوم و كانت بتسخن في ثواني ( قصدي التسخين مش موضوع سخونه الفيليشيا)

كلام مظبوط

[powerofhelll]

شكرا بارك الله فيك

[cyborg_ift]

شكرا لكم جميعا الواحد ينزل ربع ساعه بدري وخلاص

[د.محمود صلاح]

3-5 دقائق تسخين لحد ما تطوق العربية كفاية جداً وبعدين تمشي بالراحة خالص كمان 5 دقائق وبعدين ما تجهدش الموتور الا بعد كمان 20 كم

[cyborg_ift]

3-5 دقائق تسخين لحد ما تطوق العربية كفاية جداً وبعدين تمشي بالراحة خالص كمان 5 دقائق وبعدين ما تجهدش الموتور الا بعد كمان 20 كم

ده كلام جميل سهل تطبيقه إلا في حتة تطويق العربيه لإني بصراحه معفن جدا جدا جدا

[khaled_sabry]

ده كلام جميل سهل تطبيقه إلا في حتة تطويق العربيه لإني بصراحه معفن جدا جدا جدا

هههههههههههههههههههههه
ياعم اتفق مع بواب عماره يمسحهالك كل يوم الصبح (ده لو رضى )

[cyborg_ift]

البواب هوه كمان معفن

مره طوقهالي بقت مشبره قمت ماسكه من قفاه قولتله خش العربيه قعد يقولي انا والله مبعرفش اسوق هههههههههههه افتكره اني هديله لفه هههههههههه

قلتله خش بأه قمت زقيته قولتله شوفت القرف بتاعك اللي اصطبحت بيه ومن يومهه وحياتك ولا هوه ولا غيره ولا حتى انا بنلمسهه بفوطه خالص

[د.محمود صلاح]

فوطة زفرة على الأقل الزجاج الامامي والخلفي والمرايات عشان تشوف كويس قدامك

[ahymad]

كمان عدم تسخين العربية يزيد من استهلاك البنزين

[amir]

فوطة زفرة على الأقل الزجاج الامامي والخلفي والمرايات عشان تشوف كويس قدامك

هو بصراحه مكنتش هاتكلم في النقطه دي بس مادام الدكتور محمود شخصيا فتحها فلازم ادلي بدلوي
غسيل السياره من الواجبات المحتمه علي صاحبها
و مش قصدي الغسيل بجردل و فوطه
كل شهر او شهرين و بعد ما الدنيا تمطر و الشوارع تنشف لازم تغسل العربيه في البنزينه و يكون غسيل للماتور و العفشه و تتنضف كويس
امال العربيه اي عربيه تعيش معاك ازاي؟

[cyborg_ift]

فوطة زفرة على الأقل الزجاج الامامي والخلفي والمرايات عشان تشوف كويس قدامك

ماشي كلامك وعلشان تعرف انك غالي عندي نزلت كارفور واشتريت فوطه زفره اللي ليهه مقبض علشان متوسخش الواحد

[khaled_sabry]

ماشي كلامك وعلشان تعرف انك غالي عندي نزلت كارفور واشتريت فوطه زفره اللي ليهه مقبض علشان متوسخش الواحد

فوطه زفره و بمقبض .... جديده دي
انا اللي اعرفه ان الفوطه الزفره دي بتبقي فوطه عاديه بتمسح بيها بواقي الزيت و خلافه
و البواقي دي بتزفرها و البواقي دي هي اللي بتلم التراب كله من العربيات

[El.Hossieny]

كمان عدم تسخين العربية يزيد من استهلاك البنزين

ممكن بعد أذنك اعرف اذاي ؟؟ او ايه العلاقة ؟؟؟