ريحة العادم ؟

[moudy2002]

ريحة العادم عندى نيى يعنى تحس انه مش حارق كويس
هل فعلا الموتور محتاج زبط على الكمبيوتر ولا اية لان الميكانيكى معرفش يظبط الموضوع دة لانة كفتجى ؟
ولو لازم يظبط ممكن حد يقلى مركز كويس .
وهل دة بيأثر على السحب وصوت الموتور .
ملاحظة العربية بحس برجة فى الدركسيون وانا فى الثبات وبرضة حاساس انها مخنوقة وصوتها عالى

العربية اكسنت 1500 انجيكشن . وشكرا مقدما

[MMamdouh]

العربيات الانجكشن ملهاش ضبط

انت متاكد ان الحريق نى؟ يعنى انت عارف ريحة الحريق النى و ريحة الحريق المضبوط كويس؟

انت شميت العادم و العربية باردة ولا سخنة؟

اخبار استهلاك البنزين ايه و الدوارة الصبح على كول ولا بتاخر؟

بوجيهاتك بقالها قد ايه متغيرتش و العربية عاملة كام الف؟

MMamdouh

[moudy2002]

ممدوح باشا الاب الروحى للدايو .. دة شرف ليا ردك على سؤالى ياباشا

1- ريحة العادم النيى معروفة جدا تحس انك هتتخنق من الريحة وكمان الشكمان مليان عادم اسود من جوة . انا برضه ورتها لميكانيكى وقالى انه نيى .. يعنى انا متأكد انه فعلا نيى
2-الريحة بتبان قوى والعربية بردة ولما تسخن برضة بشم الريحة بس مش قوى بس موجودة .
3-البنزين استهلاكة معقول حوالى 9 لتر /100 كم العربية بدور الصبح على طول من غير اى معناة يعنى من اول تكة .
4- البوجيهات بقالها اسبوع (nkg ) بس الى هى فى علبة كرتون علشان مش لاقى الى هى فى بلاستك علشان الاكسنت الصمولة 16 ومش 32 على ما اعتقد .
5- العربية عاملة 98.000 ك .
6 - الشكمان لسة مغير علبة ورا وقدام كاملة لانه كان منفس
برجاء الافادة من الاخ ممدوح والاخوة الكرام
وشكرا

[MMamdouh]

اعتقد كدة الشك ناحية حساس الشكمان... جرب تفك السوكت بتاعة و شوف العربية حتعمل ايه؟ ممكن لمبت التشك تنور بس مش مشكلة لما تركب السوكت حتطفى... هى العربية مبرجلة شوية فى السلانسيه؟

الاكسنت فيها اير ماس مش كدة؟

MMamdouh

[moudy2002]

انا مش عارف حساس الشكمان دة فين بس ممكن اخلى الميكانيكى يبص علية بس هو المفروض لما اشيلة وركبة تانى اية الى يحصل للعربية ؟

العربية فعلا فيها برجلة محسوسة فى السلانسية

معرفاش اية موضوع الاير ماس دة اقصدك اية

وهل هيبقى فية مشكلة لو ماشيت بالعربية و الموضوع دة فيها يعنى بمعنى اصح بيأثر على اية
وهل بأثر على السحب والموتور

ومش عارف اشرك ازاى ياباشا ..

[moudy2002]

نسيت اقول حاجة الشكمان مبيطلعش دخان كتير يعنى ملوش لون بس هى الريحة الى بينة قوى . حبيت اوضح على اد ما اقدر وشكرا

[MMamdouh]

حساس الشكمان بيبقى فى الفرن من تحت والمفروض لما تشيل الفيشه بتاعته وهو فى مشكله دوران المتور يتحسن شويه



الاير ماس ميتر بيقيس كميه الهواء اللى داخل للمتور ولو فى حاجه غلط حيبرجل العربيه

المشى كدة مش مضر اوى بس ممكن على المدى الطويل ياثر على البوجيهات و حساس الاكسجين

ممكن كمان يبقى منظم ضغط البنزين بتاع المسطرة فيه مشكلة و عامل ضغط عالى فى دورة البنزين

MMamdouh