ينفع أنقل غوايش من فتيس لفتيس أخر ؟؟

[ahmed_h_g]

السياره أكسل 96 مانيوال .
1- غوايش الفتيس ينفع تتنقل من فتيس لفتيس أخر دون تعديل ؟؟
2- الفتيس القديم كان فيه صوت خروشه عند بداية التشغيل والجديد اللى راكب حاليا" مفيهوش
هل عند نقل الغوايش الصوت هيتنقل معاها عالفتيس الجديد ؟؟؟

[samirayad]

وماهى مشكلة الجديد
التى تستدعى نقل الغوايش من القديم الى الجديد

[ahmed_h_g]

نقره فى بعض الغيارات .

[samirayad]

يبقى غوايش فعلا

وأنقل من القديم للجديد
وتوكل على الله

وشكل الغوايش حيبان معاك برضه
وأنت بتفورها من القديم لنقلها للجديد

وحتلاقيها سليمه إن شاء الله

- الفتيس القديم كان فيه صوت خروشه عند بداية التشغيل

لأن الصوت ده مش من الغوايش بنسبه كبيره

[yahiahelaly]

يا فندم الثوت ده يا زيت الفتيس لزوجته عاليه يا بليه دريك في الفتيس برضه جرب الاول غير الزيت بلزوجه 90 واحد هنا خف الصوت عنده اوي لما غير الزيت للزوجه اخف وواحد صاحبي باكسيل برضه فتح الفتيس وغير البليه ديه والصوت راح بس التفيس بقى رخم وبيعض وانا كمان عندي الصوت ده ومش هاجي نحيه الفتيس تمام صوت ومتعايش معاه ولما بيسخن بتروح وخلاص بلاش تلعب فيه ولما يبوظ ابقى هات واحد على بعضه استيراد وخلاص

[ahmed_h_g]

الف شكر يا أبو أحمد دايما" تاعبك معايا معلش منكم نستفيد وجزاك الله خيرا"
معلش أخر سؤال
عندى ميكانيكى ممتاذ جنب العماره عايز يعمل الموضوع ده بس أنا مقلق بصراحه وعايز أعمله عند ورشه متخصصه
فهل أتوكل على الله وأخليه يشتغل ولا الموضوع فيه فن مع العلم ان العربيه بتاعة واحد حبيبى وخايف يحصل حاجه تبقى فى وشى
والسعر التقريبى كام للموضوع ده ... والف شكر عالمتابعه .

أستاذ يحيى شكرا" عالمشاركه بس ياريت تقرأ الموضوع من الأول المشكله مش فى الصوت
تحياتى .

[samirayad]

عندى ميكانيكى ممتاذ جنب العماره عايز يعمل الموضوع ده بس أنا مقلق بصراحه وعايز أعمله عند ورشه متخصصه

أستخير الله

وسيهيىء لك من أمرك رشدا

[ahmed_h_g]

الف شكر يا هندسه وجزاك الله خيرا .

[samirayad]

الله يخليك
يا أحمد بيه