مشكله في مروحه 128

[khaled_bibo]

بسم الله الرحمن الرحيم

انا عندي مشكله في 128 المفروض ان المروحه بتشتغل بعد اما الامبير يوصل

90 بس دلوقتي مابتشتغلش و المياه غليت في القربه فشغلت المروحه من المفتاح

و روحت لمكانيكي قالي ديه كهربا يا ترى كلامه صح؟ و لو فعلا كده

ماينفعش انا اللي اعملها عشان انا مش لاقي كهربائي موثوق فيه في حدائق حلوان

ملحوظه : الكلام ده حصل بعد المطره الرهيبه اللي نزلت و الاشارات كمان مش شغاله

مع ان الانتظار شغال

[romeo_6887]

ممكن يكون توقيت الثرموستات معتش صحيح لان ده هو اللي بيشغل المروحه عند درجه حراره معينه عموما بص بصه علي الثرموستات و روح للككهربائي عشان موضوع الاشارات ده و بسيطه ان شاء الله

[Eng_Mostafa_89]

بص على الفيوزات كلها وشفها سليمة ولا لاء
وشغل الاشارة وهز الفيوزات كلها لو اشتغلت يبقى دى كانت مشكلة فيوز

[Mostafa.Mahran]

الثرموستات ممكن تكون عاوزة تتغير
هات واحدة 70-80
بس خلى الكهربائى يشوف التوصيلات الاول

[khaled_bibo]

شكرا لنصايحكوا و ا ن شاء الله هجرب بس ازاي اعرف اذا الفيوز عاوز يتغير

[thegoodhacker]

شكرا لنصايحكوا و ا ن شاء الله هجرب بس ازاي اعرف اذا الفيوز عاوز يتغير

الفيوز بيبقي زي صوبع بلاستيك عليه شريط نحاس .... لو لقيت شريط النحاس ده مقطوع يبقي كده الفيوز عاوز يتغير .....
وممكن يكون الفيوز سليم بس اتحرك من مكانه فما بقاش موصل كويس ففي الحالة دي تثبت الفيوز في مكانه كويس وتنحل كده المشكلة
بس طبعا الفيوزات تبص عليها وانت طافي موتور العربية وما تحاولش تمسك الطرف النحاس علشان لو فيه قفلة في الدائرة ولا حاجة ( خلي بالك )!!

[khaled_bibo]

طب انا عندي الفيوز ملون و مش باين منه اي سلك اكشف عليه ازاي

[dr_abooody]

انا كان عندي واحد عجيب
تقريبا مش بيخلى العربية توصل للنصف و غيرتة جيبت واحد اعلى

[zastaffa]

هو الترموستات في العربيات الفيات القديمة بتاعتنا دي 3أنواع أو خلينا نقول 3درجات:1_80-90 وده يخلي المروحه تشتغل لما درجة حراره المياه في الراديراتير توصل 90 ويخلي المروحه تفصل لما درجة حراره المياه تنزل من ال90 وتوصل 80 وهكذا،،، 2_ 68-82 وبرضه يخلي المروحه تشتغل لما درجه حراره الماء تصل ل82 لحد مترجع وتنخفض ل68 يفصل المروحه وللأمانه النوع التالت مش فاكره بس هو تقريبا بيخلي المروحه تفصل عند 76 وتشتغل عند 88

[jojajo]

بص فى كهربائى فى شارع جمال عبد الناصر عبقرى اسمه سمير روح عنده وبجد راجل مية مية وفى عنده واحد اسمه سامى دة قوله تعالى شوفلى العربية

[m_mekkawy]

شوف يابنى محدش عارف الـ 28 قدى انا
بالنسبه للفيوزات هتلقيها سليمه لان الـ 28 الضفيره كلها بتولع الوفيوز مبيتحرقش ليه والله ماعرف المهم
بص على الريداتير من تحت مش هتوصله الا اذا نمت تحت العربيه هتلاقى فيه حاجه مدوره فى الريداتير فيها سلكين فكهم ولمسهم ببعض المروحه دارت يبقى مش عندك عيب فى الكهربا لو مدرتش يبى فيه حاجه فى الوصله بتاعه الترموستات يا فيه مشكله فى الوصله اللى مابين المروحه والترموستاتيا وصله الكهربا العمومى.
لو لمست ودارت زى ما قلنا هات مفتاح 22 وفك الترمستات (الميه كلها هتنزل طبعا) وركب واحد غيره وده بـ 13 جنيه باين بس انصحك تجيب من 80-90 احسن من التانى لانه التانى بيفضل شغال على فاضى بس وانت بتفك خد بالك لان البتاعه اللى بتركب فيه احيانا بتكون مصديه وبتتكسر ولو حصل كده تبقى مطر تلحم الريداتير.
بالنسبه للأشارات غير اوتوماتيك الأشارات بواحد تانى لان هوه اللى منه العيب بس بقلك حاجه انت هتلقيه بنسبه 80% ورا عدادات الطابلون او تحت فوق دواسة الفرامل
اصل انا كان عندى 28 زمان فى مصر (الله يحرق ليام امها).

[khaled_bibo]

هو الترموستات في العربيات الفيات القديمة بتاعتنا دي 3أنواع أو خلينا نقول 3درجات:1_80-90 وده يخلي المروحه تشتغل لما درجة حراره المياه في الراديراتير توصل 90 ويخلي المروحه تفصل لما درجة حراره المياه تنزل من ال90 وتوصل 80 وهكذا،،، 2_ 68-82 وبرضه يخلي المروحه تشتغل لما درجه حراره الماء تصل ل82 لحد مترجع وتنخفض ل68 يفصل المروحه وللأمانه النوع التالت مش فاكره بس هو تقريبا بيخلي المروحه تفصل عند 76 وتشتغل عند 88

شكرا على ردك الرائع و المعلومات المفيده

بص فى كهربائى فى شارع جمال عبد الناصر عبقرى اسمه سمير روح عنده وبجد راجل مية مية وفى عنده واحد اسمه سامى دة قوله تعالى شوفلى العربية

طب لو تعرف احمد المكانيكي قالي ان في واحد في وادي حوف اسمه حسين ايه رأيك فيه؟

شوف يابنى محدش عارف الـ 28 قدى انا
بالنسبه للفيوزات هتلقيها سليمه لان الـ 28 الضفيره كلها بتولع الوفيوز مبيتحرقش ليه والله ماعرف المهم
بص على الريداتير من تحت مش هتوصله الا اذا نمت تحت العربيه هتلاقى فيه حاجه مدوره فى الريداتير فيها سلكين فكهم ولمسهم ببعض المروحه دارت يبقى مش عندك عيب فى الكهربا لو مدرتش يبى فيه حاجه فى الوصله بتاعه الترموستات يا فيه مشكله فى الوصله اللى مابين المروحه والترموستاتيا وصله الكهربا العمومى.
لو لمست ودارت زى ما قلنا هات مفتاح 22 وفك الترمستات (الميه كلها هتنزل طبعا) وركب واحد غيره وده بـ 13 جنيه باين بس انصحك تجيب من 80-90 احسن من التانى لانه التانى بيفضل شغال على فاضى بس وانت بتفك خد بالك لان البتاعه اللى بتركب فيه احيانا بتكون مصديه وبتتكسر ولو حصل كده تبقى مطر تلحم الريداتير.
بالنسبه للأشارات غير اوتوماتيك الأشارات بواحد تانى لان هوه اللى منه العيب بس بقلك حاجه انت هتلقيه بنسبه 80% ورا عدادات الطابلون او تحت فوق دواسة الفرامل
اصل انا كان عندى 28 زمان فى مصر (الله يحرق ليام امها).

شكرا ليك جداااااااا و ان شاء الله اجرب و اقولك و انت افدتني كتيييييير بس في حاجه

هو الاتوماتيك بتاع المارش هو الفلاشر و في حاجة كمان الانتظار شغال يبقى فلاشر شغال و لا ايه

[m_mekkawy]

الأوتوماتيك بتاع المارش لازق فوق المارش فى الكبوت من قدام جمب الريداتير وملوش دعوه خالص
لا لأن الـ28 اوتوماتيك الفلاشر مختلف عن بتاع الأنتظار غالبا ولو عندك واحد وده مش ارجحه يبقى الوصله بتاعة المفتاح العمومى (الدراع بتاع الفلاشر ) مش واصله كهربا.

[khaled_bibo]

اه شكرا ليك جدا و ان شاء الله اشوف الفلاشر ده فين

[khaled_bibo]

بس اوصله ازاي ورا عدادت الطابلون ؟؟!!