الريجاتا بتطبل معايا عند سرعة 80 تحديدا

[hamaza81]

والحل اللي قلتلك علي مافيش حاجة تعمل نفس العيب غير ان ماخذ البنزين من التانك مسدود جزئيا ومحتاج يتنظف ياما بالنفخ العكسي ياما بالفك من التانك

دا تقريبا اللي قاله آخر ميكانيكي، بس انا لسة ماعملتش حاجة، ربنا يسهل

قبل أى حاجة ، غيرت فلتر البنزين؟ اللى انت بتقوله ده اعراض فلتر بنزين مسدود

دا أول حاجة عملتها، غيرت فلتر البنزين وطلمبة البنزين عشان الميكانيكي قالي انها ضعيفة

[kaza]

[QUOTE=Ahmed Galal;3872548426]كلام جميل و شكلك اتقرصت من الدكاترة
قبل كده[/QUOTEh
اه والله الدكاترة طلعوا عيني علي مدار 28 سنة

[hamaza81]

السلام عليكم
آخر الأخبار:
غيرت الميكانيكي ورحت لميكانيكي تاني، ركب معايا وشاف العيب بنفسه، أول ما العربية بطلت نزل وشد خرطوم البنزين اللي طالع من الطلمبة وقالي الطلمبة دي ضعيفة، قولتله ياعم انا مشتريها جديدة؟؟ شوف بس انت خراطيم البنزين اخبارها ايه، قالي طيب
طلعنا على الورشة وشغل الكمبروسر ونفخ خراطيم البنزين كلها وقالي زي الفل مافيهاش حاجة. طلع كدة صباع معدن اللي بيدوس على طلبمة البنزين وقالي دا اللي فيه العيب وعايز يتغير لأنه كان شكله معووج، رحنا غيرناه وقالي انت كدة مافيش عندك اي مشاكل.
طلعت جربت العربية، ايه اللي حصل يا ترى؟؟
نفس المشكلة العربية اول ما بتوصل لـ 60 أو 70 مش بتستجيل لضغطة البنزين من رجلي وبتبطل.
في ملاحظة واحدة: لما رجعنا الورشة قولتله فين الموبينه ، شاورلي عليها، لقيتها سخنة، قولتله هي عادي تبقى سخنة قالي عادي جدا، هل دا صحيح؟
انا تعبت خلاااااااااص

[kaza]

انت ساكن فين لو في مدينة نصر قابلني وهحلهالك وبدون مقابل ياسيدى ماتخافش

[hamaza81]

انت ساكن فين لو في مدينة نصر قابلني وهحلهالك وبدون مقابل ياسيدى ماتخافش

انا ساكن في فيصل بس عادي ممكن اجيلك مدينة نصر بس هايبقى متأخر شوية يعني بعد الساعة 10 مساء
ثم هايبقى في مقابل أكيد، هتاخد دعوة من واحد غلبان والميكانيكية بيعملوا عليه شغل
وجزاك الله خيرا

[hamaza81]

الحمد لله الذي بنعمته تتم الصالحات
امبارح انا رحت للميكانيكي وفضل مصر على رأيه ان الطلمبة ضعيفة، جربنا نفخنا كل خراطيم البنزين تاني وركبت الطلمبة القديمة اللي كانت موجودة، دورت العربية وشاف خرطوم البنزين اللي طالع من الطلمبة لقى ان ضخ البنزين كويس، طلعت جربتها حصل نفس المشكلة، العربية بطلت عند سرعة 80.
رجعت للميكانيكي قالي يا اما هاصلحهالك يا اما هاقفل الورشة وأبطل ميكانيكا
بص على الخرطوم اللي طالع من الطلمبة لقينا ضخ البنزين قل عن الأول، الراجل قالي يبقى كدة العربية ضخ البنزين فيها قليل على السرعات العالية والطلبمات الاثنين الجديدة والقديمة ضعاف ( لسة مغير فلتر البنزين عشان ماحدش يقولي الفلتر مش نضيف ).
المهم فكينا العمة، في اثنين خراطيم واحد بيدخل بنزين للكاربيراتير، والثاني بياخد البنزين الراجع يوديه للتانك، قام الراجل عمل اختراع كدة جاب حاجة وسد بيها المخرج اللي بيودي البنزين اللي راجع للتانك وراح سد الخرطوم اللي راجع للتانك، بقى الكاربراتير فيه خرطوم واحد بس اللي بيدخل بنزين، وقالي نعوض ضعف ضخ البنزين في السرعات العالية بإن إحنا نسد الراجع للتانك، وقالي المشكلة الوحيدة انها ممكن تشرق ولو شرقت هاتشرق وهي في السلانسية، دور العربية وسابها دايرة شوية تمام مافيش مشكلة، قالي اطلع جرب العربية ، طلعت جربتها الحمد لله بقت زي الفل ومشيت بيها على 120 لفترة بس خفت ازود عن كدة عشان انا مش بحب السرعة، المهم فضلت ماشي بيها حوالي ساعتين العربية زي الفل بتسحب ومش بتبطل خالص ولا في شرقة ولا أي حاجة.
كدة المشكلة اتحلت الحمد لله

أنا بس عايز أعرف هل اللي عمله الميكانيكي ( سد خرطوم البنزين الراجع للتانك ) دا في ضرر على العربية، أنا عندي قناعة تامة ان اللي صنع العربية ماعملش الحاجة دي كدة وخلاص اكيد ليها لازمة. فهل مثلا اللي عمله الميكانيكي دا هايخلي العربية تسحب بنزين أكتر واللا ايه المشاكل اللي ممكن تحصل من كدة؟؟؟؟؟؟

وانا بشكر جميع الزملاء اللي شاركوني بمقترحاتهم وأفكارهم ودعواتهم

[samirayad]

فهل مثلا اللي عمله الميكانيكي دا هايخلي العربية تسحب بنزين أكتر

نعم
المحرك سيلتهم بنزين كثيرا

ولو بتستعمل بنزين 80 وغير هام لك معدل أستهلاك البنزين
مش حالك شويه اليومين دول وأبقى كل فتره أكشف على البوجيهات
لأنها حتهبب أكيد بسبب البنزين الكتير المضخوخ على السرعات الأقل من 80 كم / س

وممكن ترجع الوضع لطبيعته وتشغل خرطوم الراجع
وتغير البيكات بتاعة السرعه على أساس التجربه التى قد تولد نتيجه مرغوبه

بأت الأمور تمام ............يبقى رجعت ريما لعادتها القديمه والحمد لله

لسه الأمور مش تمام

يبقى يفضل تشوفلك كاربوراتير تانى فيما بعد

لأن ممكن تكون فيه مشكله فنيه فى طلمبة التعجيل الموجوده على جانب الكاربوراتير ومن ضمن مكوناته

أو عيب فى ميكانيزم العوامه نفسها


وقد يكون العيب أبسط من هذا كله

وهو عيب يتطلب تغيير العوامه فقط

[hamaza81]

نعم
المحرك سيلتهم بنزين كثيرا

ولو بتستعمل بنزين 80 وغير هام لك معدل أستهلاك البنزين
مش حالك شويه اليومين دول وأبقى كل فتره أكشف على البوجيهات
لأنها حتهبب أكيد بسبب البنزين الكتير المضخوخ على السرعات الأقل من 80 كم / س

وممكن ترجع الوضع لطبيعته وتشغل خرطوم الراجع
وتغير البيكات بتاعة السرعه على أساس التجربه التى قد تولد نتيجه مرغوبه

بأت الأمور تمام ............يبقى رجعت ريما لعادتها القديمه والحمد لله

لسه الأمور مش تمام

يبقى يفضل تشوفلك كاربوراتير تانى فيما بعد

لأن ممكن تكون فيه مشكله فنيه فى طلمبة التعجيل الموجوده على جانب الكاربوراتير ومن ضمن مكوناته

أو عيب فى ميكانيزم العوامه نفسها


وقد يكون العيب أبسط من هذا كله

وهو عيب يتطلب تغيير العوامه فقط

ربنا يباركلك
أنا أفضل أخلي الأمور زي ما هي ( أنا ما صدقت ) وهراقب استهلاك البنزين خصوصا إني بحطلها 90، لوحصل مشكلة هبدأ أبص على الكاربراتير.
وشكرا

[amro1965]

التجربة مفيدة
اتمنى بعد مراقبتك للوقود تخبرنا السيارة بتعمل كام كيلو فى الصفيحة
برجاء لا تبخل علينا بالافادة

[hamaza81]

التجربة مفيدة
اتمنى بعد مراقبتك للوقود تخبرنا السيارة بتعمل كام كيلو فى الصفيحة
برجاء لا تبخل علينا بالافادة

أكيد طبعا، انا فولت العربية أول امبارح وبمشي كل يوم حوالي 70 كيلو على الدائري.
ربنا يسهل والمرة اللي جاية لما احط بنزين هاعرف مونت كام لتر ومشيت كام كيلو واطلع المعدل باذن الله

[hamaza81]

امبارح فولت بنزين العربية أخدت 43 لتر ( بنزين 90 )
وانا كنت مشيت بالعربية 445 مابين الدائري ووسط البلد
يعني متوسط الصفيحة تقريبا 205 كيلو
ياترى المعدل دا كويس؟؟؟ واللا كدة العربية بتستهلك بنزين زيادة؟؟

[mtageldeen]

امبارح فولت بنزين العربية أخدت 43 لتر ( بنزين 90 )
وانا كنت مشيت بالعربية 445 مابين الدائري ووسط البلد
يعني متوسط الصفيحة تقريبا 205 كيلو
ياترى المعدل دا كويس؟؟؟ واللا كدة العربية بتستهلك بنزين زيادة؟؟

في رأي هذا إستهلاك معقول خاصة إنه داخل المدينة.
وحمدا لله علي سلامة العربية.

[hamaza81]

وحمدا لله علي سلامة العربية.

الله يسلمك يا باشا ومانجيلكش في حاجة وحشة