ارجوكم افيدونى فى البونتو بالله عليكم .....!!!!!!!

[dr_medo]

نفسى الاقى حد يفيدنى ....والله انا اتبهدلت مع العربيه دى ..انا عربيتى فيات بونتو موديل 98 ولسه جايبها من شهر .؟.امبارح روحت مركز صيانة اسمه البرقان فى شارع العريش الهرم وخلانى كنت خلاص هعيط ..قالى العربيه عايزة مصاريف كتيرة اووى وعمرة موتور ودى لوحدها هتكلف 7000 جنيه غير الباقى ...!!!! وكمان حاجة غريبه اوى قالى الكمبيوتر لم يتعرف على الكنترول يونت اللى عندى !ّ!!!!!!! سالته ازاى ؟؟ قالى مش عارف .. قولتله طب لما يكون الكمبيوتر مش بيتعرف على الكنترول يونت ايه الاحتمالات ؟؟ قعد يتوه فى الكلام وموصلتش لسبب .؟....!! وفى التقرير كاتبين انه محتاج طقم سيور وفلاتر وتغيير زيت قولتله انا لسه مغيرهم وجداد قالى حلاص نلغيهم بلاش منهم ؟؟!!!!... يعنى هما مش عارفين ازا كانت الحاجات دى جديده ولا لأ؟؟؟ والفتيس بيسرب زيت وعايز يفكه وحاجااات كتيييييرة اووى ........
انا بجد مش عارف اعمل اييه ؟؟؟؟؟؟؟؟؟نفسى حد يكون معاه نفس العربيه ويفيدنى فى اللى انا فييه ويقولى ايه اللى مختجاه العربية بالظبط لانى مش واثق فى كلام مركز الصيانه داا

[yoko]

روح للمركز الرئيسي لفيات الي في جسر السويس ولو إحتجت أي حاجة أنا تحت أمرك
وواضح إن صاحب العربيه كان مبهدلها

[dr_medo]

شكرا يا باشا على الرد بس انا روحت مركز الخدمه قالى مالوش لازمه انو يكشف عليها طردها من على الباب ...هههههه قاللى حرام تدفع 500 جنيه فى الكشف عليها ونعمل بيهم حاجه احسن انا عايز حد يكون اسعاره كويسه علشان زى ما انت شايف هتحتاج حاجات كتييره اووى ودا لو فى مركز الخدمه يبقى هدفع تمنها تانى

[romeo_6887]

يعني حضرتك قبل ما تشتريها مرفعتش العربيه و شوفت كبس الموتور !!!!!!

[yoko]

إسأل في قسم فيات حد من الي معاهم البونتو ممكن يرد عليك

[dr_medo]

يا باشا انا عملت كبس موتور وكان 65% وكمان قالولى ان الموتور مش مهم موتور استيردا ب2000 بالكتييير قولت الموتور دا يمشينى شويه على ما اجيب موتور .. انما الحاجات التانيه دى انا هابقى اقولوكوا على اللى فى التقرير بتاع مركز الصيانه اللى عملت عنده والحاجت اللى عايزه تتغير وانتو تقولوا ايه رايكم
وعلى فكرة انا عامل موضوع فى قسم الفيات ومفيش افاده قولت اعمل هنا

[yoko]

فين ده ممكن اللينك وإكتب إيه مشاكلها بالظبط وممكن نفكر مع بعض ونرتب الحجات حسب الأهم

[romeo_6887]

وكان 65%

ده كبس موتوري 85 % و مش عاجبني الاداء
معلش حضرتك غلطان من الاول انك جبت العربيه
و كبس موتورها قليل كده
اقل حاجه المفروض 75 %

[romeo_6887]

انا هابقى اقولوكوا على اللى فى التقرير بتاع مركز الصيانه اللى عملت عنده والحاجت اللى عايزه تتغير

في انتظار التقرير و ان شاء الله هتتظبط

[dr_medo]

بالنسبة للمشاكل نقولهم واحد واحده علشان نتوصل لكل حل لمشكله على حده وانا عارف انى هتعبكم معايا بس بجد ربنا يجازيكم خير ويجعله فى ميزان حسناتكم ..اولا العربيه بتاكل بنزين جامد وبتطلع دخان اسود مهبب من الشكمان ومش بتدور غير لما ادوسلها بنزين وناس كتير قالولى دا عيب حساس البنزين وانى اكشف عليها كمبيوتر علشان اعرف اى حساس اللى بايظ ولما وديتها قالوا الكمبيوتر مش متعرف على الكنترول يونت زى ما ذكرت قبل كده ... دا جننى اكتر بس المتفقين عليه انه حساس بنزين واللى هياكد دا كشف الكمبيوتر اللى طلع مش نافع ؟؟ انا اعمل ايه بقى ؟

[yoko]

إنت كده لازم عمرة مستعجلة لإن الموتور خلاص بيودع وبعد العمرة الدنيا هتبان

[romeo_6887]

بص اعمل طقم سيرفيس للعربيه يعني طقم سيور و طقم فلاتر و بوجيهات و غيار زيت نضيف و شوف الاداء هيتحسن و لا لأ

[dr_medo]

انا كنت ماجل العمرة دى شوية علشان انا لسه شارى العربية فخبطتين فى الراس توجع .... مالهاش حل تانى
على فكرة يا روميو انا لسه مغير طقم السرفيس من مافيش اسبوعين مثلا

[yoko]

بنسبه كبس ٦٥ معتقدش فيه حل غير العمرة أو تسقط موتور

[dr_medo]

بنسبه كبس ٦٥ معتقدش فيه حل غير العمرة أو تسقط موتور

طب لو حبيت اجيب موتور ؟؟ مش عايز يحصل فيا تانى اللى حصل لو تعرف حد يفيدنى فى الموضوع دا واجيبه منين ؟؟ وتكلفته اد ايه ؟؟