غيرت البوجيهات الموتور على صوتة؟

[bateka555]

السلام عليكم يا خبراء نايل ورشة نايل موترز:
أن معايا عربية BYD F3r موديل 2007 موتور 1600 إنجكشن طبعاً المهم خيرت البوجيهات و جبت بوجيهات 3 شمعة (الى كان متركب واحد شمعة ) وركبت البوجيهات و اخر تمام .
بليل فى نفس اليوم كونت فى مشوار كدة لايت أن عدد سرعات لفات الموتور زيادة وانا واقف مش دايس على الدواسة (1500 لقة ) و المفرود بتكون المعتاد 800 لفة إستغربت و أكتشفت أن لما العربية تسخن هدد لفات الموتور تزيد و توصل 1800 لفة وانا شايل رجلى أطلع أولانى ببطء الأر بى إم ينزل طبيعى ويبت\ى يطلع حسب دوستى على الدواسة البنزين؟
حد يعرف إية حل الفزورة دى ؟؟؟؟؟؟؟؟؟؟؟؟
وشكراًً

[SAMEH_FOUAD]

طيب ماتشوف البوجيهات دية يمكن مش بتاعتة عربيتك لان كل عربية وليها بوجيهاتها الخاصة بيها ودة بيبان عندك من الكود اللى مكتوب عندك على البوجيهة اللى طالع من العربية

[bateka555]

أنا راميت البوجيهات القديمة طبعاً . هل ممكن ألاقيها فى الكاتالوج؟؟
وشكراً على إهتمامك

[bateka555]

مفيش حل ولا إية؟؟؟؟؟

[mesho_kimi]

كل عربيه وليها بوجيه مخصوص يعنى انت لو بيركب عندك واحد شمعه أى بوجيه تاني حيبرجلك العربيه لو الواحد شمعه كان شغال تمام ممكن ترجع البوجيهات دية وتبدلها بواحد شمعه

[kasten]

متابــــــــع

[romeo_6887]

ركب بوجيهاتك القديمه و بالمره نضف الايدل كنترول

[dr_magdi2009]

ركب بوجيهاتك القديمه و بالمره نضف الايدل كنترول

يعنى ايه الايدل كنترول .............انا عربيتى 132

[A7MED_PHARMA]

سنفر البوجيهات القديمة ..وركبها

أنا جربت الموضوع ده ..وشغاااااااااال

[bateka555]

يعنى يا جماعة أرجع أركب واحد شمعة فى حاجة كمان العربية سحبها بقى زبالة مبعديش ال130كم/س ومتأكد أن دة من البوجيهات

[sab3aawy]

انت حصل عندك حاجة من 2، اما ان ال3 شمعة اللى انت جبته اصلا من نوعية غير جيدة او مرطب او غير مناسب للسيارة(السيارات ذات الحقن الالكترونى بيكون لها بوجيهات مزودة بمقاومة ، غير سيارات الكاربراتير) ، او ان الحاجة التانية ان محرك عربيتك مش مصمم اصلا انه يشتغل مع ال 3 شمعة، اللى مطلوب منك حاليا انك تفك واحد من البوجيهات الجديدة وتبص على لون العازل الخزفى بتاعه، لو لقيته اى لون غير الأبيض غيرهم فورا ويفضل ترجع لل 1 شمعة ، اقترح عليك دنسو او إن جى كيه، ولو هتجيب ال إن جى كيه هات ال r لأنه المخصص لعربيات الحقن الإلكترونى، الموزع الرئيسى بتاعهم موجود فى شارع زكى فىالتوفيقية على ايدك الشمال لو انت داخل شارع زكى من شارع رمسيس ، بعد حوالى 200 متر كدة من أول الشارع

بالنسبة لصديقنا إللى بيسأل عن الأيدل كونترول فهو احد مكونات سيارات الحقن الإلكترونى وغير موجود فى ال132 لأنها تعمل بالكاربراتير وهذة الوظيفة فى ال132 كان يختص بها بيك السلانسية ، وان كان يتم ادائها بشكل اكثر تعقيدا ودقة فى سيارات الحقن الإلكترونى، الأيدل كونترول عبارة عن باب اضافى يتم التحكم فيه كهربائيا يسمح بضخ كمية اضافية من الهواء للمحرك بقدر الحاجة وذلك حتى يوازى الأحمال التى قد تقع على المحرك فى اثناء فترة الأيدل(السلانسيه-دوران المحرك بدون تحريك السيارة) مثل النور ومروحة الردياتير وكباسالتكييف، وذلك للحفاظ على سرعة سلانسيه ثابتة

[mmffor]

ركب 1 شمعه بس نوعيه نظيفه

[bateka555]

انت حصل عندك حاجة من 2، اما ان ال3 شمعة اللى انت جبته اصلا من نوعية غير جيدة او مرطب او غير مناسب للسيارة(السيارات ذات الحقن الالكترونى بيكون لها بوجيهات مزودة بمقاومة ، غير سيارات الكاربراتير) ، او ان الحاجة التانية ان محرك عربيتك مش مصمم اصلا انه يشتغل مع ال 3 شمعة، اللى مطلوب منك حاليا انك تفك واحد من البوجيهات الجديدة وتبص على لون العازل الخزفى بتاعه، لو لقيته اى لون غير الأبيض غيرهم فورا ويفضل ترجع لل 1 شمعة ، اقترح عليك دنسو او إن جى كيه، ولو هتجيب ال إن جى كيه هات ال r لأنه المخصص لعربيات الحقن الإلكترونى، الموزع الرئيسى بتاعهم موجود فى شارع زكى فىالتوفيقية على ايدك الشمال لو انت داخل شارع زكى من شارع رمسيس ، بعد حوالى 200 متر كدة من أول الشارع

بالنسبة لصديقنا إللى بيسأل عن الأيدل كونترول فهو احد مكونات سيارات الحقن الإلكترونى وغير موجود فى ال132 لأنها تعمل بالكاربراتير وهذة الوظيفة فى ال132 كان يختص بها بيك السلانسية ، وان كان يتم ادائها بشكل اكثر تعقيدا ودقة فى سيارات الحقن الإلكترونى، الأيدل كونترول عبارة عن باب اضافى يتم التحكم فيه كهربائيا يسمح بضخ كمية اضافية من الهواء للمحرك بقدر الحاجة وذلك حتى يوازى الأحمال التى قد تقع على المحرك فى اثناء فترة الأيدل(السلانسيه-دوران المحرك بدون تحريك السيارة) مثل النور ومروحة الردياتير وكباسالتكييف، وذلك للحفاظ على سرعة سلانسيه ثابتة

متشكر يا باشا على الرد الجميل المتخصص دة
البوجيهات الى أنا جايبها يابانى أصلى بس نوع كدة بس مكتوب عليها ميد إن جابان ولنهم أبيض عادى زى البوجية الى كونت مركبة بس 3 شمعة بس بتهايألى أن موضوع 3 شمعة هو المشكلة مش النوع بس هل ينفع يرجعو و جيب واحد شمعة و لا علية العوض أنا جايبهم ب 75 جنية ؟؟
وهل كل موتور لية نوع بوجية معين ولا إية ؟