العمر الافتراضي للكاوتش

[mabdo]

السادة الأعضاء الأفاضل عندي استفسار بخصوص الكاوتش.. هل للكاوتش عمر افتراضي؟ وتحديداً كاوتش الاستبن.. يعني إذا كنت في الوقت الحالي المفروض إني أغير الأربع كاوتشات بتوع العربية عشان خلاص اتمسحوا وعملوا 60 ألف.. فماذا عن الاستبن وهو لم يستخدم إلا مرتين على فترات متباعدة والحمد لله، يعني بقاله بتاع تلات سنين محطوط في شنطة العربية ما مشيش على الأرض غير حوالي ساعتين... فهل أغيره هو كمان والا ممكن يعيش زي ماهو؟ شكراً مقدماً.

[Ahmed Galal]

سالت سؤالك لمهندس سيارات و رد عليا بان مع كل مرة تغيير للكوتشات العادية تغير الاستبن مع ان ما فيش حاجة تقول ان للاطار عمر افتراضى و لو كان كده كان اتكتب على الاطار اللى بيتكتب بس تاريخ الانتاج زى الزيت ما بيتكتبش عليه بيمشى كام كيلو و لا البطارية ليها تاريخ انتهاء المهم انت تشوف تاريخ الانتاج ما يكونش عدى عليه اكتر من سنتين ده للكوتش اللى هايركب جديد و فيه ناس كتير الاستبن معاها بال 10 و 15 سنة فرأيى الشخصى انك ما تغيروش طالما سليم و ما اتاكلش و ما اتشققش و بيحافظ على ضغطه و غيره لو معاك 300 او 400 جنيه زيادة و ما عندكش مشكلة انك تصرفهم و بردك الرجالة يفيدونا برايهم

[SAMEH_FOUAD]

طبعا اى كاوتش لية عمر افتراضى واقصى عمر ممكن تمشى بية 50
الف كيلو مع المشى العادى و40 الف لو مشيك سريع وطرق سفر كتير وماتحاولش تمشى علية اكتر من كدة وطبعا انا كلامى دة على كاوتش من نوع محترم زى بريدج ستون وميشيلان ,ودانلوب ,وتويو
وبريلى
وبالنسبة للكاوتش الاستبن بيبقى عادى جدا اهم حاجة تشيك على ضغطة كل شهر وانة مافيش مشاكل وامشى علية عادى بس تحط فى اعتبارك انك تمشى بالراحة لانة بيبقى المقاس بتاعة غير مقاس بقيت الكاوتش لانة بيسعفك بس وقت مافردة تنام

[ramy_gamal]

ممكن يقعد مدة طويله بس كل مدة اغسله بالميه عشان ميشققش

[romeo_6887]

المفروض الكاوتش اخره 40000 كيلو فغير ال 4 الاساسين و متغيرش الاستبن لانه تقريبا متعملش بيه حاجه و حاول تجيب ماركه محترمه زي مثلا بريدجستون او ماكسيس او كومهو او ميشلان

[ابو حسين]

سالت سؤالك لمهندس سيارات و رد عليا بان مع كل مرة تغيير للكوتشات العادية تغير الاستبن مع ان ما فيش حاجة تقول ان للاطار عمر افتراضى و لو كان كده كان اتكتب على الاطار اللى بيتكتب بس تاريخ الانتاج زى الزيت ما بيتكتبش عليه بيمشى كام كيلو و لا البطارية ليها تاريخ انتهاء المهم انت تشوف تاريخ الانتاج ما يكونش عدى عليه اكتر من سنتين ده للكوتش اللى هايركب جديد و فيه ناس كتير الاستبن معاها بال 10 و 15 سنة فرأيى الشخصى انك ما تغيروش طالما سليم و ما اتاكلش و ما اتشققش و بيحافظ على ضغطه و غيره لو معاك 300 او 400 جنيه زيادة و ما عندكش مشكلة انك تصرفهم و بردك الرجالة يفيدونا برايهم

[WalidAdel]

ممكن انقل لكم تجربتي الواقعيه مع الكاوتش
سنة 2004 جيبت لانوس زيرو نازل فيها اربع فرد بيريلي p3000 مشيت عليهم 85 الف و ماكنتش الفرده بتتخرم خالص الموضوع كله ان النقشه ليسه موجوده بس الفرده فيها عالي وواطي طبعا و عامله صوت فقط مع الترصيص عند الحاجه
جيبت فردتين بردجيسون و شوفت فردتين كويسين من الاربعه و حاططهم ورا و مشيت عليهم لحد 125 الف تقريبا لحد مافرده منهم باظت وانا جاي من الاسكندريه و اشتريت اتنين كمان
لانسر 2002 عامله 47 الف كيلوا متر سنه 2005 بتاعة واحد صحبي الكاوتش بيشتكي من اللي بيحصل فيه والله تفويت و تخميس و هاند بريك علي الاسفلت كده علطول نتش اول في تاني في تالت و حاجات من دي
الفرده مش بعاملة كام كيلوا الفرده بنوعها ايه حاجه محترمه ولا اي كلام ماشيه اد ايه و ازاي كده يعني ...والله اعلم

[a7madramadan]

الاستاذ احمد جلال: الكاوتش ليه عمر افتراضي حوالي 50 ألف كيلو لو الطريق نضيف جدا الي بتمشي عليه أما لو سفر خليك على 40 ألف و لو مقضيها في مطبات و منطقة شعبية لفترة كبيرة 35 بالكتير قوي ...... الكلام ده منقول على لسان خبراء كتييييير و معظم الي فالمنتدى المحترم اتفقوا معايا على كده

[tamer273]

بالنسبة اللكاوتشات ... معاد تغييرها تقريبا عند 50000 كم ... لو بتسافر بيها كتير غيرها قبل كده و لو الطرق اللي بتمشي عليها كويسة يبقي ممكن تغير بعد كده بشوية

بالنسبة للإستبن يستحسن ماتستخدمهوش إلا للضرورة ... وترجه مكانه في أقرب فرصة .. لأن مقاس الجنط بتاع الأستبن مش زي ال 4 التانيين (في العرض) وماينفعش تمشي بيه مسافات طويلة (ممكن يتعب العفشة) ... والشركات دلوقتي بتجيب أستبن مقاس مختلف عشان تضمن أن اللي بيسوق هيصلحه و يرجعه مكانه في أقرب فرصة

[mabdo]

أشكركم من كل قلبي

[MMamdouh]

الكاوتش بيتغير بعد 40 الف كيلو او بعد مرور 6 سنوات من تاريخ الانتاج بغض النظر عن "شكل" الكاوتش من برة

المشى على كاوتش بعد تجاوز الحدود دى بيعرضك لمخاطر انفجار الاطار فجاءة خصوصا على الطرق السريعة

MMamdouh

[Ahmed Sharaf]

طبعا اى كاوتش لية عمر افتراضى واقصى عمر ممكن تمشى بية 50
الف كيلو مع المشى العادى و40 الف لو مشيك سريع وطرق سفر كتير وماتحاولش تمشى علية اكتر من كدة وطبعا انا كلامى دة على كاوتش من نوع محترم زى بريدج ستون وميشيلان ,ودانلوب ,وتويو
وبريلى
وبالنسبة للكاوتش الاستبن بيبقى عادى جدا اهم حاجة تشيك على ضغطة كل شهر وانة مافيش مشاكل وامشى علية عادى بس تحط فى اعتبارك انك تمشى بالراحة لانة بيبقى المقاس بتاعة غير مقاس بقيت الكاوتش لانة بيسعفك بس وقت مافردة تنام

بالضبط كدة , كلام حضرتك تمام.

[zanativich]

الكاوتش بيتغير بعد 40 الف كيلو او بعد مرور 6 سنوات من تاريخ الانتاج بغض النظر عن "شكل" الكاوتش من برة

المشى على كاوتش بعد تجاوز الحدود دى بيعرضك لمخاطر انفجار الاطار فجاءة خصوصا على الطرق السريعة

mmamdouh

يعنى ممكن يقعد معايا 6 سنين
اصل انا عندى كومو فى الاوبترا داخل على ال60 الف و الحمد لله تمام

[MMamdouh]

ممكن يقعد 6 سنوات... بس انت عديت ال 40 الف كيلو اساسا

MMamdouh