انقذو اعصابي

[zezo1989]

السلام عليكم و رحمة الله وربكاته
ارجو من كل من له خبره في الرد علي سؤالي عشان اعرف اعمل ايه

انا معايا سياره شيفورليه اوبترا 2008 مكملتش معايا اسبوعين
عملت بيها حادثه ووديتها لتوكيل العوضي جروب اللي عند طلعت المقطم

الصور قبل الحادث و بعده
-----
---
--
-
http://img341.imageshack.us/img341/5...2007014jq6.jpg

http://img301.imageshack.us/img301/1...2007070mn7.jpg



http://img341.imageshack.us/img341/5...2007071if6.jpg


انا لا املك خبره كافيه بميكانيكه و سمكرة السيارات تكفي بان احدد
هل ستعود السياره كما كانت ولن ينقص من ثمنها عند البيع مع العلم ان كل الاجزاء التالفه تم تبديلها و لم يستعدل غير قطعه حديد صغيره التي تربط بين الصدر و السياره
والشاسيه سليم هو قفل شويه بس و فتحوه تاني (قفل عل بعضو يعني قصدي ان الفردتين قربوا من بعض شويه) بس ظبطوه . (بالتوكيل يعني) انا دفعت 27 جنيه تصليح و مصنعيه
قولولي بصدق هل من الممكن ان تعود كما كانت ؟؟
اسف علي الاطاله ولاكني مش مرتاح لتصليحها

[zezo1989]

اسف اقصد 27 الف جنيه

[أبو ياسين]

الله يكون فى عونك
صوره الحادثة مش مبينه كل حاجه
بس لو قولت لسته بكل الاتغير او اتعدل ممكن نحدد مدى التصليحات
و عموما لا تفكر بسعر البيع من الان حاول تقعدها معاك اطول فتره
عشان ببساطه انت دافع ثمن العربيه + 27 الف فسعر اعاده البيع بعيد حتى لو العربيه سليمه
و الحمد لله انك بخير

[mada121977]

لا حول ولا قوه الا بالله .... ماتزعلش نفسك والمهم انك بخير ... دلوقتى بس عاوزك توضح حاجه هل العربيه رشت من جوه مكان الشنب القدمانى اللى هوا بين الصدروالشبكه ولا لا ؟ وهل فيه سمكره باينه من جوه ولالا ؟ وانت بتقول هل هترجع زى ماكانت ؟ هل ده يعنى ان فيه شغل لسه ماتعملش فى العربيه ولا اييه؟

[Ashraf A.Kader]

الف سلامة عليك هو ده المهم وانشاء الله العربية ترجع زي الجديدة

[ahmed_3omda]

الف حمدله علي سلامتك يازيزو المهم انك بخيـر :)

متهيئلي ان مدام العربيه في التوكيل حتتعمل كويس وبعدين تقدر تحكم بنفسك بعد ما العربيه تخلص وتعملها ضبط زوايه حيبان لو في حاجه عندك في العربيـه مش مضبوطه ..


وبأذن الله خـير متقلقش اتفائل خيـر

;)

[dr_3eshoo]

الف حمد لله على سلامتك
الحادثه زي مانا شايف مش جامده اوي و مدام اتعملت في التوكيل ان شاء الله ترجع زي الاول
المهم مترشش دواخل دي اهم حاجه و سعر اعاده البيع مش مشكله اوي لما تيع يبقى ربنا يحلها من عنده

[emadno1]

لو عندك واحد صاحبك بييفهم كويس فى العربيات ممكن يكشف عليها او وديها بنزينه قريبه منك تكون بتكشف على العربيات و هما ممكن بكشفو على العربيه و يقولك ازا كان فيها اى حاجة

[hazim2008]

معلش المهم انت حط نفسك مكانها لا قدر الله كان يبقى ايه شعورك لو كنت مش قادر تقوم وتسوقها تانى وهى بره زى الفل طبعا سلامتك يا بطل الراجل هو اللى بيعمل الفلوس مش الفلوس هى اللى بتعمله وديها التوكيل وقرر هتعمل ايه وبيعها واصبر وربنا هيجبلك احسن منها ويبركلك فيها

[r0xer]

هنا تيجي ميزة التأمين..عموما قدر الله وماشاء فعل.

طالما العربية أتصلحت في التوكيل يبقى تأكد بإذن الله هترجع كما كانت .

[ahmedezzat78]

الف حمد و شكر لله على سلامتك

من غير حادثه ولا حاجة انت جايب عربيه زيرو يعنى لو بعتها تخسر على طول

ام شاء الله التوكيل يرجعها احسن من الجديده و ما تفكرش تبيع دلوقتى و استمتع بعربيتك و ان شاء الله ربنا يستر

انت بس راجع زوايا و شوف فروقات الكبوت راجع على نقاط تثبيت الردياتير و المراوح و سربنتسنه التكيف و اتاكد ان ما فيش اصوات حاجات مفكوكه........ كمان شوف الكارتيرات البلاستيك فوق العجل و لو عندك صاجه تحت الموتور ....... صوت كباس التكيف و صوت طلمبه الباور

و لو فيها حاجه بسيطة عادى ارجعلهم يعملوها