شيروكي 95

[nasr-eldeen]

السلام عليكم ورحمة الله وبركاته
عندي مشكلة في الشيروكي
هي مو95 أمريكي العربية طول ما هي بردة بدور زي الفل ومن أول مارش
لكن لما تسخن ابطلها واجي أدور مرة أخرى أبداً .
هل من مجيب عن هذا التساؤل
أشكركم

[mrsailor]

السلام عليكم ورحمة الله وبركاته
عندي مشكلة في الشيروكي
هي مو95 أمريكي العربية طول ما هي بردة بدور زي الفل ومن أول مارش
لكن لما تسخن ابطلها واجي أدور مرة أخرى أبداً .
هل من مجيب عن هذا التساؤل
أشكركم

ممكن يكون عيب بوبينة .. لما البوبينة بتسخن تعمل كدة .. يعنى تقطع .. لما تعمل كده جرب بوبينة تانية ممكن من اى حد صاحبك او ميكانيكى معرفة .. و طمنا

[khaled_sabry]

ممكن يكون عيب بوبينة .. لما البوبينة بتسخن تعمل كدة .. يعنى تقطع .. لما تعمل كده جرب بوبينة تانية ممكن من اى حد صاحبك او ميكانيكى معرفة .. و طمنا

او جرب و حط قماشه مبلوله نص بله على البوبينه علشان تبردها لما تسخن

[romeo_6887]

غالبا شربون المارش عايز يتغير

[Eng_Mostafa_89]

ممكن الموبينة زى مقال الاعضاء الافاضل
وومكن المرش
ولو عند العربية فيها اسبراتير ممكن يكون عايز يتظبط

[nasr-eldeen]

أشكركم جميعاً على الإهتمام والردود .
ولكن !!!
كل ده تم تجربته وسليم والمارش شديد في التدوير وبيلقط في كل مره ولكن العربية نفسها مش بتدور لما تكون سخنة ؟؟؟
غيرت الدينمو
غيرت السيرفو
غبرت البوجيهات
المارش سليم
آخر حاجة الميكانيكي بيقولي السيارة عليها عفريت بس مش عارف أغيره ازاي

[hany121]

او جرب و حط قماشه مبلوله نص بله على البوبينه علشان تبردها لما تسخن

+11111

لما العربيه تعمل كده برد الموبينه بفوطه مبلوله وجرب تدور.. لو دارت غير الموبينه

[ahmed_hamda]

ممكن يكون فى عيب تانى انا العربية لمة كانت بتسخن كانت بتفصل ومش بدور طلع العيب من طلمبة البنزين لمة بتسخن بتقطع

[nasr-eldeen]

أشكركم
ونجرب موضوع طلمبة البنزين دي
بس سؤال لما أضع فوطة مبلولة على البوبينة وهي سخنة لا يؤثر عليها ؟؟؟
بإعتبار بارد على سخن يعني

[mrsailor]

أشكركم
ونجرب موضوع طلمبة البنزين دي
بس سؤال لما أضع فوطة مبلولة على البوبينة وهي سخنة لا يؤثر عليها ؟؟؟
بإعتبار بارد على سخن يعني

بدل ما تغير طلمبة البنزين على الفاضى .. لو الطلمبة بتزن لماتفتح كونتاك يبقى سليمة لو مش بتزن تبقى بايظة .. بس هى مش بتفضل تزن على طول .. اول ماتفتح الكونتاك تزن حوالى 10 ثوانى علشان تحضر بنزين اول الدوارة . يعنى افتح الكونتاك و انت ودنك معاها

[khaled_sabry]

ممكن برضه يبقي عندك مشكله في الابلاتين او البوجيهات

[khaled_sabry]

ممكن برضه يبقي عندك مشكله في الابلاتين او البوجيهات
انا قبل كده كانت عندي مشكله عكس بتاعتك
هي اني لو سبت العربيه اكتر من ٤ ساعات ماتدورش خالص الا لو فصلت سالب البوبينه ووصله تاني

طبعا انا دوخت علي الحل و بعد كده روحت للميكانيكي فقلي عندي الابلاتين وحش غيرته و خلاص
بس هو كان بيقولي ملهاش علاقه بحكايه فصل سالب البوبينه ده ... بس انا متآكد لان في كل مره كان بتحصل كنت بفصل و كانت تشتغل معايا

علر العموم عفاريت العربيات دي كتيييييييير

[nasr-eldeen]

أشكركم جميعاً على الردود والإهتمام
لي صديق قال لي أنه يعرف أشخاص في aav وكمان عز العرب إسكندرية وهيحاول يظبط ميعاد ونروح لهم إن شاء الله
وبإذن الله بعد الإصلاح إن تم سوف أعرض النتيجة

[nasr-eldeen]

هيه هيه هيه
أشكر كل اللي شاركوني هم التفكير في هذه المشكلة سواء قاموا بالرد أو بالمساهمة الوجدانية .
أخيراً تم إكتشاف السبب وإذا عرف السبب بطل العجب .
الكهربائي اللي رسيت عنده السيارة أخيرأ شك في الكنترول بتاع السيارة ( الكمبيوتر ) وقال أنا شاكك فيه أيه رأيك لو أفكه قولت له بتفهم فيه جاوب بكل ثقة وتمكن وإحساس بالمسئولية طبعاً ؟؟؟؟؟!!!!!!
لائه
لكن قال مادامت جربت كل شئ نجرب ونفكه ونشوف لو فيه حاجة عايزة تتبنط أو أي شياط ، وسألني ؟؟ أنت عايز الكنترول ده تاني المهم ؟
قالت له يعني آيه ؟
قال لي إحتمال بعد منفوره ميشتغلش .
قولت أهلاً !!!!
المهم اتصل بواحد يعرفه معاه شيروكي 4 سلندر برضه واحنا رايحين في الطريق علشان نجرب الكنترول بتاعه العربية فصلت وهي ماشيه ودي أول مره تحصل ؟؟؟؟؟
انتظرنا فترة حتى تبرد ودورنا دارت بس الصوت عالي جداً راح الكهربائي ضرب الكمبيوتر ضربة صغيرة الصوت هدي ضربه كمان مرة الصوت اتظبط !!!!!!
ومن هنا جت فكرة اني اسيبه يفك الجهاز بعد ما أكد علي انه مش بيعرف فيه ولكن هيجرب لو فيه حاجة عايزة لحام .
وفعلاً فتح الجهاز وشال كمية العازل الجيلاتيني حول الكارته بتاعة الكنترول وبالفعل يا إخونا الراجل فعلاً معرفش فيه حاجة خالص وجمعة تاني وجه يجرب السيارة لا دارت سخنة ولا حتى باردة !!!!!
ومن هنا جاء قرار شراء كنترول آخر .
وبالفعل ذهبنا لشراء كنترول استيراد من عندنا من الهرم و وصلنا بالفعل عند الرجل و وجدنا عنده كنترول واحد فقط 4 سلندر ماشي يا عم بكام ؟؟؟
الرجل : للأسف يا أستاذ ؟؟؟؟
الأستاذ اللي واقف ده حاجزه بالتليفون ولسه داخل قبلك علشان يستلمه !!!!!!!
طيب هيجيلك منه تاني امته .
للأسف معرفش ممكن الاسبوع اللي جاي خد الكارت بتاعي وتابع معايا علشان ال 4 سلندر مش متوفر .
طيب هو يعمل كام ؟؟؟؟
هو اللي هيجي معرفش بكام لكن اللي أنا بيعه الآن طالع ب 2500ج !!!!!!!!!!!!!!!
استيراد ؟؟؟
آه
أمال جديد بكام ؟
يعني من 3500 إلى 4000ج .
طيب شكراً .
سبناه ورحنا لكذا واحد تاني في طريق كرداسة لم نجد وكله أجمع إن الاستيراد لو وجدناه لغاية 2500ج يكون لقطه .
قولنا نروح الحرفيين وندور على الاستيراد ونحن في الطريق قولنا طيب الاستيراد ب 2500ج طب منشوف الجديد ؟؟؟؟
ودخلنا على شارع شامبليون ووجدنا كل المحلات بتتكلم على الجديد في 3500ج !!!!
طيب الفرق ميستهلش المجازفة مع الاستيراد .
وممكن يكون خلع وممكن يكون مش مظبوط ( مش بيتصلح ) ؟
يبقى خلينا في الجديد .
لفينا الشارع ووجدنا واحد لم يتنازل عن 3300ج بأي شكل من الأشكال .
ورجعنا بيه الحمد لله .
وتم تركيبه دارت السيارة الحمد لله .
انتظرنا فترة حتى تسخن وبطلناها ودورناها أكثر من مره ودارت على طول الحمد لله وهنشوفها في مشوار طويل إن شاء الله علشان أنا لسه جاي من بره الان .
وآسف على الإطالة ، ولكن حبيت أنقل المعلومة
ملحوظة : كنترول ال 6 سلندر من 800 إلى 1000 ج إستيراد