حاجه حتجننك ومش ليها تفسير ادخل وشوف

[mazgangy]

العربيه الكليو وانا بعملها صيانه شامله فى التوكيل فك العفشه وكل اللى عايز يتغير فيها غيروا وللعلم اتكلفت 1350 جنيه مع انى والله كنت ماشى بالعربيه والمطبات كانت زى الفل احسن من الانوس زيرو استغربت طبعا من الحاجات اللى طالعهالى دى كلها وانا مش كنت حاسس باى حاجه كنت حاسس تمام ومريحه جدا
المهم عمل الحاجات دى واحساس بقى انى دفعت 1350 والعربيه زى الفل علشان اخلى العربيه زى الزفت العربيه بقيت صوت دبدبه كتير فى المطبات واحس باقل حاجه داخل العربيه ناس قالت اظبط الضغط بتاع الكوتش برضوا مفيش فايده يعنى هما خدوا منى فلوس علشان العربيه تبقى زفت كده والاول قبل ما اروح وادفع كانت زى الفل والله تمام التمام ايه بقى تفسيركوا فى ده

[zeyad1810]

اللة يكون فى عونك انا طول عمرى بحس ان التوكيلات حرامية

[MMamdouh]

Dealership = stealership

MMamdouh

[أبو_حمزة]

انا روحت مرة احد فروع التوكيل طلعوا لى لستة بحاجات عايزة تتعمل تمنها حوالى 3500
الحمد لله ما كانش معايا المبلغ فقلت لهم اجى مرة تانية
المهم روحت لميكانيكى اعرفه قال لى مفيش حاجة ( مع العلم انى ما كانش فى شكوة اصلا)
قعدت بالعربية اكتر من شهر و روحت التوكيل تانى اعمل صيانة و يكشفوا على العربية قالوا العربية تمام (تقريبا كل مهندس له وجهة نظر)
عشان كده انا بقيت اروح الفرع الرئيسى و المهندس طارق زويل ربنا يكرمه واخد باله مننا على الاخر

[limo]

على فكره الميكانييون العرب بقوا زى الزف فى الصيانه
كمان بيمشوا على جدول صيانه مختلف عن الى فى التوكيل -
انا رأى انك لو فى حاجه فى العربيه تروح التوكيل الرئيسى فى المقطم او العبور
وكده كده نفس الفلوس هتدفع
انا حصلى موقف فى الميكانبون العرب عرفت من ساعتها انهم حراميه وعايزين يغيروا اى حاجه وخلاص
كمان مش لازم كل الى بقولك عليه تغيره -اعرف ايه وروح للميكانيى بتاعك وخذ رايه برضو قبل ما تعمل اى حاجه

[SAMER_ENGINES]

الله يعوض عليك و كلنا بنتقرص قرصات من النوع ده قرصة كبيرة بقي او صغيرة علي حسب عندك انا رحت غيرت مياه الرادياتير و بعيد عنك الموتور اتقلب حاله يقطع و يبطل و يتهبب و فين لما اتظبط و اللي يغيظك انك رايح تصون يعني تعمل حاجة ممكن تكون مش مهمة اوي او مش مضايقاك بس عشان تحافظ علي العربية و تبص تلاقي العربية اتبهدلت و انت صرفت فلوس و الاول كانت احسن معلش يا صاحبي كلنا في الهوا سوا مش بيفكركم الموضوع ده بالأبجريد في الكمبيوتر ساعات ندور علي برنامج معين او ابديت و بعد ما نلاقيه بصعوبة يقلب كيان الجهاز و نتمني نرجع الجهاز للحالة الاولانية.
يلا معلش كلنا في الهوا سوا زي ما قلت لك