عندى مشكلة مع زيت الموتور أية الحل وأية العمل

[Abdm]

دلوقتى أنا معايا سوزوكى ألتو 2009 عاملة 1800كيلو غيرت عند الآلف الآولى لزيت موبيل 1 اللى بيعمل 10000 وغيرت فلتر كلة كان فى صيانة الآلف الآولى يعنى عملت بعد الآلف 800 كيلو فقط
علامة الزيت بعد التغيير فى الآلف كانت على المقياس تحت Max ب 3 ملى ليس أقل قلت عادى ممكن علشان مش عاوزين الزيت يوصل لل Max

دلوقتى بعد 800 كيلو بعد تغيير الزيت بتاع الآلف علامة الزيت على المقياس بقت عند النصف

أذاى أنا مش فاهم زيت موبيل 10000 المفروض أغيرة بعد 10000 كيلو على الحال دة مش هيقعد فى الموتور لغاية 3000 كيلو أذا كان معدل الحرق أستمر بالشكل دة بأستمرار أنا مش عارف دة حرق ولا بخر ولية بتحرق أو بيتبخر بالشكل دة

لو العربية قديمة كنت قلت دى بتاكل زيت لكن دية لسة جديدة أزاى دة يحصل وهل دة طبيعى وما هو الحل وما هو العلاج وأية هى المششششكلة بالضبطططططططط

أنا قلت أستشيركم أنتم الآول قبل ما أكلم التوكيل علشان أبقى فاهم وعارف فين المشكلة علشان محدش من التوكيل يشتغلنى ويعملى حوارات ويضحك عليا

وجزاكم الله خيرا
وجزاكم الله خيرا

[د.محمود صلاح]

كما علمت من مهندس خالد سبعاوي يوجد معدل نقص للزيت طبيعي في أي عربية ولو حديثة .
كما ان ظروف قياس مستوى الزيت في المرتين السابقتين تبدو مختلفه .

ده تقديري والله أعلم

[amir]

لو الزيت بينقص قوي كده من غير دخان ابيض او ريحه زيت من الشكمان حتي يبقي اكيد اكيد تركيب طبه الزيت او الفلتر مكنش كويس
و ده الاحتمال الاحسن
روح بنزينه و زود الزيت طبعا و خليه يرفعهالك و تبص كويس الزيت بينقط ولا لأ
ربنا يعينك

[eng_ahmedryad]

المفترض أن معدل أستهلاك الزيت مايزيدش عن واحد لتر لكل 1000 كم ، لأن لو أزيد من كده بيبقى في مشكلة .

منقول من كاتالوج عربيتي .

[أبو ياسين]

المفترض أن معدل أستهلاك الزيت مايزيدش عن واحد لتر لكل 1000 كم ، لأن لو أزيد من كده بيبقى في مشكلة .

منقول من كاتالوج عربيتي .

واحد ملى يمكن مش واحد لتر

[Abdm]

أنا مغير الزيت فى التوكيل و قست بعد كدة الزيت على أرض مستوية وبعد حوالى 4 ساعات
ومكانش فى تسريب زيت لا من تحت العربية ولا من فوق الموتور

هل المشكلة من الزيت يكون مغشوش على الرغم أنى مغيرة فى التوكيل
أو معدل البخر هيكون سريع قوى كدة
ولا ممكن يكون فى مشكلة فى الموتور من جو

لو فى أى حد من الآخوة مرت علية المشكلة دية يا ريت يفيدنى

وجزاكم الله خيرا

[shikoooooo]

السلام عليكم ورحمة الله وبركاتة
اولا حضرتك لازم تقيس الزيت الصبح قبل ماالعربية تشتغل علشلن الزيت يكون تحت فى الموتور وتعرف تقيسة دة الصح والله اعلم وبالنسبة لزيت موبيل فهو مضروب ودة الى انا اعرفة ولزلك انا غيرت نوع الزينت من موبيل الى شيل وهو احسن بكتير وعن تجربة والله اعلم واسف على الاطالة

[romeo_6887]

و الله لما شفت اسم حضرتك في القسم اتخضيت علي الالتو لانه زيرو
لا الشنبر فوت و لا جوان سرب و لا طبه مش راكبه مكانها ( يمكن و ساعتها تطلع عين التوكيل ) و لا كرتيره اتخرمت ( لو دخل فيها من تحت ) ... لازم تروح التوكيل و تقولهم علي الموضوع ده لانه خطير و ان شاء الله المشكله تتحل في اقرب وقت و ابقي طمنا علي حضرتك

[darkangel007]

السلام عليكم ورحمة الله وبركاتة
اولا حضرتك لازم تقيس الزيت الصبح قبل ماالعربية تشتغل علشلن الزيت يكون تحت فى الموتور وتعرف تقيسة دة الصح والله اعلم وبالنسبة لزيت موبيل فهو مضروب ودة الى انا اعرفة ولزلك انا غيرت نوع الزينت من موبيل الى شيل وهو احسن بكتير وعن تجربة والله اعلم واسف على الاطالة

بالزبط كدة يا باشا معاك فى كل كلمة!

[Abdm]

شكرا ليكم قوى يا جماعة على رودودكم ,

أنا قست مستوى الزيت كذا مرة فى كذا يوم و وكانت السيارة بعد ما روحت الشغل وركنتها مش أقل من 8 ساعات وأنا مروح قست الزيت قبل ما أشغلها وكانت على أرض مستوية يعنى الزيت ريح على الآخر
وما فيش تسريب باين من تحت الموتور ولا من فوق الموتور ولا دخان


هل ممكن التوكيل ذات نفسة يستخدم زيت موبيل مضروب

طيب ما هو لو أستخدم زيت مضروب هيبقى فية مشاكل كتير عندة من العملاء كلهم
كل العملاء هيشتكوا من مستوى الزيت الناقص
أزاى يستخدم زيت مضروب

أنا ناوى بأذن الله أروحلهم بكرة أن شاء الله بس كنت خايف شوية وعايز أطمن على الموتور وأعرف قبل ما أروحلهم المشكلة دية من نوع الزيت ولا من حاجة تانية فى العربية
وجزاكم الله خيرا جميعا

[amrmaismail]

عملت ايه يا باشا

[karimfahmy99]

هو فى احتمال برجحة .. لما حطو الزيت و دور العربية فى التوكيل و قاسو الزيت هناك ممكن يكون فلتر الزيت متملاش كويس او يكون الفلتر متشبعش بالزيت . و لما مشى و قاس الزيت تانى بعد 4 ساعات اختلفت العلامة لسببين : اول حاجة الفلتر اتملى و تشبع بالزيت . تانى حاجة ممكن يكون قاس و العربية لسة اللزيت ما نزلش كلة للكارتيرة . و على كدة لما الفلتر تشبع و الزيت لسة مصفاش طبعا العلامة هتكون اقل . المهم فى الموضوع دلوقت انة بعد العلامة ما وصلت للنص يمشى 100 و لا 200 كيلو و يقيس الصبح المفروض يكون فى نفس مكانها فى النص . ودا ترجيح 99% انة صح لانى انا دايما لما بغير الزيت و معاة الفلتر مباخدش بقراية العلامة فى المحطة باخد قراية العلامة بعد مشوار او بعد ما بروح البيت و اسيبها كام ساعة و اقيس و هو دا المقاس الفعلى .

[SAMEH_FOUAD]

شوف ياباشا عموما لما بتغير زيت وفلتر

الفلتر بياخد اقل من ربع كيلو

الماتور بياخد 3.5 لتر

يعنى لما حضرتك تروح تغير زيت بس بتسيب نص كيلو بالتمام

ولو غيرت زيت وفلتر بتسيب حوالى ربع كيلو او ازيد حاجة بسيطة

عشان تاخد قراية الزيت الصح . لازم تكون العربية مرفوعة فى البنزينة وتنزل كل الزيت والعربية سخنة لانة ساعتها بيبقى الزيت حالل من بعضة وسخن وكملن افضل عشان بياخد كمية كبيرة اوى من الشوائب

بتركب الفلتر وبتزود الزيت عادى جدا وزى ماقولتلك النسب فوق عندك هية دية اللى هتلاقيها مظبوطة وعن طريقها عامل المحطة لو فاهم شغال بيها لان فية ناس معتقدة ان الفلتر بياخد نص كيلو زيت , فانت لو خرجت ومعاك ربع كيلو زيت واكتر شوية يبقى انت كدة تعرف انك عامل المقاس تمام

وبالنسبة لصاحب الموضوع انت بتقول انك لاقيت العلامة عند النص فقبل ماتعمل اى حاجة زود الزيت والعربية باردة تماما يعنى عدى عليها الليل كلة , وزود لحد ماتلاقى الزيت بقى عند علامة الماكس , وتابعة بعد كدة وشوف اية اللى هيحصل

[shoudy2005]

فيه معلومة يمكن مش كل الناس تعرفها. العربية و هيه لسة جديدة بتاكل زيت لحد ما تعمل 2000 كيلو و بعد كده معدل الأستهلاك بيقل بالتدريج