عندى مشكلة مع زيت الموتور أية الحل وأية العمل

[Abdm]

دلوقتى أنا معايا سوزوكى ألتو 2009 عاملة 1800كيلو غيرت عند الآلف الآولى لزيت موبيل 1 اللى بيعمل 10000 وغيرت فلتر كلة كان فى صيانة الآلف الآولى يعنى عملت بعد الآلف 800 كيلو فقط
علامة الزيت بعد التغيير فى الآلف كانت على المقياس تحت Max ب 3 ملى ليس أقل قلت عادى ممكن علشان مش عاوزين الزيت يوصل لل Max

دلوقتى بعد 800 كيلو بعد تغيير الزيت بتاع الآلف علامة الزيت على المقياس بقت عند النصف

أذاى أنا مش فاهم زيت موبيل 10000 المفروض أغيرة بعد 10000 كيلو على الحال دة مش هيقعد فى الموتور لغاية 3000 كيلو أذا كان معدل الحرق أستمر بالشكل دة بأستمرار أنا مش عارف دة حرق ولا بخر ولية بتحرق أو بيتبخر بالشكل دة

لو العربية قديمة كنت قلت دى بتاكل زيت لكن دية لسة جديدة أزاى دة يحصل وهل دة طبيعى وما هو الحل وما هو العلاج وأية هى المششششكلة بالضبطططططططط

أنا قلت أستشيركم أنتم الآول قبل ما أكلم التوكيل علشان أبقى فاهم وعارف فين المشكلة علشان محدش من التوكيل يشتغلنى ويعملى حوارات ويضحك عليا

وجزاكم الله خيرا

[ابوهاشم]

لو العربيه داخل الضمان روح بيها التوكيل يكشفو عليها
كان فى صديق ليا جاب فيرنا واكتشف برضه ان العربيه
بتاكل زيت كتير وراح التوكيل ويعتبر غير نص الموتور
على حساب الضمان طبعا
واحتمال يكون فى جوان بيسرب زيت

[ahmedsamir5edr]

و الأحتمال الأكبر طبعا كعاده زيت موبيل يكون مغشــــوش

[mahmoudysf]

سمعت ان زيت موبيل مغشوش
وكمان معدل البخر بتاع موبيل سريع

[hany121]

اتاكد ان العربيه مكانتش واقفه مايله( الارض غير مستويه) لما كنت بتقيس وان الموتور مكانش داير قبل القياس بفتره قليله..

[Abdm]

لو العربيه داخل الضمان روح بيها التوكيل يكشفو عليها
كان فى صديق ليا جاب فيرنا واكتشف برضه ان العربيه
بتاكل زيت كتير وراح التوكيل ويعتبر غير نص الموتور
على حساب الضمان طبعا
واحتمال يكون فى جوان بيسرب زيت

أنا معاك وهسئل التوكيل بس ما فيش أثار تسريب زيت على الموتور من فوق أو من تحت
وربنا يستر وما يكونش فى حاجة فى الموتور هو دة اللى أنا خايف علية وربنا يستر

و الأحتمال الأكبر طبعا كعاده زيت موبيل يكون مغشــــوش

أنا مغير فى التوكيل هل ممكن يكون مغشوش فى التوكيل

سمعت ان زيت موبيل مغشوش
وكمان معدل البخر بتاع موبيل سريع

أنا مغير فى التوكيل هل ممكن يكون مغشوش فى التوكيل وهل معدل البخر يكون عالى كدة

اتاكد ان العربيه مكانتش واقفه مايله( الارض غير مستويه) لما كنت بتقيس وان الموتور مكانش داير قبل القياس بفتره قليله..

أنا كنت راكنها لا يقل عن 4 ساعات وعلى أرض مستوية

لو فى أى حد من الآخوة حصل معاة الموضوع دة يا ريت يفدنا

وجزاكم الله خيرا جميعا

[SAMEH_FOUAD]

طيب شوف خلى حد يقف ورا العربية وزد بنزين على الاخر وانت واقف ,وشوف اية اللى هايطلع من الشكمان لو ماطلعش دخان او اى حاجة شوف الماتور هل معرق زيت او اى حاجة لان ممكن تكون العربية جديدة وفيها عيوب صناعة
والاهم من دة كلة اتاكد ان فلتر الزيت مربوط كويس ومش بيسرب

[Abdm]

أنا أسف للادارة لآن الموضوع مكرر مرتين فى الورشة يا ريت الآدارة تتكرم بنقل كل المشاركات اللى فى الموضوعين فى موضوع واحد
بدون حذف أى مشاركات من الآخوة فى الموضوعين
وجزاكم الله خيرا

[charming]

لو بتقرص على العربية فى الغيرات يبقى نصف الزيت اتحرق لان كانت عندى نفس المشكلة و كان الزيت دائما ينقص مع عدم وجود اى تسريب و اكتشفنا فى الاخر ان زيت موبيل1 هوا السبب للاسف....

[ابو حسين]

لو بتقرص على العربية فى الغيرات يبقى الزيت اتحرق .

[Abdm]

شكرا ليكم قوى يا جماعة على رودودكم ,

أنا مش بقرص على الموتور خالص لكن أنا ما بسخنش قبل ما أطلع علشان هى أنجكشن مش عارف دة صح ولا غلط وأنا قست مستوى الزيت كذا مرة فى كذا يوم و وكانت السيارة بعد ما روحت الشغل وركنتها مش أقل من 8 ساعات وأنا مروح قست الزيت قبل ما أشغلها وكانت على أرض مستوية يعنى الزيت ريح على الآخر
وما فيش تسريب باين من تحت الموتور ولا من فوق الموتور ولا دخان


هل ممكن التوكيل ذات نفسة يستخدم زيت موبيل مضروب

طيب ما هو لو أستخدم زيت مضروب هيبقى فية مشاكل كتير عندة من العملاء كلهم
كل العملاء هيشتكوا من مستوى الزيت الناقص
أزاى يستخدم زيت مضروب

أنا ناوى بأذن الله أروحلهم بكرة أن شاء الله بس كنت خايف شوية وعايز أطمن على الموتور وأعرف قبل ما أروحلهم المشكلة دية من نوع الزيت ولا من حاجة تانية فى العربية
وجزاكم الله خيرا جميعا

[Abdm]

أنا روحت التوكيل النهاردة وكشف عليها والمهندس قلى ما فيش تسريب
ودة أكيد سببة البخر وقلى أن موبيل وان البخر بتاعة عالى والمرة اللى جاية بأذن الله هنغيرلك لموبيل hxp 5000

وزود زيت الموتور وكملة لغاية ال max وطبعا ما طلبش أى فلوس
وأنا هتابع كل فترة وأشوف أية الآخبار
بس الآكيد أنى مش هستعمل موبيل وان تانى
وهغيرة بعد العشرة ألاف بأذن الله وممكن قبل كدة وهستخدم فيسكو أو شيل
أنا سئلت التوكيل هو أنتم عندوكم زيوت غير موبيل قلى المهندس لآ ما عندناش غير موبيل 5000 و 10000
قلتولوا لو أنا عايز أغير لنوع تانى ممكن قلى ممكن وتجيبوا معاك وأحنا هنا نغيروا,قلتولوا شكرا

وجزاكم الله خيرا جميعا وربنا يسترها معانا يا رب

[exact]

انا باستعمل موبيل وان في سويفت 94 وباسيبه فوق 10000 بس باستعمل فلتر ياباني وماشاء الله الزيت مش بينقص غير حاجة بسيطة جدا اللي عمل الهبل ده معايا كان شيل هيليكس 10000 في مشوار لحد العين السخنة وبعدين زودته ولقيته زي ما هو

[zezozom]

ايه هو افضل الزيوت للسيارة سوزوكى سويقت مويل 2000

[exact]

ايه هو افضل الزيوت للسيارة سوزوكى سويقت مويل 2000

Suzuki Recommends Mobil1