متى يلزم تغيير زيت المحرك بالسياره ؟

[gfd]

السلام عليكم ورحمة الله .

هل صحيح ان زيت محرك السياره مثلا : Mobil 10W/40

يتم تغييره كل 5000 كيلومتر او كل 6 اشهر ؟

يعني اذا مر 6 اشهر والسياره لم تقطع 5000 كم ,
فانه يلزم تغيير زيت المحرك ؟

مع الشكر لكم .

[SAMEH_FOUAD]

لكل نوع زيت عدد كيلو مترات وايضا مدة لايجب ابقاءها فى محرك السيارة حتى مع عدم الاستخدام

الزيت بيتغير لما تعمل اقصى عدد كيلو مترات ممكن يوصلها الزيت دة
او لما تلاقى لزوجة الزيت بقت خفيفة وبقى عامل زى المياة ودة بتعرفة انك بتخرج مقاس الزيت وبتحط منة شوية على صباعك وتفركة بين ايديك لو محستش بدرجة لزوجة فى الزيت يبقى اليت دة خفيف كمان بيبان وهو طالع من المقاس بتلاقية نزل من على المقاس ووقع برة
وكمان لما تلاقى الزيت بقى اسود اوى كدة بردة بيبقى لازم يتغير
* بالنسبة ان تخلى الزيت فى العربية حتى لو معداش الكيلو مترات المسوح بيها فأى زيت اى كان نوعة ماتحاولش تقعدة فى العربية اكتر من 8 شهور ودة عشان عوامل الاكسدة اللى ممكن يحصل بين الزيت ومكونات الماتور ودة هيبقى لية ضرر على الماتور طبعا

[gfd]

لكل نوع زيت عدد كيلو مترات وايضا مدة لايجب ابقاءها فى محرك السيارة حتى مع عدم الاستخدام

الزيت بيتغير لما تعمل اقصى عدد كيلو مترات ممكن يوصلها الزيت دة
او لما تلاقى لزوجة الزيت بقت خفيفة وبقى عامل زى المياة ودة بتعرفة انك بتخرج مقاس الزيت وبتحط منة شوية على صباعك وتفركة بين ايديك لو محستش بدرجة لزوجة فى الزيت يبقى اليت دة خفيف كمان بيبان وهو طالع من المقاس بتلاقية نزل من على المقاس ووقع برة
وكمان لما تلاقى الزيت بقى اسود اوى كدة بردة بيبقى لازم يتغير
* بالنسبة ان تخلى الزيت فى العربية حتى لو معداش الكيلو مترات المسوح بيها فأى زيت اى كان نوعة ماتحاولش تقعدة فى العربية اكتر من 8 شهور ودة عشان عوامل الاكسدة اللى ممكن يحصل بين الزيت ومكونات الماتور ودة هيبقى لية ضرر على الماتور طبعا

شكرا لك .................

[Ahmed Galal]

انا بامشيش كتير و باحط الزيت اللى بيقولوا بيقعد 5000 و بنزله بعد 6 شهور بالظبط و ما باكنش مشيت المسافة ديه

[gfd]

زيت المحرك من نوع :
Mobil 10W/40 , semi synthetic

كم كيلو متر بيتحمّل عند استخدامه بالسياره ؟


مع الشكر لكم .

[sab3aawy]

الشائع لدينا ان الزيت النصف تخليقى يستعمل لمسافة 7500 كم، لكن فى الخارج بيستعملوه اكتر من كدة بكتير، ربما حتى 15 ألف كم ، لكن هنا احنا بنفضل نستعمله مسافة اقل علشان الحر والتراب، لذلك كفاية 7500 كم على النصف تخليقى

[El Prince]

باشمهندس سبعاوى
طيب هل من وجهة نظرك الزيت نصف التخليقى أفضل أم التخليقى الكامل ؟
برجاء التوضيح ..
شكراً مقدماً

[Abdm]

الشائع لدينا ان الزيت النصف تخليقى يستعمل لمسافة 7500 كم، لكن فى الخارج بيستعملوه اكتر من كدة بكتير، ربما حتى 15 ألف كم ، لكن هنا احنا بنفضل نستعمله مسافة اقل علشان الحر والتراب، لذلك كفاية 7500 كم على النصف تخليقى

بعد أذنك يا هندسة أنا أعرف أن فى معدنى ذى موبيل 5000 أو تخليقى ذى موبيل 10000 لكن النصف تخليقى دة أية هو وأية هى الآنواع والشركات بتعتة ومدة أستخدامة المكتوبة علية بتكون قد أية

باشمهندس سبعاوى
طيب هل من وجهة نظرك الزيت نصف التخليقى أفضل أم التخليقى الكامل ؟
برجاء التوضيح ..
شكراً مقدماً

وأنا بردة مستنى الرد

وجزاكم الله خيرا

[SAMEH_FOUAD]

مافيش موبيل نصف تخليقى انا اعرف بس xhp اللى ب100 جنية
والموبيل 1 اللى ب240 جنية
شيل هو اللى منزل نصف تخليقى واسمة شيل بلس ب160 جنية وجامد جدا
وطبعا التخليقى احسن من النصف تخليقى لانة بيعتمد على مكونات بتحافظ على الماتور دة غير انة خفيف على مكونات الماتور وسريع التزييت اثناء الطقس البارد بس درجة لزوجتة بتخف جامد مع السرعة

[د.محمود صلاح]

الشائع لدينا ان الزيت النصف تخليقى يستعمل لمسافة 7500 كم، لكن فى الخارج بيستعملوه اكتر من كدة بكتير، ربما حتى 15 ألف كم ، لكن هنا احنا بنفضل نستعمله مسافة اقل علشان الحر والتراب، لذلك كفاية 7500 كم على النصف تخليقى

صحيح .. كما تذكر كتالوجات العربيات أن موعد تغيير الزيت ممكن يقصر طبقا لظروف القيادة والبيئة المحيطة بها

[gfd]

شكرا لكم ...............