زهقت من العربيه بسبب البوجيهات الحقونى

[kingmony]

يجماعه انا فعلا زهقت من العربيه(127 ايطالى) انا لسه جيبها ومش فاهم فى المواضيع دى خالص
انا عندى البوجيهات بتهبب لغايه لما تقطع ورحت ل 2 ميكانيكيه وواحد بتاع كربراتير ومفيش فيده وغيرت للان 4 اطقم بوجيهات من احسن الانواع وكلهم بتتفحم وكمان غيرت الابلاتين والكوندنسر واحد من الميكانيكيه غيرلى البكات والمشكله فضلت موجوده وواحد تانى فصلى سلك مقاومه البوينه او الاسبلاتير (مش عارف ايى سلك فيهم) وبرده نفس المشكله وركبته تانى ورحت لبتاع كربراتيرات نضف الكربراتير وغير البكات تانى ورجعت تهبب تانى انا مش عارف حل واللهى وناس قلتلى ان المشكله فى اكس وباب الكربراتير ومش عارف ده صحيح ولا لأه ياريت ياجماعه تساعدونى بالله عليكم لحسن انا طهقت والله ودفعت تمن اربع اطقم بوجيهات ومصنعيات بتمن كربراتير جديد اصلا

[SkyBird]

ممكن يكون الحل انك تشتري اسبراتير الكتروني
واتاكد اذا كانت البوجيهات بتهبب ولا بتعرق زيت
هي العربية بتطلع دخنه بيضا مزرقه ؟

[kingmony]

لا العربيه مبطلعش دخنه خالص لكن لما بحط ايدى على الشاكمان اديا بتبقا فيها رزاز اسود او نقط هباب صغيره والموتور الحمد لله كويس

[khaled_sabry]

لا العربيه مبطلعش دخنه خالص لكن لما بحط ايدى على الشاكمان اديا بتبقا فيها رزاز اسود او نقط هباب صغيره والموتور الحمد لله كويس

متبع باهتمام
لأنى عندى نفس المشكله بالظبط (اوعى تكون واخد عربيتي )
انا شاكك فى الكربراتير مش مظبوط او مسمار الهوا مش مظبوط
بس ياريت حد يأكد

[hemalotfy]

لما العربيه عندي بتطلع هباب بسيط من الشكمان بروح قافل سنة من مسمار الهواء بتاع الكاربراتير وبعدها بتتزبط

بص ممكن يكون مسمار الهوا ده عندك بايظ او فيه مشكله المسمار ده اخر سنه رفيع جدا ممكن يكون مكسور او فيه مشكله

ممكن تغيره

وربنا يعينك

[Hegazio]

مافيش مشكلة في البوجيهات .. المشكلة في الكهربا
الحاجات اللي غيرتها مضمونة؟
بصيت علي البوبينة؟
لو عاوز تطول عمرهم شوية هات 3 شمعة

[lada2010]

غير الكرباريتر وهتلقى العربية اتضبطت معاك

[darkangel007]

برضو موصلناش للسبب الرئيسى ؟
طب سؤال لو البوجيهات مرطبة او نوعها مش قد كدة تهبب بسرعة؟

[sab3aawy]

هباب البوجيهات سببه الأساسى والأول هو ان الكاربراتير بيرمى بنزين ازيد من الاحتياج فمبيتحرقش بالكامل ويتحول الى هباب يكسو غرفة الاحتراق والبوجيهات، اللى بدورها لما تهبب هتقل كفاءة الاحتراق اكتر فاهلهباب يزيد اكتر وهكذا ،طالما ان البوجيهات بتهبب ومحاولة اصلاح الكاربراتير لم تأت بنتيجة ، يبقى ليس امامك إلا شراء كاربراتير، ممكن تجيبه استيراد من عزبة شلبى او من عند ابناء على شاهين بالسيدة زينب :155 و 175 شارع بورسعيد-طريق ابو الريش -السيدة زينب، او تجيبه جديد من عند على شاهين امام جريدة اخبار اليوم، اى حاجة هتعملها غير كدة تبقش تضييع وقت ومصاريف على الفاضى، وسواء هتشترى جديد او استيراد دور على كاربراتير ماركة ويبر ، لو فيه كاربراتير ماركة سوليكس لل 127 برضه مش وحش لكن انا معرفش فيه سوليكس ليها وللا لأ، لكن متبعدش عن الماركتين دول

[khaled_sabry]

هو الهباب ده بيبقى ايه بالظبط ... اقصد على الهباب اللى بيطلع من الكربراتير و هو مش مظبوط

[sab3aawy]

هو الهباب ده بيبقى ايه بالظبط ... اقصد على الهباب اللى بيطلع من الكربراتير و هو مش مظبوط

إجابة سؤالك اهى:

هباب البوجيهات سببه الأساسى والأول هو ان الكاربراتير بيرمى بنزين ازيد من الاحتياج فمبيتحرقش بالكامل ويتحول الى هباب يكسو غرفة الاحتراق والبوجيهات، اللى بدورها لما تهبب هتقل كفاءة الاحتراق اكتر فالهباب يزيد اكتر وهكذا ،

[kingmony]

هباب البوجيهات سببه الأساسى والأول هو ان الكاربراتير بيرمى بنزين ازيد من الاحتياج فمبيتحرقش بالكامل ويتحول الى هباب يكسو غرفة الاحتراق والبوجيهات، اللى بدورها لما تهبب هتقل كفاءة الاحتراق اكتر فاهلهباب يزيد اكتر وهكذا ،طالما ان البوجيهات بتهبب ومحاولة اصلاح الكاربراتير لم تأت بنتيجة ، يبقى ليس امامك إلا شراء كاربراتير، ممكن تجيبه استيراد من عزبة شلبى او من عند ابناء على شاهين بالسيدة زينب :155 و 175 شارع بورسعيد-طريق ابو الريش -السيدة زينب، او تجيبه جديد من عند على شاهين امام جريدة اخبار اليوم، اى حاجة هتعملها غير كدة تبقش تضييع وقت ومصاريف على الفاضى، وسواء هتشترى جديد او استيراد دور على كاربراتير ماركة ويبر ، لو فيه كاربراتير ماركة سوليكس لل 127 برضه مش وحش لكن انا معرفش فيه سوليكس ليها وللا لأ، لكن متبعدش عن الماركتين دول

شكرا يا باشا انا برده كنت بقول اكيد العيب فى الكربراتير مش فى البوبينه او الاسبراتير طيب معلش هتعبك معايا هل ده ممكن تكون بسبب اكس وباب ويتعملوا وخلاص من غير تغير الكربراتير ولو اشتاريت كربراتير هيبقا فى حدود كام استيراد وبكام جديد فى الحدود يعنى ؟؟؟؟

[د.محمود صلاح]

هباب البوجيهات سببه الأساسى والأول هو ان الكاربراتير بيرمى بنزين ازيد من الاحتياج فمبيتحرقش بالكامل ويتحول الى هباب يكسو غرفة الاحتراق والبوجيهات، اللى بدورها لما تهبب هتقل كفاءة الاحتراق اكتر فاهلهباب يزيد اكتر وهكذا ،طالما ان البوجيهات بتهبب ومحاولة اصلاح الكاربراتير لم تأت بنتيجة ، يبقى ليس امامك إلا شراء كاربراتير، ممكن تجيبه استيراد من عزبة شلبى او من عند ابناء على شاهين بالسيدة زينب :155 و 175 شارع بورسعيد-طريق ابو الريش -السيدة زينب، او تجيبه جديد من عند على شاهين امام جريدة اخبار اليوم، اى حاجة هتعملها غير كدة تبقش تضييع وقت ومصاريف على الفاضى، وسواء هتشترى جديد او استيراد دور على كاربراتير ماركة ويبر ، لو فيه كاربراتير ماركة سوليكس لل 127 برضه مش وحش لكن انا معرفش فيه سوليكس ليها وللا لأ، لكن متبعدش عن الماركتين دول

جزاك الله خيراً أوفيت

[aymanmaly]

هباب البوجيهات سببه الأساسى والأول هو ان الكاربراتير بيرمى بنزين ازيد من الاحتياج فمبيتحرقش بالكامل ويتحول الى هباب يكسو غرفة الاحتراق والبوجيهات، اللى بدورها لما تهبب هتقل كفاءة الاحتراق اكتر فاهلهباب يزيد اكتر وهكذا ،طالما ان البوجيهات بتهبب ومحاولة اصلاح الكاربراتير لم تأت بنتيجة ، يبقى ليس امامك إلا شراء كاربراتير، ممكن تجيبه استيراد من عزبة شلبى او من عند ابناء على شاهين بالسيدة زينب :155 و 175 شارع بورسعيد-طريق ابو الريش -السيدة زينب، او تجيبه جديد من عند على شاهين امام جريدة اخبار اليوم، اى حاجة هتعملها غير كدة تبقش تضييع وقت ومصاريف على الفاضى، وسواء هتشترى جديد او استيراد دور على كاربراتير ماركة ويبر ، لو فيه كاربراتير ماركة سوليكس لل 127 برضه مش وحش لكن انا معرفش فيه سوليكس ليها وللا لأ، لكن متبعدش عن الماركتين دول

الراجل دة جاب من الاخر
نصيحة لصاحب الموضوع ابعد عن انصاص الحلول لانها بتكلف اكثر من الحل الفعلى
يعنى غير بجديد و اخلص من الموضوع نهائي لانك هاتجرب تصلح و تصلح و تصلح و هكذا وبرضوا هاترجع للتغير و الي هيكون انك بتدفع اكثر زى الى حصل معاك خسرت ثمن اكثر من طقم بوجية ولسة
خذ نصيحة الراجل و اشترى جديد بس ابعد عن الاستيراد فى الموضوع دة
ربنا يوفقك للى فية الصح

[medo980]

شكرا يا باشا انا برده كنت بقول اكيد العيب فى الكربراتير مش فى البوبينه او الاسبراتير طيب معلش هتعبك معايا هل ده ممكن تكون بسبب اكس وباب ويتعملوا وخلاص من غير تغير الكربراتير ولو اشتاريت كربراتير هيبقا فى حدود كام استيراد وبكام جديد فى الحدود يعنى ؟؟؟؟

ابعد تماماً عن موضوع الأكس والباب ده موضوع فاشل مش اكتر من مسكن ومبيعديش اكتر من شهر وممكن اقل وتلاقى العيب رجع تانى انا كان عندى نفس مشكلتك فى عربيتى القديمه وعملت الأكس والباب ده مرتين وصرفت اد ثمن الكربراتير الجديد و العيب لم يتم تصليحه الموضوع ده من الأخر سبوبه لبتوع تصليح الكربراتير من الأخر اشترى جديد وريح دماغك غير ان الجديد هيفوق العربيه وهيعيش معاك اكتر 10 سنين مرتاح اذا كان فى العمر بقيه