إيه اللى يخلى العربية تصقف

[scsi7]

الاخوة الاعزاء معى سيارة لانسر 2001 اوتوماتيك وإنجيكشن مرة واحدة وجدت السيارة تقيلة فى المشى وكل ما أزود العربية تصقف وبطى شديد فى الحركة ما الاسباب التى تؤدى إلى ذلك وما العلاج وجزاكم الله خيراً

[romeo_6887]

المشكله من البنزين
لازم تحط بنزين 92 و من محطه نضيفه و محترمه

[ghost1900]

المشكله من البنزين
لازم تحط بنزين 92 و من محطه نضيفه و محترمه

+11111111111

[hemalotfy]

اكيد البنزين كان مغشوش

جرب بنزينه مضمونه

[scsi7]

مشكورين على الرد انا فعلا بستخدم بنزين 92 من زمان وقمت برضه بتغيير البنزينه كما ذكرتم مرتين لكى اتاكد من ان البنزين نظيف ومن محطة كبير ومازالت المشكلة قائمة

[Ahmed Galal]

طب شوف فلتر البنزين و الصيانات اخبارها ايه

[maro2007]

اكشف على طقم البوجيهات بتاع العربيه .. ضرورى

[samirayad]

راجع فعلا على البوجيهات

والفلاتر ( هواء وبنزين )

ويجب أيضا المراجعه على ظبط تاكيهات المكنه

[د.محمود صلاح]

باشمهندس سمير .. هو لو تكونت طبقة كاربون على وش السلندر يحدث صوت التصفيق ده ؟

[samirayad]

نعم فهذا وارد فنيا مع تردى حالة وش السلندر

[د.محمود صلاح]

وهل السبب ( طبقة الكاربون ) من البنزين 80 فقط ؟ ام ممكن يحدث مع البنزين ال 90

[samirayad]

لا مش شرط

فطريقة أستخدام السياره عليها عامل كبير فى تجمع رواسب كربونيه مع الزمن
على قواعد الصبابات وبالتالى حدوث تفويت وأنفجارات أثناء الحريق
شبيه بصوت التصفيق

تقدر تشبهها الى حد ما
بحالة الخلل مع عدم ضبط التاكيهات الجيد مع الفارق فى المعنى

[د.محمود صلاح]

شكراً جزيلاً باشمهندس سمير ..

[SAMEH_FOUAD]

نظف فلتر الهواء ,فلتر البنزين يتغير
نظف التانك كويس وانت بتغير فلتر البنزين
ومون من بنزينة مايكونش فيها بنزين 80 دة يستحسن

[sherbeni]

فلتر الهواء من احدى المشاكل لتبطيئ السرعة