مشكلة فى دبرياج ال 128

[rabeasaber]

المشكلة يا جماعة ان العربية وهى دايره وواقفة على السلانسيه فيه صوت خروشة وحكه عالى فى الدبرياج بيعلى صوت الموتور بس مجرد ما أدوس على الدبرياج الصوت بيروح وبيرجع صوت الموتور العادى .ياترى

1. سببه ايه؟
2. تأثيرة ايه على العربية؟
3. ازاى العلاج والتكلفة التقريبية؟

[romeo_6887]

المشكله مش في الدبرياج
لو في الدبرياج كانت الصوت هيظهر مع الدوسه عليه
بص علي الفتيس و الله اعلم

[samirayad]

ده صوت خروشة بلية دبرياج فى طريقها للتلف

[rabeasaber]

هو صوت إحتكاك حاجه بحاجه ولما بدوس على بدال الديبرياج بيروح الصوت خالص دا بلية ولا دسك و إسطواتة ولا فتيس والأصلح أعمل ايه؟

[Omar.Shawki]

اكشف على زيت الفتيس عشان حصلت معايا قبل كده ولاقيته ناقص وراح الصوت بعد كده لما زودته والله اعلم

[medo980]

ده صوت خروشة بلية دبرياج فى طريقها للتلف

الله ينور عليك يا بشمهندس سمير هو ده العيب بالظبط الى عند اخونا طول ما الصوت بيختفى اول ماتدوس دبرياج يبقى البليه كده عمرها انتهى

[Eng_Mostafa_89]

طيب معلش انا عندى العكس
لما ادوس على الدبرباج اسمع صوت الخشانة
ياترى اية السبب؟؟

[samirayad]

الله ينور عليك يا بشمهندس سمير هو ده العيب بالظبط الى عند اخونا طول ما الصوت بيختفى اول ماتدوس دبرياج يبقى البليه كده عمرها انتهى

الله يخليك

وبرضه متوقع أن يكون السبب مثلما قال الزميل

اكشف على زيت الفتيس عشان حصلت معايا قبل كده ولاقيته ناقص وراح الصوت بعد كده لما زودته والله اعلم

والصح فعلا

الأطمئنان على منسوب زيت الفتيس أولا

وتغييره كمان أذا لزم الأمر قبل التعامل مع الدبرياج

بزيت لزوجته أتقل من الحالى ( على الأقل على سبيل التجربه )

راح صوت الخروشه ..........يبقى ده كان عيب فتيس فعلا

مرحش الصوت بعد ماحطينا زيت تقيل

ولسه كل حاجه زى ماهى

يبقى عيب بلية دبرياج على طول بدون تفكير بأه


لأن العيوب فعلا ممكن يكون ليها أكثر من أحتمال

وأحنا بنحاول بقدر الأمكان مع الأحتمالات المسببه لعيب فنى معين

وبلاشك

فالتوفيق بيكون من عند الله

[samirayad]

طيب معلش انا عندى العكس
لما ادوس على الدبرباج اسمع صوت الخشانة
ياترى اية السبب؟؟

هنا العيب تقريبا شبه واضح

وهو بنسبه كبيره جدا فى الدبرياج

الأسطوانه ما بتتحركش بسهوله وسرعه على مشرشر نهاية عمود دريك الفتيس

لأى سبب من الأسباب

وغالبا شوية تيل ووساخه من أثر تآكل تيل الأسطوانه مزرجنين سهولة حركة رجوع الأسطوانه للخلف بعد حدوث أنفصال مع وش الفلام ( وقت أنفصال التعشيق ) بين وش الأسطوانه ووش الفلام المقابل له

وممكن بيكونوا لسه مفكوش من بعض بسرعه لأى سبب برضه

[rabeasaber]

ممكن يبقى فيه احتمالات تانية؟؟؟؟؟؟

[rabeasaber]

بعض الزملاء أصحاب 128 شخصوا على انها بلية ديبرياج

1. فهل ينفع أركب بليه لوحدها ولا لازم الطقم كامل؟
2. وهل ينفع أركب البلية من غير تنزيل الفتيس؟
3. ازاى أتأكد من صلاحية الأسطواة والديسك؟

[Ahmed Galal]

بعض الزملاء أصحاب 128 شخصوا على انها بلية ديبرياج

1. فهل ينفع أركب بليه لوحدها ولا لازم الطقم كامل؟
2. وهل ينفع أركب البلية من غير تنزيل الفتيس؟
3. ازاى أتأكد من صلاحية الأسطواة والديسك؟

لازم تفك الفتيس عشان تغيرها و غير طقم كامل عشان يبقا انت فكيت مرة واحدة و خلصت من الدوشة

[mahamedaraby]

اللى اعرفه انك علشان تغير طقم دبرياج كامل اللى هو بيتكون من بليه واسطوانه وديسك لازم تفك الفتيش بره بالكامل علشان تغير

وبالنسبه للاسطوانه تعرف ازاى انها سليمه عن طريق سحب العربيه لو لقيتها بطئيه معاك والميكانيكى لما بيفك الفتيس بيعرف اذا كانت محتاجه تتغير ولا لا

بس نصحيه غير الطقم كله علشان تكلفه فك الفتيس وتركبيه عاليه شويه

بس انا عايز اسئل سؤال تانى انا لما بفك الفتيس علشان اغير اسطوانه وديسك لازم احط زيت فتيس جديد

[melikato]

المساعدة فى نوع الزيت فيات 128

مساء الخير ..
لدى سؤال مهم ما هو انسب نوع زيت موتور لسيارتى فيات 128 مو 1991 وعامله حوالى 70000 كم
خصوصا ان السوق مليان انواع كتيرة وانا عاوز حاجه ممتازه تحافظ على الموتور .. وبالله التوفيق