صوت عاااالى , علبة دركسيون

[wahba87]

السلام عليكم

الاونو عندى لما السرعة تزيد شوية لما مثلا اعدى 60 او 70 , بيبقى صوتها عاااالى بشكل بشع (حتى و انا مش دايس على اى دواسات , او حتى و انا دايس دبرياج على الاخر)


حاجة تانية بردو , الدركسيون عندى فيه حتة فاضية , ممكن اعمله فين عند حد كويس فى الظاهر او العباسية ؟


حاجة تالتة , امتى الواحد يعرف ان المساعدين عايزة تتغير ؟؟

والف شكر مقدما

[SAMEH_FOUAD]

بالنسبة للصوت العالى ممكن تفحص الشكمان
بالنسبة للدركسيون يعنى اية فية حتة فاضية ؟حاجة ظاهرة يعنى وعايز تتداريها
حضرتك حط ايدك على البطاحات اللى فى حوض الماتور وهز السيارة بالضغط عليها لو لقيت نقر فى ايدك ملحوظ يبقى المساعد دة خفيف ,او بينزل معاك بسهولة جدا بدون مقاومة

[wahba87]

بالنسبة للصوت العالى ممكن تفحص الشكمان
بالنسبة للدركسيون يعنى اية فية حتة فاضية ؟حاجة ظاهرة يعنى وعايز تتداريها
حضرتك حط ايدك على البطاحات اللى فى حوض الماتور وهز السيارة بالضغط عليها لو لقيت نقر فى ايدك ملحوظ يبقى المساعد دة خفيف ,او بينزل معاك بسهولة جدا بدون مقاومة

شكرا يا باشا على ردك

فيه حتة فاضية يعنى فى حتة فى النص افضل اودى الدركسيون يمين شمال ميحودش

زى الافلام القديمة كده تلاقى الممثل عمال يجيب يمين و شمال و العربية مبتحودش

[SAMEH_FOUAD]

كدة حضرتك عندك بوش فى علبة الدركسيون ولازم تجيبلها طقم اصلا ويتعملها حشو

[hemalotfy]

ممكن يكون الصوت العالي سببه احد بلي العجل ممكن يكون خشن

[Ahmed Galal]

علبة الدركسيون بيتعمل ليها حشو و هاتبقا كويسة ان شاء الله و موضوع الصوت العالى ده فعلا شوف الشكمان

[wahba87]

شكرا يا شباب على الردود , و هشوف الشكمان و بلى العجل و حشو علبة الدركسيون النهاردة او بكرة ان شاء الله

[hemalotfy]

شكرا يا شباب على الردود , و هشوف الشكمان و بلى العجل و حشو علبة الدركسيون النهاردة او بكرة ان شاء الله

ربنا يعينك
ابقى طمنا عملت ايه