العربيه بتترج عند السرعات البطيئه

[marsguy]

السلام عليكم ورحمة الله وبركاته،،،

انا عندي مشكله غريبه شويه،،،

العربيه بتترج عند السرعات البطيئه يعني ما بين 30 و 40 كده، بس الرجه دية بتروح لما أدوس بنزين والعربيه تزيد شوية عن السرعه دية.

انا عربيتي هوندا سيفيك 1993 أوتوماتيك

يا ترى ده ممكن يكون عيب قواعد موتور ولا إيه؟

شكراً

[ابوشريف]

لو الرجه متركزه فى الدركسيون وبتروح بعد ما بتعدى سرعة 60 كيلو يبقى انت اكيد محتاج ترصيص للعجل

[marsguy]

لو الرجه متركزه فى الدركسيون وبتروح بعد ما بتعدى سرعة 60 كيلو يبقى انت اكيد محتاج ترصيص للعجل

جزاك الله خيراً يا أخي

بس الرجه مش في الديريكسيون خالصـ وكمان أنا لسه مغير 4 فرد كاوتش ومرصصهم

شكراً

[marsguy]

يا ترى ممكن تكون كهرباء زياده؟

[momo44]

؟؟؟؟؟؟؟؟؟؟؟؟؟؟؟؟؟؟؟

[ابوشريف]

جزاك الله خيراً يا أخي

بس الرجه مش في الديريكسيون خالصـ وكمان أنا لسه مغير 4 فرد كاوتش ومرصصهم

شكراً

كده ممكن مصدر المشكله يكون الكاربيرايتور

وياريت توضح اكثر علشان نقدر نساعدك يعنى مثلا الرجه دى هل هى ناتجه عن عدم انتظام فى المحرك ؟؟؟

وهل بتحس بضعف ملحوظ فى السحب اثناء الرجه وفى السرعات بعد ال 60 بتحس ان قوة الموتور عادت لطبيعتها ؟؟؟

[ابوشريف]

يا ترى ممكن تكون كهرباء زياده؟

الكهربا الزياده لو كتير عن الحد هتفضل العربيه تترج على كل السرعات

انا افضل ان الكهربا يكون فيها سنه بسيطه زياده فى الشتا بالذات علشان تساعد فى سرعة بدئ دوران المحرك

لكن واضح ان مشكتلك مش فى الكهربا

[marsguy]

كده ممكن مصدر المشكله يكون الكاربيرايتور

وياريت توضح اكثر علشان نقدر نساعدك يعنى مثلا الرجه دى هل هى ناتجه عن عدم انتظام فى المحرك ؟؟؟

وهل بتحس بضعف ملحوظ فى السحب اثناء الرجه وفى السرعات بعد ال 60 بتحس ان قوة الموتور عادت لطبيعتها ؟؟؟


الكهربا الزياده لو كتير عن الحد هتفضل العربيه تترج على كل السرعات

انا افضل ان الكهربا يكون فيها سنه بسيطه زياده فى الشتا بالذات علشان تساعد فى سرعة بدئ دوران المحرك

لكن واضح ان مشكتلك مش فى الكهربا

السلام عليكم ورحمة الله وبركاته،،،

شكراً يا أخي على مساعدتك ....

الرجه مش ناتجه عن عدم إنتظام المحرك ولا حاجه،،، هي بس باحس بيها لما أكون ماشي على سرعه بطيئه أوي وبتروح في حالة إني أهدي وأنزل لسرعة 20 تقريباً أو إني أزود وأوصل لسرعة 50 تقريباً.

مش باحس بضعف في السحب، العربيه بتستجيب على قد ما أزودلها بالظبط.

وللعلم العربيه مش بتترج خالص عند أي سرعه تانيه

شكراً

[hazem_khidr]

مممم
مشكله عندي و مش عارف ليها حل لحد نهارده بس بعد ما رصصت تروسيكل راحت بشكل كبير الحمد لله.
بس انا اقدر اقولك اسبابها ايه.بس قولي يا تري كنت بتحس بيها قبل ما تركب الكاوتش الجديد و لا لاء؟
اما عن اسبابها:
1.عمود كوبلن في رفه او ملوي شويه و الحل تروح عند العفشجي يشوفهوملك و يقول رايه
2.و انت بتركن خبط في الرصيف بالكاوتش و دا سبب ان في فرده السلك بتاعها اتني و دا بيخليها تعمل كده.
3.في العربيات المانيوال ممكن يكون فيه بيضاوي في الديسك بتاع الدبرياج و حله انك تفك لديسك و يتاخد المخرطه لو البيضاوي قليل او يتغير كله

[ahmedezzat78]

غالبا الكاوتش الجديد فيه عالى و واطى

[marsguy]

جزاكم الله خيرا يا جماعه

إن شاء الله هافحص الحاجات اللي قولتولي عليها

شكرا

[marsguy]

أخيراً عرفت السبب

كباية الكوبلن الأمامي فيها عيب، وهو ده سبب الرجه عند السرعات البطيئه

الميكانيكي (هو عفشجي برضه) لفت نظري كماان إن الرجه دية بتكون وانا دايس بنزيز بس كمان.

شكراً

[fakoussa]

سيدى الفاضل فيه حساس موجود فى الكاربراتير بيكون محتاج تنظيف . و غالبا الرجة بتكون اول مابتدور العربية بتحسها مغربلة و مش مظبوطة . و برضه اتأكد من رولمان البلى فى العجل الامامى و الخلفى .