أعمل إيه لما العربيه الأوتوماتيك تبطل؟

[marsguy]

السلام عليكم ورحمة الله وبركاته،،،

انا في دماغي تساؤل من زمان نفسي اعرف إجابته،،،

أنا عربيتي أوتوماتيك

أعمل إيه لو لا قدر الله العربيه بطلت مني لأي سبب من الأسباب؟؟؟ يعني أنا باشوف إن الناس بتزق العربيات المانوال لما تبطل، لكن الأوتوماتيك أعمل معاه إيه؟

شكراً

[volcano12]

و لا حاجه, تجيب يا حد يصلحها يا يقطرها :)

[badblood]

توقفها على جنب او عربيه تقطرها
وربنا ان شاء ما يوعكش في حاجه زي كده

[elrasy]

مش هينفع تزقها ,,,
خلى معاك توصيلة علشان تاخد توصيلة من بطارية اى حد جدع يقفلك.

[hazem_khidr]

ولا تعمل اي حاجه .
خلي معاك كابلين بطاريه علشان لو البطاريه نامت.
انما لو مارش لا قدر الله او اي عطل ما ينفعش غير انها تتصلح

[marsguy]

ألف شكر يا جماعه،،،

أنا هاجيب وصلة بطاريه، وسلبه عشان القطر إن شاء الله

أجيبهم منين بسعر رخيص؟

شكرا

[أبو_حمزة]

أوعى تقطرها
الاتوماتيك لازم تحملها على عربية انقاذ (و ده احد عيوب الاتوماتيك)
القطر لو ما اتعملش صح ممكن يتلف الفتيس و ما ادراك ما الفتيس الاتوماتيك

[marsguy]

يعني إيه أقطرها صح؟

أجيبها على N ولا إيه بالظبط؟

شكرا

[CryptonX]

تقطرها يعني عربية تيجي ادامك و تركب حبل او جنزير بينك و بينها و تمشي العربية للمكان الي انت عايز تروحه

و اوعى تعمل كدة نهـــــــــــــــــــــــــــــــــــــــــــــأئي في عربية اوتوماتيك
ده للمانوال بس
قطرنا سيارة زميل مرة ( اوبل فكتر 2000 اوتوامتيك ) و احنا ماشيين سمعنا صوت مش ظربف خالص من السيارة ,, و قفنا و طلبنا سيارة انقاذ ... .وصلنا للتوكيل .. اكشتفنا ان احنا دمرنا صندوق التروس ( Gearbox ) و اطر يغيرو بحوالي 5000 جنيه و مكانش جديد كمان .

لما يحل كدة , زي مالاستاذ حازم قال .. لو عيب بطارية .. يبقى معاك وصلة البطارية دي و هي رخيصة من اي حتة ..

لو عيب اخر في السيارة لازم سيارة انقاذ .

[mohamed_rhem]

اه نجيبها علي وضع N بس خلي بالك
لو بتسأل علي طريق الكابلات من التوفيقيه واسعارها واشكالها كتير من اول 20 جنيه اهم شيء تجيب اطول كابل علشان في عربيات بطاريتها يمين وعربيات بطاريتها شمال

[marsguy]

همم

يعني ينفع أقطر العربيه وأنا جايبها على N

ولا ما ينفعش تتقطر خالص؟

شكرا

[elrasy]

همم

يعني ينفع أقطر العربيه وأنا جايبها على N

ولا ما ينفعش تتقطر خالص؟

شكرا

لا اوعى تقطرها ,,, فى حالة الضرورة اتصل بعربية انقاذ تشيل العربية فوقيها,,

[hazim2008]

اوعى تقطر سيارتك الاوتوماتيك نهائيا وزى ما قالوالو مش مشكلة كهرباء يبقى سيارة انقاذ خد ارقامهم من التوكيل خليها على محمولك وخلى معاك وصله واوعى حبيب قلبى حد يضغط عليك ويزقهالك اكتر من ركنتها بعيد عن الطريق مسافه صغيره على النورمل N وبعدها قفلها لحد ما تيجى سيارة الانقاذ وهما يتولوا الامر ربنا يسترها معك ومع الجميع.