سؤال بخصوص عربيتى مهم اوى

[mmans]

انا عندى عربيه كورولا 2002 و كت عاوز اسال على الرشاشات هل بتتغير و لا بتتنظف و لا ايه انا لسه مغيرتهاش خالص و كمان اما اجى ادوس بنزين بحس ان صوت العربيه بيعلا و بتسحب بنزين منى هل ده ممكن يكون الرشاشات و اغيرها عند كام و لا انطفها و خلاص و لو نظفتها انظفها ازاى -------------- و معلشى هل سير الكاتينه بتاعها بيتغير و لا ايه نظامو؟؟؟؟----------------------- و انا عندى عربيه باسات شاريها مستعمله هيه دلوقتى عاملة 67 الف كيلو اغيرلها سير الكتينه عند كام ؟؟؟ و السيور بتاعتها بتتغير كل اد ايه ؟؟ و سورى على الاطاله

[SAMEH_FOUAD]

اول حاجة بالنسبة لموضوع الرشاشات فحضرتك ممكن تروح لمتخصص رشاشات وهناك هيفك الرشاش ويعملة اختبار تسيل ولا لأ ولو محتاج يتنظف هينظفة ولو محتاج تغير هايتغير
ولو عندك سير الكاتينة كاوتش يبقى حضرتك لو جيبت الاصلى هيتغير عند 50000 الف ولو العادى هايتغير عند 40000 طبعا انا مديك عدد كيلو مترات اقل من المفروض يعملوة بس عشان حضرتك عارف الصناعة عندنا مضروبة نفس الكلام على الباسات بس زود 10000 كيلو على كل سير بس اتاكد انة كاوتش مش جنزير

[mmans]

سير الكاتينه بتاع الكورولا جنزير ------يتعمل فيه ايه ده و بحس ان العربيه مكتومه فى السحبة ده يبقى ايه ممكن يكون عاوزه فلاتر ولا ايه؟؟؟؟؟ و بتاع الباسات اغيرو امته

[ramy01011]

انا موش هقدر افيدك في الموضوع ده بس انا عندي ليك سؤال انا معروض عليا كرولا 2003 و انا عارف انها هيا هيا 2002 فممكن اسئل حضرتك عن رأيك في الكرولا عموما اية

[mmans]

الكورولا عربييييه جامده و عيوبها مش كتيير تقريبا اصلا مفيش عيوب بس عيبها الوحيد الثبات بتاعها و عامتا الكورولا عربيه متتسبش و ركوبه و حلوة و بتاعتى بقالها من 2002 و مش هبيعها حتى لو جالى فيها 200 الف -------- و ربنا يباركلك فيها

[Ahmed Galal]

سير الكاتينه بتاع الكورولا جنزير ------يتعمل فيه ايه ده و بحس ان العربيه مكتومه فى السحبة ده يبقى ايه ممكن يكون عاوزه فلاتر ولا ايه؟؟؟؟؟ و بتاع الباسات اغيرو امته

يستحسن تعمل لها صيانة كاملة لو ما عملتهاش قبل كده و ده متضمن فلتر البنزين و الهوا و البوجيهات و ان شاء الله تفوق معاك و الكاتينة الجنزير ما بتتغيرش بيتبص عليها و تتاكد انها كويسة و تغير طقم سيور بالمرة باور و تكييف و ان شاء الله كله يبقا تمام اما الباسات فقسم الفولكس هايفيدك جدا

[mmans]

شكرا على الافاده يا باشا

[romeo_6887]

الرشاشات نضفها بال wd40 و لو في تحسن في الاداء يبقي خير و بركه غير كده اكشف عليهم و لو فيهم رشاش بيسيل يبقي يتغيروا كلهم احسن