ايه الحل ؟؟؟

[ahmadhussein]

السلام عليكم اخوتى الاعزاء

كان عندى مشكلة جديدة ابتدت تظهر فى العربية من يومين بس وهى انى لما باجى الف شمال بالعربية اسمع صوت طقطقة متتالية ضعيفة نسبيا واول ما ارجع الدركسيون لوضعه الطبيعى الصوت يروح ومابتظهرش فى الدوران لليمين انا بصراحة خايف يكون كبالن ؟؟؟

وهل ممكن يكون مش كبالن وتكون الكاوتشة بتاعتها او عايزة تتحم او اى حاجه من هذا النوع ولا طالما صوت طقطقه يبقى خلاص كده اكيد كبالن

ولو حبيت اجيب كبالن جديدة وأمرى لله اجيب الصينى وكان فيه عضو فاضل بيقول انها بــ 90 ج والايطالى بـ 170 ج ( العربية ريجاتا موديل 85 ) والمصنعية حوالى بتتكلف كام ؟

وهل الكبالن لو الواحد صبر عليها شويه ممكن تعمل حاجه خطر فى العربية ؟؟؟؟

أرجو الافادة افادكم الله يا جماعه


____________________________

يرجى عدم أغراق قسم الورشه بمواضيع متكرره فى أكثر من موضع

وهذا تنبيه أولى بمراعاة تلك النقطه مستقبلا


مشرف الورشه

[osama.m]

اتأكد الاول من كاوتشة الكوبلن لانها لو دخلت تراب او رمل ممكن تعمل صوت و حصلت معايا في الريجاتا قبل كدا
الكوبلن مش هيعمل حاجة خطيرة اوي انت ممكت تمشي بية لحد ما يجيب اخرة و هتلاقي صوتة بقى بيزيد اوي . الاسعار مش هقدر افيدك فيها لاني بعت العربية من حوالي 3 سنين

[romeo_6887]

التشخيص سليم الكوبلن الشمال لازم يتغير و برضه اكشف علي الكوبلن اليومين بالمره و حاول تجيب افضل الانواع و كل اللي في السوق صيني

[Yasser_Basiony]

الله يهدي التجار ويجيبوا لينا قطع غيار سليمة ادعوا معايا


_____________________________

يرجى مراعاة الدقه فى كتابة لفظ الجلاله بشكل صحيح


مشرف الورشه

[elewey]

هى كوبلن فعلا انتا ممكن تصبر عليه شويه بس لو الكوبلن فوت حتقف منك فى ساعتها و حتحتاج تقطرها عشان تروح لميكانيكى

[samirayad]

مش ده نفس الموضوع فى آلات الجر بقسم الورشه

http://www.nilemotors.net/Nile/145041-a.html

[abogogo]

كوبلن شمال خارجي