عداد السرعة لا يعمل

[SHLD]

:(يا ريت يا جماعة حد يفيدنا معاي ريجاتا 84 وعداد السرعة كان الاول عند السرعات البطيئة لا يعمل ومع تزويد السرعة يبدأيعمل لكن كأنه راكن ورحت لكهربائي وغيرت واير السرعة ولكن العيب موجود والان لا يقرأ واحد قالي هفكه وأبعته القاهرة يتظبط ويتعاير يا تري هل هذا الكلام صح والعيب من العداد وهيتكلف كام وهل ممكن أشتري عداد سرعة ولا لازم أشتري كل مجموعة العدادات الي في التابلوة مع إن كل العدادات سليمة ما عدا عداد السرعة وهل لو ما فيش العداد ممكن أعمل عداد أي نوع من أي عربية خارج التابلوة

[hazem_khidr]

المشكله فين بالضبط؟؟؟
لو بيعمل لكن عند سرعات عاليه شويه يبقي كده عاوز يتفك و يتنضف بس و ممكن انت بايدك تخبط التابلوه من فوق العداد حتلاقيه اشتغل علي طول.
و ممكن فعلا يكون جراب السرعه و ممكن اللي ركبه ما ركبوش كويس .
خلي الكهربائي يفكه من التابلوه و حرك العربيه شوف السلك بيتحرك و لا لاء لو بيتحرك يبقي العيب من العداد نفسه.
لو مش بيتحرك اتاكد من انه راكب في البيبه بتاع الفتيس كويس و خلي ميكانيكي يشوفهالك لحسن ممكن تكون مكسوره و دا يخلي العداد ما يشتغلش برضه لو كل دا سليم يبقي شوف حد يصلح العداد او ممكن تلاقيه منفرد عند بتوع قطع الغيار لاستعمال لكن ما تجيبش عداد خارجي لانه اولا شكله حيبقي غير ملوف بالمره و تاني حاجه مش حيديك قرايه صحيحه

[SHLD]

طيب لو عملت ده وطلعت المشكلة من العداد حد يعرف حد يصلحه او حد يبيع قطع غيار ريجاتا 84 يكون عنده عداد السرعة ياريت يا جماعة لو تعرفوا حد ياريت اسمه وعنوانه ورقم تليفونه لو امكن اكون شاكر جدا
[IMG]file:///C:/DOCUME~1/MATERIAL/LOCALS~1/Temp/msohtml1/01/clip_image001.jpg[/IMG]

[teeka]

مش حقدر افيدك قوى بس ممكن اوصفلك واحد متخصص فى اصلاح العدادت
عارف وانت جى من ميدان الدقى فى اتجاة الجامعة بعد مطعم رضوان وقبل متوصل لمنزل كوبرى الدقى حتلاقى على يمنك بنزينه خش فى الشاره بتعها يمين حتلاقى واحد متخصص فى اصلاح العدادت اكيد حتلاقى عنده حل لانه متخصص فى العدادت فقط

[Nader]

انزل شارع احمد سعيد.

[SHLD]

شكرا يا جماعة أنا وديت العربية لواحد كهربائي وفك العداد من الداخل وتقريبا نضفه وركبه لي وإشتغل العداد بسلام يوم الخميس

[Nader]

الف مبروك:)