مشكله غريبه فى الفرامل

[micromoud]

السلام عليكم

الفرامل عندى لما تكون العربيه بارده الصبح واتحرك بيها وادوس فرامل الاقى الفرامل بتكلبش العربيه اما بعد ما اتحرك بالعربيه شويه الاقى الفرامل ضعيفه ولازم اكبس فرامل عشان اهدى والغريب ان لو العربيه مشيت مشوار كبير بيظهر صوت صفاره بسيط عند الفرمله فانا دلوقتى موش عارف الحل فين وديتها لميكانيكى قاللى عادى وقاللى نسحب الهوا ومفيش حاجه اتغيرت نفس الموضوع بيحصل كشفت عالتيل الامامى طلع كويس مع العلم انه متغير من 5000 كيلو العربيه ماروتى ارجو الافاده

[samirayad]

طيب ماتغير زيت الفرامل بنوع كويس

وخد هواء الفرامل

وجرب

[SAMEH_FOUAD]

كدة حضرتك عندك تسريب فى دورة الفرامل وغالبا ماستر الفرامل العمومى هو اللى فية المشكلة

[micromoud]

استاذ سمير المره اللى فاتت والميكانيكى بياخد هوا ضيع نص الزيت فى الفك فغيرته بزيت تانى
semsem kane
لو فى تسريب فى الماستر يبقى الحل ايه

[samirayad]

والغريب ان لو العربيه مشيت مشوار كبير بيظهر صوت صفاره بسيط عند الفرمله

أطمن على كل التيل وراء وقدام مره تانيه ( ولو حتغيره تانى لأن الفرامل أهم شىء فى العربيه )

ممكن تكون بنية خامة التيل وحشه فعلا حتى لو كان محمل

أو تكون خارط طنابير وسمكها قل كتير

وبعد ماتراجع على كل الكلام ده

خد الهواء تانى ( طالما أنت غيرت الزيت ومنسوبه كويس فى التنك )

_______________________________

لو كل ده مجبش نتيجه معاك للأفضل

يبقى الماستر الرئيسى بيفوت مع سخونة الزيت

ويجب أنك تغيره

[SAMEH_FOUAD]

استاذ سمير المره اللى فاتت والميكانيكى بياخد هوا ضيع نص الزيت فى الفك فغيرته بزيت تانى
semsem kane
لو فى تسريب فى الماستر يبقى الحل ايه

الحل انك تغير ماستر الفرامل العمومى اللى بيبقى راكب على السيرفو

[micromoud]

أطمن على كل التيل وراء وقدام مره تانيه ( ولو حتغيره تانى لأن الفرامل أهم شىء فى العربيه )

ممكن تكون بنية خامة التيل وحشه فعلا حتى لو كان محمل

أو تكون خارط طنابير وسمكها قل كتير

وبعد ماتراجع على كل الكلام ده

خد الهواء تانى ( طالما أنت غيرت الزيت ومنسوبه كويس فى التنك )

_______________________________

لو كل ده مجبش نتيجه معاك للأفضل

يبقى الماستر الرئيسى بيفوت مع سخونة الزيت

ويجب أنك تغيره

حاضر يا بشمهندس سمير هعمل ان شاء الله كشف على الفرامل والطنابير وهغير الزيت كمان
وهبلغك بالنتيجه شكرا لحضرتك

الحل انك تغير ماستر الفرامل العمومى اللى بيبقى راكب على السيرفو

يارب ما تكون المشكله فى الفرامل كبرت كدا ان شاء الله هكشف على العربيه واقولكم فيها ايه :)

[micromoud]

الحمد لله الفرامل اتظبطت صنفرت الطنابير ورجلشت وخدت هوا والحمد لله المشكله اتحلت شكرا يا جماعه وجزاكم الله كل خير