محتاج محترف جيربوكس اوتوماتيك

[ebotross]

نوع السياره : سكودا أكتافياautomatic 2004 A4
عندي نتشه في الفتيس في الغيار عند 40 كم/س و ذلك أثناء الغيار التنازلي للفتيس ما بين السرعه الثالثة و الثانية يا ترى الحل ايه. مع العلم انني مظبت الفتيس. ثم غيرت الزيت و الفلتر و نضفت ال valve body و برضه مافيش فايده و مش عارف ايه السبب و كل ده في توكيل اسكودا اسكندريه. المصاريف كتير و مافيش تغيير.
و ماعتقدش ان العيب في مجموعة ال drive لأن ده بيعمل لخبطه في النقلات. و النقلات عندي منتظمه و ال kick down يعمل بكفاءه.

[Sharky]

هى السيارة عندك عاملة كام كيلو؟

على الفكرة معظم الأتوماتيك بتاع الميجان بيحصل فيه كده و هو دا العيب اللى بيقولوا عليه فى فتيس الميجان

[ebotross]

العربيه عامله 85 ألف كيلو

و تم تغيير الزيت و الفلتر عند 60 الف و عند 85 الف

[Mahmoud_405]

بص ياباشا انا كان عندي نفس المشكلة ده في بيجو 405 اوتومايتك والحل انا نضفت ال vave body حتة حتة يعني مش من بره لا ده اتفكك حتة حتة وغيرت زيت وفلتر.... بس الغريبة ان المشكلة عندي كانت مابين التاني ولاول وبتيجي لما اكون ماشي بسرعة لكن لو ماشي براحة ماتجيش وحصلت لما غيرت زيت....
الي عايز اقولو انك لازم تعرف ال valve body اتنضغ ازاي واية نوع الزيت اللي حتيطة ؟؟؟ ولو المشكلة برده متصلحتشي تبقي المشكلة في الفتيس نفسة

[ebotross]

تمام يا houda

المشكله دي ظهرت بعد أول تغيير للزيت يعني عند 60 الف و ما زالت مستمره أفتكر ان التوكيل أفضل مكان يتعمل فيه التنضيف لل valve body بس ده تم بالفعل و ما فيش فايده ممكن يكون ال valve body نفسه محتاج يتغيير و ده استعمال ب 1800 جنيه. على العموم


thanx for your attention

[boty50]

عزيزي

يمكن كلامي يكون غير منطقي شوية
لكن هنا في الكويت معظمنا مابيغيرش زيت الجير
يزودة فقط علشان المشاكل اللي بتحصل بعد تغييرة

ودة حصل معايا تماما في سيارة شيفورلية لومينا 2000
بعد تغير الزيت والفلتر التظيف مباشرة

اللي كان بيحصل معايا فيها هو نتشة بين النقلات خبطة صغيرة
ولكن محسوسة

وكان السبب النهائي فيها هو 2 ريلاي كهرباء بالجير
ومن الممكن انك تكتشفة بسهولة لو اتوصلت السيارة
بكاشف الأعطال (الكمبيوتر الخاص بالتوكيل)

[Mahmoud_405]

طيب انتي لما نظفت ال vavle body غيرت زيت؟؟؟؟؟؟

[Mahmoud_405]

اصل انا برده حصلت معايا نفس المشكلة بعد تغير الزيت بس ده عند 140000 الف ولما نظفت ال valve body المهندس قالي لازم تجيب زيت جديد وغيرت زيت تاني في فتره اقل من 5 الاف كيلو بس المشكلة راحت

[ebotross]

و ما زال العيب مستمر

يا سادة أنا بقول ان العيب في التوكيل يا اما فيا انا
انا مش بشوف اي حاجه و هي بتتعمل في التوكيل, قالولي ال valve body اتنضف قولت أمين، قالولي غيرنا الزيت و الفلتر بعد ما نضفنا قولت أمين، حطينا العربيه على الكمبيوتر على شان نكشف على كهربة الجير قولت أمين.
و لكن ما زال الحزن مستمر
نفسي الاقي حد يحل العربيه قدامي بس يكون مهندس بجد مش ميكانيكي و خلاص

[thegreatnileman]

نفسي الاقي حد يحل العربيه قدامي بس يكون مهندس بجد مش ميكانيكي و خلاص

مفيش فايده

[ahm3d ham>ed]

بص ياباشا الموضوع دة كان عندى بس لما يكون ع الرابع وينزل للتالت و المشكلة كانت فى حزام المجموعة بتاعت الفتيس وخليهم يضبطوا سلك المفاجئ بتاع الفتيس

[houda]

بص ياباشا فى واحد كويس فى صقر قريش المعادى أنا عندى نفس المشكله فى الa4وأنشاء الله هروحله بعدالعيدعلى فكره أسمه أحمد زاهر

[lovernan]

استفسار من كل الشباب اللى عملوا تنظيف لمكونات الفتيس الاتوماتيك عملتوها فين وعند مين وكلفتكم كام تقريبا

وشكرا

[ahm3d ham>ed]

استفسار من كل الشباب اللى عملوا تنظيف لمكونات الفتيس الاتوماتيك عملتوها فين وعند مين وكلفتكم كام تقريبا

وشكرا

انا عملته فى المنوفية
عند واحد محترف جيروبوكس ومصناعياتة مقبولة جداا
لو محتاج تفاصيل ابعتلى ع الخاص

[medhat3333]

عليك وعلى المهندس عبد الرحمن السنى دة متخصص فى الفتيس الاوتوماتيك وعندة الصنايعى الرئيسى محترف فتيسات ومتمكن جدا وهو فى ميدان قهوة عماد بعين شمس وقبل ما ترحلو اكشف على كمبيوتر الفتيس عند محمد العسكرى بالحرفيين