جيت أصلح الولاعة، نور العدادات فصل، حد يساعدنى

[Most_H]

الحكاية وما فيها ان الولاعة مبقتش تشتغل (مع انها بتبقى منورة) فقلت اجيب واحدة جديدة واغيرها

فكيت القديمة وربكت الجديدة، وكله تمام، شغلت الكونتاكت الولاعة نورها اشتغل والعدادت شغاله تمام
المهم جيت اجرب الولاعة الجديدة، لقيتها مش شغالهن فكيت واعد اشوف العيب فين، وركبت تانى وشغلت ، نور الولاعة اشتغل شوية وفصل فجأه

ببص على نور العدادات لقيتها برضة فصلت، بس لمض البيانات كانت شغاله


فانا نش عارف اعمل اية دلوقت، هل الفيوز ضرب ولا اية المشكلة

العربية أكسيل 97

[hemalotfy]

الفيووووووووز ضرب اكيد

اكشف عليه

[Most_H]

الفيووووووووز ضرب اكيد

اكشف عليه

طب اعرف الفيوز سليم ولا لأ ازاى؟؟؟

[Ahmed Galal]

اى لعب غلط فى كهربة العربية ضحيته الاولى الفيوز لان هوا اللى بيكمل الدايرة و بيبقا اضعف حتة فيها هاتلاقى عندك علبة فيوزات فى الحوض بتاع الموتور وواحدة فى الصالون فى الغالب ناحية رجلك الشمال و ديه بنسبة كبيرة هاتلاقى فيها فيوزات الانوار الداخلية هاتفتحها هاتلاقى عليها رسمة بتقولك كل فيوز بيعمل ايه تشوف فيوز نور الطابلوه او الولاعة فين و تشيله و تغيره بنفس الفولت بتاعه هاتلاقيهم 5 و 10 و 15 و كده الطقم كله ب 3 جنيه من اى حد بتاع قطع غيار و تعرف انه بايظ لو من النوع البلاستك الشفاف هاتبص جواه فيه قطعة معدن رفيعة لو مقطوعة يبقا باظ و كمان البلاستك المصمت فيه قطعة معدنية باينة لو مقطوعة يبقا غير و شيك على كل الفيوزات بقا بالمرة

ديه صورة الفيوز الشفاف هاتلاقى الحتة المعدنية اللى عاملة زى ال 8 فى نصه بين الرجول مقطوعة لو بايظ

http://valuestockphoto.com/downloads/15004-2/car_fuse0933.jpg

و طبعا غير بسرعة عشان كده الدواير ديه بقت بدون حماية

و خلى بالك من كهربة العربية انا فى مرة جيت اغير لمبة اشارة اللى بتبقى فى الاكصدام و ما كانتش راكبة كويس فى الدوايا عكت لى الاشارات و الانوار و كانت هاتطير الفلاشر بس ربنا ستر و لحقتها

[elewey]

فيوز يا ريس مفيش كلام ودى سعات بتحصل عادى بالذات لما تيجى كمان تركب كاسيت او تلعب فى كهربا العربية

[mensho]

طب انا عندى الولاعة بايظة بضغطها بتخرجلى تانى
بفضل زانقها بأيدى مش بتسخن
جبت ولاعة عربية والدى حطيتها فى الفتحة برضة نفس الكلام محدش يعرف الحل ؟

[Ahmed Galal]

طب انا عندى الولاعة بايظة بضغطها بتخرجلى تانى
بفضل زانقها بأيدى مش بتسخن
جبت ولاعة عربية والدى حطيتها فى الفتحة برضة نفس الكلام محدش يعرف الحل ؟

ممكن تغير السوكت نفسه اللى بتدخل فيه الولاعة لانه كمان شكله لا هايشغل شاحن و لا اى حاجة

[Most_H]

شكرا يا جماعة، طلع فيوز فعلا

المشكلة غيرته بواحد تانى، بس شكلة تعبان لانه حصلت قفله تانى ومفصلش، وكانت الدنيا هتبوظ لولا ستر ربنا وانى شميت ريحة شياط

مفيش نوع فيوزات نضيف؟؟؟

[yyy]

شكرا يا جماعة، طلع فيوز فعلا

انت كدة عندك غلط فى التوصيل(عملت قفلة يعنى) فلازم تراجع التوصيلات تانى قبل ما تغير الفيوز

المشكلة غيرته بواحد تانى، بس شكلة تعبان لانه حصلت قفله تانى ومفصلش، وكانت الدنيا هتبوظ لولا ستر ربنا وانى شميت ريحة شياط

مفيش نوع فيوزات نضيف؟؟؟

ما هو ما فصلش علشان اكبر..لما تغير الفيوز لازم تجيب نفس الرقم والشياط دة من الغلط اللى فى التوصيلات

[Most_H]

انت كدة عندك غلط فى التوصيل(عملت قفلة يعنى) فلازم تراجع التوصيلات تانى قبل ما تغير الفيوز

ما هو ما فصلش علشان اكبر..لما تغير الفيوز لازم تجيب نفس الرقم والشياط دة من الغلط اللى فى التوصيلات

غيريه بنفس المقاس (15)، وعرفت الغلطه فين، واكتشفت ان اساسا ولاعة الفبريكاة كانت شغاله، بس فيوزها هو اللى كان ضارب