سخونة اسرع بعد تغيير رادياتير تمبرا

[Bonanza]

يا جماعة انا عاوزكوا تفكروا معايا كده في المشكلة دي

دلوقتي انا غيرت الردياتير لكن العربية بقت بتسخن اسرع من الاول و مش عارف ايه السبب
صحيح ان السخونة لا تتعدي الـ 90 و المروحة بتبرد العربية اسرع يادوب بتفصل بعد 15 ثانية بالظبط و تكون الحرارة نزلت عن 90
لكن اللي عاوز اقولة ان العربية بتوصل من الصفر لـ 90 اسرع من الاول .. ده اللي عاوزلة اجابة

انا اعتقد ان :-
بما اني غيرت بوجيهات اقوي اللي هي ngk بلاتينيوم و بما ان ايضا الشكمان عندي اي كلام و فيه علبة 128
اذن الحرق كده افضل من الاول و علية يبقي كمية العادم اكثر من الاول و علية يبقي الشكمان مش ملاحق يخرج العادم بسرعة تتناسب مع سرعة الحرق و النتيجة تكون سخونة العربية بسرعة

انا طبعا بقول اللي جه في بالي و ده ممكن يكون خطأ تماما و لا اساس له من الصحة و يعتبر فتيه كبيرة مني

بس ياريت تفكروا معايا ايه اللي ممكن يكون السبب في سرعة سخونة العربية بعد التجديدات
مستني رأيكم

[Ahmed Galal]

من رايي تغير الشكمان للشكمان بتاعها و بعدين تقدر تحكم وده الصح

[SAMEH_FOUAD]

طالما السيارة مابتعديش 90 وشغالة كويس يبقى مافيش اى مشكلة وكويس انها بتسخن على طول مش بتاخد وقت انت تقلق لو لقيتها بتاخد اكتر من 10 دقايق

[Bonanza]

طيب انا لما بجري بالعربية و بكون جايب رابع او خامس و ماشي علي 80 او 90 او 100 مثلا درجة الحرارة بتفضل تحت الـ 90 بشرطة واحدة و ساعات بلاقي الحرارة جابت الـ 90 بردو و المروحة تشتغل و حتي بعد ما تطفي تاني تفضل الحرارة تحت الـ 90 بشرطة واحدة علي السرعة العالية دي .. هل ده طبيعي ؟؟

[maro2007]

طيب بالنسبه للردياتير الى جبته نظفته الاول ولا ركبت على طول من غير تنظيف ؟؟

[Bonanza]

طيب بالنسبه للردياتير الى جبته نظفته الاول ولا ركبت على طول من غير تنظيف ؟؟

لا مانظفتش حاجة انا اديتة للراجل و هو ركبة ، بس ده جديد بكرتونتة .. معقول يبقي محتاج تنظيف ؟

[hobaz]

الميكانيكي كان فاككلك الثرموستات ولا ايه النظام...؟

[maro2007]

الميكانيكي كان فاككلك الثرموستات ولا ايه النظام...؟

الله ينور عليك

طالما ان حضرتك متأكد ان الردياتير نظيف وتمام يبقى الى ناقص الثرموستات شيك عليها وشوف احتمال كبير قوى يطلع العيب ده منها
وعلى فكره انا عربيتى شايل منها الثرموستات وزى الفل معايا

[hobaz]

عالعموم شيك عليه ولو بايظ هاتلك واحد غيره علشان الميكانيكي هايقولك مالوش لازمة (مهم جدا) والله اعلم....

[Bonanza]

الميكانيكي كان فاككلك الثرموستات ولا ايه النظام...؟

الله ينور عليك

طالما ان حضرتك متأكد ان الردياتير نظيف وتمام يبقى الى ناقص الثرموستات شيك عليها وشوف احتمال كبير قوى يطلع العيب ده منها
وعلى فكره انا عربيتى شايل منها الثرموستات وزى الفل معايا

لا الميكانيكي مفكش الثرمستات ، علي الاقل من ساعة ما اشتريت العربية معملتش حاجة في الثرموستات يمكن كانت مفكوكة من ايام صاحب العربية القديم .. الله اعلم انا معرفش

طيب بس هي الثرموستات دي هاتكون سبب في سخونة اسرع بعد الرادياتير الجديد ،، ده حتي القديم كان معمول عمولة و نحاس و طالع عينة و العربية مكانتش بتسخن بسرعة كده ؟؟؟؟؟؟

هي الثرموستات وظيفتها ايه بالتحديد طيب ؟؟

[maro2007]

بص ياباشا الثرموستات دى ببساطه بتمنع وتدخل المياه من الردياتير الى الموتور
اهى بقى حكايه منع دخول المياه الى وش السلندر والفتح الى بتقوم بيها الثرموستات انا بخاف منها الصراحه لان فى لحظه ممكن الاكس بتاع الثرموستات يقفش ويبهدل الدنيا

وبرجح ان الثرموستات دى معموله خصيصا للبلاد الى درجه الحراره فيها قليله قوى علشان تمنع دخول مياه التبريد الى المكنه فتسخن بسرعه

وزى ما قولتلك عن تجربه انا شايلها من عربيتى ودرجه الحراره معايا الحمد لله زى الفل ثابته على مستوى معين تحت النص بشرطه والمراوح بتشتغل فى الاماكن الزحمه قوى بس

[m_mekkawy]

من رايي تغير الشكمان للشكمان بتاعها و بعدين تقدر تحكم وده الصح

يا ابنى ياحبيبى سبلى حاجه اقولها بقى

[hobaz]

بص ياباشا الثرموستات دى ببساطه بتمنع وتدخل المياه من الردياتير الى الموتور
اهى بقى حكايه منع دخول المياه الى وش السلندر والفتح الى بتقوم بيها الثرموستات انا بخاف منها الصراحه لان فى لحظه ممكن الاكس بتاع الثرموستات يقفش ويبهدل الدنيا

وبرجح ان الثرموستات دى معموله خصيصا للبلاد الى درجه الحراره فيها قليله قوى علشان تمنع دخول مياه التبريد الى المكنه فتسخن بسرعه

وزى ما قولتلك عن تجربه انا شايلها من عربيتى ودرجه الحراره معايا الحمد لله زى الفل ثابته على مستوى معين تحت النص بشرطه والمراوح بتشتغل فى الاماكن الزحمه قوى بس

تمام كده ياباشا الله ينور عليك بس من غير ثرموستات وانت على طريق سفر هتلاقي العربية على طول باردة لاكن جوه البلد مش هيبان معاك اوي والله اعلم....

[ashroof abdo]

هل ممكن أغير ردياتير التمبرا الأصلى بآخر نحاس عمولة ؟ وهل ممكن ألحم قربة مياة الردياتير الأصلى ؟ ولا أغير القربة أحسن وفين؟

[Abo_Mazen]

أنا مش عارف حضرتك محير نفسك ليه ..حضرتك قولت سبب المشكلة في وسط كلامك ...الشكمان ..الشكمان معروف بالنسبه لأي حد معاه أي نوع من أنواع العربيات إن أي مشكلة فيه يسخن العربية ..أن كان معايا عربية 128 وكان في شرخ في جوان الشكمان من عند الفرن ..وكان بيسخن معايا ..ضبط الشكمان ياباشا ...مش عيب إن إحنا نقول الشكمان بيسخن العربية ..