اسشارة بخصوص شراء سيارة جديدة

[hemalotfy]

السلام عليكم

زوج اختى حب يغير عربيته وحاطط ميزانية 75 الف ممكن تزيد شويه صغيره وممكن تقل بس هوه محتار يشتري عربيه ايه
هو مقتنع بالشيفورليه لانوس مبدأياً

ايه رأيكم ايه اللي العربية المناسبة للثمن ده (كاش)

ولكم فائق التحية

[thedeveloper87]

الشيفورليه لانوس مع ابن عمي.. أنا ركبتها معاه كذا مرة وسافرنا بيها
ماشاء الله عربية تحفة (طبعا بالنسبة للفلوس دي) وناعمة وهادية.

بس لو هو فكر في المستعمل ممكن يلاقي حاجات أحسن بالمبلغ ده.

وربنا يوفقه للخير!

[m_mekkawy]

خليه يجيب نيو اكسنت انت هتشترى عربيه بتتصنع من 15 سنه فاتت زيرو؟؟؟؟؟
انت فكرتنى بالناس اللى كانت بتشترى 128 والشاهين زيرو
بتدفع فلوس فى عربيه زيرو موديل قديم و السياسه دى مش موجوده الا فى مصر
على فكرة احنا شرقاويه زى بعض (انا كوابرى وافتخر)

[sab3aawy]

فيه عدة اختيارات صالحة لهذا المبلغ وفيه بعض الاختيارات ممكن تعلى الميزانية حبة صغيرين، لا توجد سيارة اسمها الأفضل فى فئة سعرية معينة ولكن توجد سيارة اسمها الأنسب لاحتياجات فلان من الناس فى فئة سعرية ما ، وإلا لبيعت سيارة واحدة فى كل فئة سعرية وافلست باقى السيارات، لكن الاختيار السليم لازم يكون مبنى على احتياجات قريبك من السيارة، فبعض الناس قد تكون اللانوس هى الأنسب له وبعض الناس قد تكون الفيرنا أو الأفيو أو الريو أو النيو اكسنت هى الأنسب له وبعض الناس قد تكون اللوجان أو البونتو هى الاختيار المناسب له ، وبعض الناس قد يكون من الأفضل له ان يرفع الميزانية قليلا ويشترى الصنى او الماتريكس
لذلك نحتاج ان نعرف منك ما أولويات قريبك، هل هى رخص قطع الغيار ام قوة المحرك ام العمر الافتراضى لمكونات السيارة ام الارتفاع عن الأرض ام قوة الصاج ام برستيج السيارة ام سعر اعادة البيع ام سهولة قيادة السيارة، ام اتساع الصالون والشنطة، ام امكانيه اصلاح السيارة خارج التوكيل ...الخ مع ملاحظة ان هذا كله لا يجتمع فى سيارة واحدة، يعنى الإجابة بتاعة(عايز كل ده وبسعر معقول) إجابة خاطئة،

خلى قريبك يرتب اولوياته وأخبرنا بها لكى تساعدنا فى تحديد السيارة المناسبة

[hemalotfy]

الشيفورليه لانوس مع ابن عمي.. أنا ركبتها معاه كذا مرة وسافرنا بيها
ماشاء الله عربية تحفة (طبعا بالنسبة للفلوس دي) وناعمة وهادية.

بس لو هو فكر في المستعمل ممكن يلاقي حاجات أحسن بالمبلغ ده.

وربنا يوفقه للخير!

شكرا لمرورك اخي الفاضل
بس ايه المتاح بالسعر ده في المستعمل ؟
على فكره هو مش عايز مستعمل بيخاف منه بس لو في حاجة لقطة ممكن يفكر.

خليه يجيب نيو اكسنت انت هتشترى عربيه بتتصنع من 15 سنه فاتت زيرو؟؟؟؟؟
انت فكرتنى بالناس اللى كانت بتشترى 128 والشاهين زيرو
بتدفع فلوس فى عربيه زيرو موديل قديم و السياسه دى مش موجوده الا فى مصر
على فكرة احنا شرقاويه زى بعض (انا كوابرى وافتخر)

فكره برضو النيو اكسنت
بس يعني عربية بتتصنع من 15 سنة فاتت زيرو ؟
يشرفني ان حضرتك شرقاوي زي

فيه عدة اختيارات صالحة لهذا المبلغ وفيه بعض الاختيارات ممكن تعلى الميزانية حبة صغيرين، لا توجد سيارة اسمها الأفضل فى فئة سعرية معينة ولكن توجد سيارة اسمها الأنسب لاحتياجات فلان من الناس فى فئة سعرية ما ، وإلا لبيعت سيارة واحدة فى كل فئة سعرية وافلست باقى السيارات، لكن الاختيار السليم لازم يكون مبنى على احتياجات قريبك من السيارة، فبعض الناس قد تكون اللانوس هى الأنسب له وبعض الناس قد تكون الفيرنا أو الأفيو أو الريو أو النيو اكسنت هى الأنسب له وبعض الناس قد تكون اللوجان أو البونتو هى الاختيار المناسب له ، وبعض الناس قد يكون من الأفضل له ان يرفع الميزانية قليلا ويشترى الصنى او الماتريكس
لذلك نحتاج ان نعرف منك ما أولويات قريبك، هل هى رخص قطع الغيار ام قوة المحرك ام العمر الافتراضى لمكونات السيارة ام الارتفاع عن الأرض ام قوة الصاج ام برستيج السيارة ام سعر اعادة البيع ام سهولة قيادة السيارة، ام اتساع الصالون والشنطة، ام امكانيه اصلاح السيارة خارج التوكيل ...الخ مع ملاحظة ان هذا كله لا يجتمع فى سيارة واحدة، يعنى الإجابة بتاعة(عايز كل ده وبسعر معقول) إجابة خاطئة،

خلى قريبك يرتب اولوياته وأخبرنا بها لكى تساعدنا فى تحديد السيارة المناسبة

شرفني مرورك اخي سبعاوي

هقولك موصفات قيادته ايه:
هو استاذ دكتور في الجامعة والجامعة بينه وبين البيت مفيش 10 دقايق ومبيمشيش بالعربية كتير ولما يكون عنده مؤتمر في القاهرة ولا حاجة مبحبش يسافر بالعربية بيروح مواصلات وسوائقته هاديه خااالص ومبيعديش 80 لما بكون راكب معاه بكون حاسس اني عايز انزل اجري
وماشاء الله العربية اللي معاه حالتها كويسه .

انا بفكر من جهة نظري ارتفاع السيارة(علشان مطبات بلدنا الحبيبة) وقوة الصاج والبرستيج

ســـــــؤال : انا اقترحت عليه الكيا سيراتو اقل فئة حسيت انه اقتنع بيها بس بيقول هي متجمعة في مصر ولا جايه كده من كوريا ؟

[samirayad]

هو مقتنع بالشيفورليه لانوس مبدأياً

الحقيقه أنا مؤيده فى أقتناعه

وبشكل عام
لو بالمبلغ ده ممكن يجيب مرسيدس أستعمال

فعن نفسى ومن خلال تجاربى مع المستعمل والزيرو

فأنا أرى أن 128 زيرو .....أفضل كثيرا من مرسيدس أستعمال

[hemalotfy]

الحقيقه أنا مؤيده فى أقتناعه

وبشكل عام
لو بالمبلغ ده ممكن يجيب مرسيدس أستعمال

فعن نفسى ومن خلال تجاربى مع المستعمل والزيرو

فأنا أرى أن 128 زيرو .....أفضل كثيرا من مرسيدس أستعمال

اسعدني مرورك كثيرا مهندسنا الكبير ورأيك مهم جدا بالنسبة لي وسأنقله غدا له

[ainshouka]

ممكن بالسعر دا تجيبله سكودا اوكتافيا a4 وحتكون بريستيجها مناسب لدكتور جامعة وصاجها أجمد من الكوري بشكل عام وعالية عن الأرض نسبيا وهي مش بتاعة شد وتنطيط وهو كده برضه

[m_mekkawy]

فكره برضو النيو اكسنت
بس يعني عربية بتتصنع من 15 سنة فاتت زيرو ؟
يشرفني ان حضرتك شرقاوي زي

يعنى العربيه دى من 1995 بتنزل دون تغيير الا فى شكل الفانوس الخلفى
واحنا اللى لينا الشرف ياباشا

ممكن بالسعر دا تجيبله سكودا اوكتافيا a4 وحتكون بريستيجها مناسب لدكتور جامعة وصاجها أجمد من الكوري بشكل عام وعالية عن الأرض نسبيا وهي مش بتاعة شد وتنطيط وهو كده برضه

السكودا اكتفيا جوز اختى شاريها السنه من 6 شهور 2007 بـ120 الف تقريبا

[hemalotfy]

ممكن بالسعر دا تجيبله سكودا اوكتافيا a4 وحتكون بريستيجها مناسب لدكتور جامعة وصاجها أجمد من الكوري بشكل عام وعالية عن الأرض نسبيا وهي مش بتاعة شد وتنطيط وهو كده برضه

ياراجل سكودا غاليه ولو في حاجة بالسعر ده اكيد هتحتاج شغل

بفكر اشتريلي واحده فانتازيا هاي لاين

الف شكر لمرورك

[ainshouka]

بس الاوكتافيا 2004 سقفها حتى 80 الف يعنى حيلاقى حاجة مثلا ب 75الف

[eng_ahmedryad]

لو في السعر المحدد يبقى نيو أكسنت أوتوماتيك سعرها دلوقتي 82 ألف لأن قطع غيارها منتشرة ورخيصة وده أفضل خيار في رأي

لو هايزود شوية يبقى نيسان صني مع تحفظي لشكلها القديم نسبيا
أو بديلها الجديد الرينو سكالا وهي أفضل من ناحية الصالون الداخلي

لو أقل من 70 ألف
بروتون ساجا أوتوماتيك
رينو لوجان مانيوال