لو ماعملتش زرجينة ، غلط؟

[thedeveloper87]

السلام عليكم ورحمة الله وبركاته

عملت شغل في علبة الدركسيون ورحت علشان أظبط زوايا بالكمبيوتر ، الراجل اللي هناك قاللي العربية محتاجة زرجينة قلت له خليها بعدين قال لي بس كده هتاكل الكاوتش! الكلام ده صح ولا غلط؟

غير كده لما جيت أظبط زوايا قلت له يظبط قدام بس قال لي ماينفعش!! لازم يظبط الأربع عجلات مع بعض ولا هو بيشتغلني؟

[hobaz]

نفسي اعرف يعني ايه زرجينة....؟

ومتابع معاك ياباشا....

[midomizo]

الزرجينة خاجة زى الزرادية او البنسة بالبلدى بس عشان تضغط السستة على بعضها عشان متفتحش وقت تركيب المساعد وتربيط سست العفشة بس اية علاقتها بالموضوع حد متابع معانا

[hobaz]

الزرجينة خاجة زى الزرادية او البنسة بالبلدى بس عشان تضغط السستة على بعضها عشان متفتحش وقت تركيب المساعد وتربيط سست العفشة بس اية علاقتها بالموضوع حد متابع معانا

ده أخر معلوماتي عنها لاكن معرفش اي علاقتها بالزوايا......
عالعموم نستنى رد الخبرا اكيد هيفيدونا اكتر...

[zezmograby]

اة طبعا الزرجينة دية اللي بيعملها السمكري عشان لو في عجلة ماخرة او مقدمة عن العجلة التانية
يظبط الاتنين مع بعض
ودية طبعا حاجة مهما جدا تخيل العجل مش قدام بعضة واحدة قدام وواحدة ورا
والراجل بتاع الزوايا بيكلم صح الاربع عجلات بيظبطوا مع بعض ولو قالك اظبطهالك علي كدا وانت مشدتش زرجينة يبقي بيشتغلك وهينزل يشرب الشاي ويطلع تاني يقولك تمام ياباشا

[mrsailor]

السلام عليكم ورحمة الله وبركاته

عملت شغل في علبة الدركسيون ورحت علشان أظبط زوايا بالكمبيوتر ، الراجل اللي هناك قاللي العربية محتاجة زرجينة قلت له خليها بعدين قال لي بس كده هتاكل الكاوتش! الكلام ده صح ولا غلط؟

غير كده لما جيت أظبط زوايا قلت له يظبط قدام بس قال لي ماينفعش!! لازم يظبط الأربع عجلات مع بعض ولا هو بيشتغلني؟

فى طريقة تانية انه يغير مسمار المساعد السفلى بمسمار 13 و يعدل العجل بيه لانه بيبقى كأنه عمل رجلاش للعجلة

[Khaled_Nowaihy]

الزرجينة أفضل حل لضبط الزوايا بدل الحشو اللى بيحطوه عشان تتظبط ... المهم ان اللى يعمل الزرجينة يكون فاهم كويس وعارف مقاسات العربية عشان ما يزودش الطين بله

[Ahmed Galal]

انا كل ما اروح لحد بتاع زوايا بعربية يقوللى موضوع الزرجينة ده و يكتب لى ديه عايزة سم و ديه 2 سم و هكذا و العربيات اللى جربت معاها الموضوع ده:
كورولا 97 - لانسر 2003-سبكترا 2003-بيكانتو 2009-جين 2 2006
لما انا بقيت هاتجنن و اقوله فيها مشكلة يقوللى لا يا باشا ما تقلقش و سببها المطبات و القرف اللى فى الشوارع
و عمرى ما سمعت كلامهم و عملت زرجينة لاى عربية لان عمر ما اللى هايعملها هاضمن انه يعدل العربية بالعكس ممكن ينيلها اكتر ده لو اصل كان فيها اى حاجة من الاول

[SAMEH_FOUAD]

اولا ياجماعة عشان تبقوا عارفين الزرجينة مالهاش دعوة نهائى بعجلة مأخرة او مقدمة
الزرجينة دية بتتعمل لما يكون زوايا الcamper مفتوحة ,او فية عجلة امامية خارجة لبرة بميل او داخلة لجوة بميل ودة بيبقى نتيجة انك خدت مطب جامد فبيحصل تريح لشاسية السيارة فعشان ترجع العجلة لحالتها الطبيعية بتلجأ لحاجة اسمها زرجينة و بتبقى زى جهاز بسوستة قوية جدا بيركبة لمدة نصف ساعة تقريبا لحد ماتظبط عندة قرايات الجهاز ,والزرجينة الواحدة بيبقى تمنها 40 جنية للعجلة
وعلى فكرة لو عندك الكاوتش متاكل من الحرف او بتحدف شمال او يمين مع الفرامل يبقى كدة فية شاسية مفتوح ولازم فعلا يتعملة زرجينة

[acceleration]

اولا ياجماعة عشان تبقوا عارفين الزرجينة مالهاش دعوة نهائى بعجلة مأخرة او مقدمة
الزرجينة دية بتتعمل لما يكون زوايا الcamper مفتوحة ,او فية عجلة امامية خارجة لبرة بميل او داخلة لجوة بميل ودة بيبقى نتيجة انك خدت مطب جامد فبيحصل تريح لشاسية السيارة فعشان ترجع العجلة لحالتها الطبيعية بتلجأ لحاجة اسمها زرجينة و بتبقى زى جهاز بسوستة قوية جدا بيركبة لمدة نصف ساعة تقريبا لحد ماتظبط عندة قرايات الجهاز ,والزرجينة الواحدة بيبقى تمنها 40 جنية للعجلة
وعلى فكرة لو عندك الكاوتش متاكل من الحرف او بتحدف شمال او يمين مع الفرامل يبقى كدة فية شاسية مفتوح ولازم فعلا يتعملة زرجينة

اعتقد هوا ده فعلا الوصف الصح لأنى عربية والدى كان فيها زرجينة بردو و الصنايعى وهوا بيملها كل اللى شوفته ان طرد العجلة لبرة شوية بزاوية

[thedeveloper87]

اولا ياجماعة عشان تبقوا عارفين الزرجينة مالهاش دعوة نهائى بعجلة مأخرة او مقدمة
الزرجينة دية بتتعمل لما يكون زوايا الcamper مفتوحة ,او فية عجلة امامية خارجة لبرة بميل او داخلة لجوة بميل ودة بيبقى نتيجة انك خدت مطب جامد فبيحصل تريح لشاسية السيارة فعشان ترجع العجلة لحالتها الطبيعية بتلجأ لحاجة اسمها زرجينة و بتبقى زى جهاز بسوستة قوية جدا بيركبة لمدة نصف ساعة تقريبا لحد ماتظبط عندة قرايات الجهاز ,والزرجينة الواحدة بيبقى تمنها 40 جنية للعجلة
وعلى فكرة لو عندك الكاوتش متاكل من الحرف او بتحدف شمال او يمين مع الفرامل يبقى كدة فية شاسية مفتوح ولازم فعلا يتعملة زرجينة

طب لو مابتحدفش؟؟؟
أنا خايف ليكون بيشتغلني....أنا مش عايز أنيل العربية أكتر ماهي متنيلة
لأن كمان أنا قلتله انت هتشد ايه بالظبط؟؟ قال لي هنشد العفشة بحيث كل حاجة تكون في مكانها الصحيح..

[megaman]

محدش يعمل زرجينه دى اشتغاله كبيره عند بتوع الزوايا لو حتى لسه العربيه زيرو يقولك يا بيه العربيه خدت مطب جامد ولازم تتزرجن انا بضبط زوايا عند بنزينة مصر للبترول اللى فى جامعة الدول اسال على سيد او فى واحد تانى قبل مصر والسودان فى الحى السابع بس مش فاكر اسمه برضه كويس قوى

[hemalotfy]

انا كانت العجلة الشمال اللي قدام عندي راجعة شويه لورى بتظهر بالنظر كده تحس انها هتحك في الرفر وكل ما اروح اضبط زوايا بتاع الزوايا يقولي العجله دي عايزة تتزرجن روحت لواحد تاني قالي نفس الحكاية المهم دلني على سمكري بيعمل الحاجات دي

وفعلا روحت للسمكري ده وقاس بين العجله الخلفية والامامية ناحية اليمين ورجع قاس برضو ناحية الشمال(اللي فيها المشكلة) وفعلا لاقى انها ناقصة بس مش فاكر كام هو كان بيقيس من صرة العجلة الى صرة العجلة التانية بالمتر

المهم راح رابط جنزير في المقص الشمال وسخنه بعد ماحجرنا العربية طبعا وقعد يشد الجنزير ده بمكنه كده مش عارف اسمها
المهم حسيت ان العجله رجعت في مكانها وقاس تاني وكله بقى مزبوط
رحت بقى لبتاع الزوايا وزبطت الزوايا والحمد لله

[kasten]

انا كانت العجلة الشمال اللي قدام عندي راجعة شويه لورى بتظهر بالنظر كده تحس انها هتحك في الرفر وكل ما اروح اضبط زوايا بتاع الزوايا يقولي العجله دي عايزة تتزرجن روحت لواحد تاني قالي نفس الحكاية المهم دلني على سمكري بيعمل الحاجات دي

وفعلا روحت للسمكري ده وقاس بين العجله الخلفية والامامية ناحية اليمين ورجع قاس برضو ناحية الشمال(اللي فيها المشكلة) وفعلا لاقى انها ناقصة بس مش فاكر كام هو كان بيقيس من صرة العجلة الى صرة العجلة التانية بالمتر

المهم راح رابط جنزير في المقص الشمال وسخنه بعد ماحجرنا العربية طبعا وقعد يشد الجنزير ده بمكنه كده مش عارف اسمها
المهم حسيت ان العجله رجعت في مكانها وقاس تاني وكله بقى مزبوط
رحت بقى لبتاع الزوايا وزبطت الزوايا والحمد لله

ده فين الراجل ده والموضوع ده كلفك كام تقريبا

[hemalotfy]

ده فين الراجل ده والموضوع ده كلفك كام تقريبا

الراجل ده عندنا في الشرقية
التكلفة كانت 50 جنية