العربيه كانت هتولع !

[Ralliart]

السلام عليكم ورحمة الله
انا كنت ماشي في امان الله ومشغل التكيف وفجأه لقيت صوت غريب زي كركره طالع من الموتور وفضلت ماشي شويه ييجي 2 كيلو اسمع الصوت جي منين ولقيت التكيف قلب بسخن والتبريد راح وبعدين لمحت مؤشر الحراره اتصدمت لقيته على H على آخره
وطبعاً وقفت ومن حظي الجميل اني وقفت فوق الكوبري الجديد بتاع محور صفت اللبن
ولقيت دخان بالهبل طالع من الكبوت رحت واخد الطفايه وقماشه وبليتها ميه وفتحت الكبوت والحمد لله ملقيتش حاجه والعه وشفت قربة الميه لقيتها على full عادي وبعدين استنيت لما بردت وفتحت غطا الراديتير ملقيتش ولا نقطة ميه
وفضلت واقف شويه ماسك ازازة ميه اشاور للعربيات ووقفلي تاكسي ابن حلال جابلي جركن كبير وقالي دور العربيه وقعد يملى الراديتير والعربيه اخدت الجركن كله وبعدين مشيت والمؤشر على المنتصف لحد ما روحت ونزلت الجراج وسمعت صوت زي ما يكون سبراي بيرش والبخار طلع تاني رحت نازل فاتح الكبوت لقيت البخار بيطلع من ناحية الغطاء او جنبه ولقيت المياه كلها نزلت تحت العربيه في ثواني رحت راكنها وطالع ومش عارف اعمل ايه
انا عمري ما اتأكدت من مية الراديتير لانهم بيملوها في التوكيل وانا كنت في التوكيل الاسبوع اللي فات وكمان القربه مليانه ليه موصلتش للراديتير ،هل بسبب ان مفيش ضغط يسحب الميه ؟؟ ولا ايه ؟؟
وهل في حاجه تانيه اتأثرت بالموضوع ده ؟؟ واخيراً اروح لمين في الجيزه (انا ساكن جنب جامعة القاهره)
لان التوكيل بعيد واكيد العربيه هتسخن في الطريق لو رحتله

[د.محمود صلاح]

واضح ان فيه تسريب للمياه من منطقة ما ومحتاجه تتفحص كويس والحمد لله الموتور لم يقفش

[M.Zaher]

بص الاول على الخراطيم
اكيد هاتلاقي خرطوم مقطوع

[mrghost]

اتأكد ان مروحة الردياتير شغاله ولا لا لانها لو مش شغاله هتخلى المياه تغلى وتتبخر

[maro2007]

غطاء الردياتير بتاع حضرتك بايظ .. غيره
ده اقرب احتمال وان شاء الله يكون هوه السبب

[Ahmed Galal]

ممكن تتاكد بنفسك من موضوع التسريب ده انك تبص على الردياتير هاتلافى خرطومين كبار داخلين عليه واحد فوق و التانى تحت املى ميه و دور و شوفهم بيسربوا و لا لا و كمان بص على الردياتير من تحت و لاحظ التسريب و ان شاء الله خير

[SAMEH_FOUAD]

عشسان تريح دماغك وبردة تجميع لاراء الاخوة الاعضاء الافاضل :
1:اتاكد من درجة احكام غطاء الردياتير وكفاءتة
2:اتاكد من سلامة خراطيم المياة
3:اتاكد من عدم وجود ثقب فى الردياتير
4:اتاكد من مدى كفاءة عمل مروحة التبريد

[Ralliart]

شكراً لكل اللي ردو
انا نزلت سألت على حد بتاع راديتير وصفولي واحد اول ما ركنت قدامه راح قايلي ايه العمه اتكسرت ؟؟
وطلعت المشكله دي موجوده كتير وهي ان العمه البلاستيك اللي على الراديتير من فوق اللي بيركب فيها الغطا وبيطلع منها الخراطيم ،بتتكسر في معظم العربيات الحديثه وفعلاً اول ما فكها لقيت فيها قطع طوله حواي 7 سم من عند الشفه بتاعتها ومكانش باين مكان التسريب علشان الشفه متعشقه في الالمونيوم بتاع الراديتير ،والحمد لله كانت عنده وغيرتها بـ110 جنيه وقالي ان معظم العربيات الجديده الراديتير بتاعها مبيحصلش فيه غير العطل ده وان ده عمره الافتراضي
والحمد لله عملتها وعملتلها تنظيف في موبيل 1 ومليتها ميه خضره والحراره اتظبطت والتكيف اتظبط وصوت الموتور مظبوط
وربنا ما يوريكم يوم زي اليوم اللي شفته

[hany_mohamed]

شكراً لكل اللي ردو
انا نزلت سألت على حد بتاع راديتير وصفولي واحد اول ما ركنت قدامه راح قايلي ايه العمه اتكسرت ؟؟
وطلعت المشكله دي موجوده كتير وهي ان العمه البلاستيك اللي على الراديتير من فوق اللي بيركب فيها الغطا وبيطلع منها الخراطيم ،بتتكسر في معظم العربيات الحديثه وفعلاً اول ما فكها لقيت فيها قطع طوله حواي 7 سم من عند الشفه بتاعتها ومكانش باين مكان التسريب علشان الشفه متعشقه في الالمونيوم بتاع الراديتير ،والحمد لله كانت عنده وغيرتها بـ110 جنيه وقالي ان معظم العربيات الجديده الراديتير بتاعها مبيحصلش فيه غير العطل ده وان ده عمره الافتراضي
والحمد لله عملتها وعملتلها تنظيف في موبيل 1 ومليتها ميه خضره والحراره اتظبطت والتكيف اتظبط وصوت الموتور مظبوط
وربنا ما يوريكم يوم زي اليوم اللي شفته

الحمد لله انك بخير .. بس ابقى حاول تاخد بالك من مؤشرات السيارة و انت سايق
وان شاء الله متشفش اليوم ده تانى

[Ahmed Galal]

الحمد لله انك بخير و مشكور على نقلك التجربة الكاملة للجميع للاستفادة

[maro2007]

تصدق مجاش فى بالى خالص حكايه الشرخ ده
والحمد لله ان العربيه بقت تمام وكل حاجه رجعت زى الاول

بس اهم حاجه اليومين الحر دول كل شويه خد بالك من عداد الحراره

وشكرا ان انتا عرفتنا معلومه جديده ..

[mahamedaraby]

الحمد لله انها جت سليمه وباقلل الخساير

ولازم لازم فى العربيات يبقى فيه لمبه للحراره تبين اذا كانت الحراره ازيد من اللازم علشان مفيش حد بياخد باله من مؤشر الحراره

[hobaz]

الحمد لله على سلامتك وان العربية بخير وشكرا لنقل التجربة وربنا يحفظك ويسلم طريقك...

[Ralliart]

شكراً لكل اللي ردو
وانا فعلاً مستغرب ازاي ميعملوش انذار صوتي للعربيه لما الحراره تزيد ؟؟ فالحين بس يعملو انذار للسرعه!!

[khaled_sabry]

شكراً لكل اللي ردو
انا نزلت سألت على حد بتاع راديتير وصفولي واحد اول ما ركنت قدامه راح قايلي ايه العمه اتكسرت ؟؟
وطلعت المشكله دي موجوده كتير وهي ان العمه البلاستيك اللي على الراديتير من فوق اللي بيركب فيها الغطا وبيطلع منها الخراطيم ،بتتكسر في معظم العربيات الحديثه وفعلاً اول ما فكها لقيت فيها قطع طوله حواي 7 سم من عند الشفه بتاعتها ومكانش باين مكان التسريب علشان الشفه متعشقه في الالمونيوم بتاع الراديتير ،والحمد لله كانت عنده وغيرتها بـ110 جنيه

تقصد بالعمه اللى بيركب فيها الغطا ؟؟؟ انا اعرف ان اسمها الزور بتاع الريداتير
بس دى عندى نحاس ... و يتهيألى انها ماينفعشى تتعمل اى حاجه غير معدن لأنها بتستحمل الضغط و كمان حركة اليد علشان كل شويه بتفتح و تقفل الغطا
و اصلا الريداتير كله ماينفعشى تبقى فى اى مكون غير معدنى علشان يستحمل الضغط و يعمل تبادل حرارى افضل ... انا بقول كده علشان موجود فى عربيتي القديمه ( من ايام الفراعنه ) و المفترض ان فيه تقدم و الدنيا بتبقى افضل مش يتقلب النحاس لبلاستيك ؟؟؟
ياريت بجد لو حد عارف السبب يقولى ؟؟؟
وبعد كده ازاى الراجل يبيعهالك ب 110 جنيه ؟؟؟ غاليه جدا عليها من وجهه نظرى