زهقت من ثرموستات المروحة هل في حل ؟

[hemalotfy]

السلام عليكم

انتم عارفين ان احنا داخلين على الصيف والحر ولا حظت ان الثرمستات بتعت المروحة يا اما تشتغل متأخر خالص يا اما ما تشتغلش خالص والحرارة توصل قبل النصف وانزل افتح الكبوت واوصل سلكين المروحة ببعض ( وياسلام بقى لو نسيت ممكن الحراره تنط لفوق وربنا يسترها) يا اما المروحة تفضل دايرة بعد ما ابطل العربية وممكن تخلص الشحن زي ما حصل قبل كده وحصل انهارده بس لحقتها وفصلتها

الثروموستات دي مغيرها من شهرين بالضبط وكان كويسه تشتغل وتفصل ودلوقتي باظت وكنت مغيرها قبلها برضو بحوالي 5 شهور

شكلها نوع مضروب (مكتوب عليها ايطالي كده بتعت فيات تقريبا او 131 ) راكبه في الريداتير من الاسفل وشاريها من محل قطع غيار فيات

في حاجة اضمن او اصلي بدل القرف ده كل شويه اشتري ثرموستات ب 20 جنيه واروح لبتاع الريداتير يغيرها ب 5 جنيه غير العطله ووجع الدماغ والخطورة على العربية

[elewey]

هى عربيتك نوعها ايه يا باشا شوف الاصلى بتاعها و ركبه احسن حتى لو استعمال لو مش موجود

[hemalotfy]

مازدا 323 موديل 81 حاجة كده من ايام الهكسوس بس الحمدلله على كل حال وعلى رأي المثل (" حمارتك العرجه ولا سؤال اللأيم ")

[hassanmm]

شوف يا سيدى خذ الثرموستات القديم وروح محل قطع غيار لادا واطلب منه ثرموستات لادا ولاحظ سن القلاووز إذا كان نفس مقاس السن القديم خذه وركبه فى سيارتك وسوف تحل المشكلة بإذن الله.
وذلك لأن ثرموستات اللادا يقوم بتشغيل المروحة مبكرا ( عند حدوث أقل حرارة ) وربا يوفقك............

[hemalotfy]

شوف يا سيدى خذ الثرموستات القديم وروح محل قطع غيار لادا واطلب منه ثرموستات لادا ولاحظ سن القلاووز إذا كان نفس مقاس السن القديم خذه وركبه فى سيارتك وسوف تحل المشكلة بإذن الله.
وذلك لأن ثرموستات اللادا يقوم بتشغيل المروحة مبكرا ( عند حدوث أقل حرارة ) وربا يوفقك............

جزاك الله خير لردك
وان شاء هجرب

[thedeveloper87]

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

[hemalotfy]

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

جزاك الله خر لردك ياباشا

الثرموستات الاستيراد بتركب في الريداتير ولا في الموتور (عندي حاجة كده ملغية فيها كلبس في وش السلندر الكهربائي بيقولي دي ثرموستات بلدها وبايظة)

هي دي اللي قصدك عليها؟

طيب ولو بتركب في الريداتير هي هي نفس السن بتاع الايطالي

انا دلوقتي بشغل المروحة بمفتاح عامل توصيلة ومدخل سلك جوه ومفتاح ولو انا في حته زحمة ولا ماشي بطيئ بشد المفتاح ده المهم الحرارة متعديش الشرطة التناية اللي هي فوق ال 50 علطول

[thedeveloper87]

أنا قصدي على الثرموستات اللي بتركب في الرادياتير (هي دي بتاعت المروحة)

أما بالنسبة للحرارة انك تخليها متعديش الشرطة التانية اللي فوق ال 50 فده غلط (معنى كده ان المكنة باردة علطول وغلط على المدى الطويل)

لو مالقيتش عندك في الزقازيق ، لو انت نازل القاهرة في مرة ابقى هاتها استيراد من عند واحد اسمه ناصر مازدا (جنب نبيل مازدا علطول)

[khaled_sabry]

جيب ثرموستات استيراد ب 30 جنية. أنا جبتها والحمدلله شغالة زي الفل معايا.

معلومة هامة: في المازدا المروحة بتشتغل قبل ال c بشوية وتطفي على 70 كده.

ليه بتطفى على 70 ؟؟؟؟؟؟؟؟

[thedeveloper87]

ليه بتطفى على 70 ؟؟؟؟؟؟؟؟

أصل درجة الحرارة في المازدا مختلفة شوية. في معظم العربيات تقريبا درجة حرارة المكنة الطبيعية 90
أما في المازدا فهي أقل شوية تقريبا 75-80 أما لو وصلت ل 90 فدي بداية السخونة المقلقة.

[hemalotfy]

استاذ محمود ممكن توضحلي بعض الامور

اول شرطة من تحت دي مكتوب عليها 50

اللي فوقها مباشرة دي بتبقى كام ؟

اللي في النص بالضبظ بتبقى كام ؟

الثرموستات القديمة كانت بتشتغل عند الشرطة التانية بالضبط وتفصل لما تبقى بين الشرطة اللي تحتها وبينها (بين الشرطتين اللي تحت )

طيب والخطورة تكمن فين بقى لما المؤشر يكون فين ؟

بالنسبة للثيرموستات الاستيراد هو نفس السن بتاع الايطالي ولا ممكن اعدل في الريداتير

[thedeveloper87]

بص ياباشا المفروض عندنا شرطتين تحت وعلامة c

الشرطة اللي تحت خالص 50 (زي ما مكتوب طبعا) وبالمنطق الشرطة اللي فوقها هتبقى 60 وجميع خبراء المازدا 323 بيقولوا إن ال c هو 90.

المفروض أمبير الحرارة في النص بين 60 و 90. لو الأمبير وصل ل 90 مش مشكلة لكن لو عدى 90 تبقى مشكلة (ده كلام بتوع المازدا).

أما بقى الثرموستات الاستيراد نفس السن بتاع الايطالي أو لأ فأنا مش عارف.

[hemalotfy]

الف شكر ليك يا باشا وكل يوم بستفيد من حضرتك

oO(جزاك الله خير )Oo