البنزين 80 والانجكشن

[mohab2010]

انا امتلاك سيارة لادا روسي انجكشن مو 2007 من ساعة ما جبتها بستعمل بنزين 80 مع العلم ان كل استخدامي للسيارة هو السفر من القاهرة الي الغردقة حيث اعمل وكل شهرين بحت منظف رشاشات موبيل وحتى الان عملة 22000 كم وهي زي الفل معيا
سؤال هل يوجد تاثير سلبي للبنزين 80 على السارة ام لا
وماهي نصيحتك للحفاظ علي السارة مع البنزين ال80 حيث انة من احدي مميزات الادا لدي

[SAMEH_FOUAD]

يفضل استخدام بنزين 90 مع وجود الرشاشات لان بنزين 80 بيبقى فى شوائب كتير فبيسد الرشاشات على المدى البعيد وحضرتك اللى تقدر تعملة انك تواظب على تغير فلتر البنزين باستمرار يعنى مع كل غيار زيت مثلا وتنظيف التانك كل 5000 كيلو وانك تمون من بنزينة نظيفة عشان نضمن على الاقل ان يكون فلتر الينزينة نفسة نظيف من الشوائب

[mohab2010]

بالفعل بمون من موبيل وبغير الفلتر للبنزين علي فترات قليلة
السؤال هل ال80 يؤثر على المتور و الرشاشات على المدي البعيد ام لا

[otefa]

هو علميا الفرق بين 80 و-90-92-95-98 هو نسبة الاوكتان في البنزين وليس له علاقة بالمرة بنظافة البنزين او احتواءه علي شوائب مش علشان 80 يبقي بنزين درجة عاشرة من حيث النظافة........احتياجات الموتور هي الي بتحدد حسب نسبة الانضغاط المصم بها الموتور كل ماعليت النسبة كل ماكان الاحتياج لنسبة اوكتان اعلي علشان تتم عملية الاحتراق علي افضل مايكون وبدون احداث ضرر للموتور.......الخلاصة خليك ماشي علي توصيات المصنع الي في الكتالوج الي مع العربية..

[د.محمود صلاح]

لو تخلصت من الصفع ( تسقيف الموتور ) بضبط الكهرباء يبقى عادي مافيش مشاكل مع تغيير فلتر البنزين في المواعيد المحددة

أو تخلط ده 92 على 80

[otefa]

لو تخلصت من الصفع ( تسقيف الموتور ) بضبط الكهرباء يبقى عادي مافيش مشاكل مع تغيير فلتر البنزين في المواعيد المحددة

أو تخلط ده 92 على 80

+11111111
ماهو فعلا يادكتور محمود التسقيف هو النتيجة المحسوسة والمسموعة لوضع بنزين اقل من درجة الاوكتان المطلوبة لنسبة الانضغاط المصمم عليها الموتور وبتأذي الموتور جاااامد

[mohab2010]

لا يوجد تسقيف للمتور
نسبة الانضغاط للادا 85 يعني البنزين 80 مناسب بس التوكيل بينصح ب90 للحفاظ علي ماء الوجة
هل يوجد ضرر علي النجكشن من ال80

[otefa]

لا يوجد تسقيف للمتور
نسبة الانضغاط للادا 85 يعني البنزين 80 مناسب بس التوكيل بينصح ب90 للحفاظ علي ماء الوجة
هل يوجد ضرر علي النجكشن من ال80

طبعا لايوجد ضرر بالمرة علي injectores الي هايفرق لو البنزينة مش محافظة علي نظافة الخزانات او بتغش البنزين بميه........طالما عربيتك بتمشي بال 80 من غير مشاكل ماتضيعش فلوسك علي الفاضي.

[SAMEH_FOUAD]

ايوة ياباشا على المدى البعديد بيأثر على الرشاشات وبيخليها تسيل

[bishoy02010]

ايوة ياباشا على المدى البعديد بيأثر على الرشاشات وبيخليها تسيل

الكلام ده مش صحيح

[SAMEH_FOUAD]

الكلام ده مش صحيح

لأ ياباشا مع الاحترام لوجهة نظر حضرتك بس استخدام بنزين 80 فى ماتور مزود بنظام الرشاشات بيضعف من اداء الرشاشات وعلى المدى البعيد بيأثر عليها وحضرتك ممكن تسال على دة فى التوكيل

[bishoy02010]

لأ ياباشا مع الاحترام لوجهة نظر حضرتك بس استخدام بنزين 80 فى ماتور مزود بنظام الرشاشات بيضعف من اداء الرشاشات وعلى المدى البعيد بيأثر عليها وحضرتك ممكن تسال على دة فى التوكيل

ملوش اى علاقة درجة نقاء بنزين 80 زى درجة نقاء بنزين 98 الفرق فى خزان المحطة اللى بتحط منه مش اكتر يعنى لو فولت من مكان محترم زى وطنة مثلا هتلاقى البنزين مفيهوش الهوا ولو فولت من بنزينة التعاون احتمال تلاقى البنزين فيه مش شوائب ممكن تقول فيه بواقى اكل الفكرة كلها فى الخزااااان لأن ال 80 اللى فى مصر كله بيجى من صهريج بنزين واحد ودرجة نقاءة زى اى بنزين الإختلاف فى الرقم الأوكتينى

[dr.hany]

ولو فرضنا حتى انه ممكن يبوظ الرشاشات

تمن الرشاشات الاستيراد مش هايعدى ال200 جنيه

يعنى تمن 3 تفويلات بنزين 90 او 92

يعنى انت برضه اللى كسبان ببنزين 80

انا عن نفسي بخلط 80 و92 ومافيش اى مشاكل والحمد لله