تكييف العربية بيهبل ؟؟؟؟؟؟؟؟

[Mahmoud_405]

السلام عليكم.....التكيف عندي من الصيف اللي فات وهو مسرب فريون فالوت اعملو علي الصيف اللي جاي بس المشكلة جيت اجرب التكيف امبارح لاقيت المروحة اشتغلت لمده دقتيقتين وبعد كده فصلت بس الكمبروسور لسة شغالة لكن المروحة فالصالة... قفلت المروحة وشغلنها تاني برده مشتغلتشي...لكن بعد حوالي 10 دقايق اشتغت .... بس فصلت تاني برده..... مع العلم في الصيف اللي فات ان التكيف سرب فريون فجاه بعني في يوم وليلة لاقينه ضاع.

اعمل اية استني علية ولا اروح اكشف؟؟؟؟ وهل المروحة ليها علاقة بالفريون الناقص؟؟؟؟

[romeeoo]

المروحة مش حاتشتغل من غير فريون اشحن فريون بع ماتعالج التسريييييب عند واحد اميييييييييييييييين وكله حايبفى تمام

[ahmedezzat78]

المروحه مالهاش دعوه بدائرة التبريد انت ممكن تشغلها و تفصل الكباس و ممكن تشغلها على التكيف السخن لو العربيه فيها سخن

غالبا هتلاقى موتور المروحة عايز شربون او جلب ...... بس اتاكد كويس من الفيوز قبل ما تفك

[Powert]

* للعلم اسم صاحب المشلكة "Houda" يعني "هدى" يعني واحدة :)

انتوا بتكتبوا على انه واحد :)

[محمد ابراهيم 1]

الراجل إسمه حوده مش هدى وهو راجل مش ست

[Mahmoud_405]

الف شكر يارجالة .... انا اسمي حوده(محمود) (وياريت ولو ينفع اغير اسمي من غير ما اعمل اكونت جديد يبقي احسن علشان فعلا الاسم يلخبط).
وبالنسبة للشربون او الجلب جي بتحتاج فك التابلوه ولا لا... وعايزه متخصص ؟؟
والف شكر مره تانية

[ahmedezzat78]

انا مش عارف عربيتك نوعها ايه؟

بس معظم العربيات بتحتاج تفج درج التابلوه او الفيبره اللى تحت موتور البلاور اللى بيبقى راكب قيها السماعة فى عربيات تانيه

[Powert]

انا اسمي حوده(محمود) (وياريت ولو ينفع اغير اسمي من غير ما اعمل اكونت جديد يبقي احسن علشان فعلا الاسم يلخبط).

انا اسف بس اسمك فعلا يلخبط

لو عايز تغيره ابعد للادارة او لكريم منير او اكتب في شكوى