Tweet
إزاى يا جماعة أعمل التقسيمة بتاعة الأسبراتير(128) من الألف للياء لأن الموضوع ده متكرر وممكن نحتاجه فى ظروف سفر ولا حاجة خاصة انى عرفت انه ممكن يتعمل بسهولة بدون الميكانيكى . بس ياريت تفصيليا؟
-
-
متاااااااااابع باهتمام شديد -
مش فاهم تقسيمة اية قصد حضرتك انك لو خلعت السلوك الى طالعة من الاسبراتير ازاى تعرف تركبها تانى بنفس الترتيب الى كانت علية ولا اية مش فاهم
يعنى ازاى تخلى ترتيب السلوك 1342[SIZE=4]{سبحان الله وبحمده سبحان الله العظيم}[/SIZE]
[SIZE=4]sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall[/SIZE]Comment
-
مكتوب ع السبراتير 1 و2 و3 و4
1-للبجيه الولانى و2 للبجيه التانى وهاكذا
بتفك الصامولة ال13 اللى فى قاعدة الأسبيراتير.
بتخلى البجيه الأولانى فى وش الأسبيراتير مشاور على مكانه فى الماكينه بالتقريب.
بتخلى حد يدور وانت بتلفه يمين وشمال بشويش.
هتلقط العربيه على وضعية لفه معبنه وهتربط الصامولة ال13 شويه.
سنه يمين وسنه شمال لحد ما الترتيله اللى فى الشكمان تختفى بس هتظبط معاها الهوا والسلانسيه.
دوس ع العربيه ان ضربط مدفع من الشكمان الو مدافع صغيره وانت بتشيل رجلك يبقى لسه عايزه ظبطه صغيره.
وهاكذا لحد ماتظبط.[CENTER][aldl]http://im12.gulfup.com/2011-10-16/1318748921822.jpg[/aldl][/CENTER]
[CENTER][FONT=Comic Sans MS]Mekkawy[/FONT][/CENTER]Comment
-
شكرا جزيلا للرد
لكن فية بعض الأستفسارات
ازاى أرقم البوجيهات فى جسم الموتور يعنى أعتبر ان الى ناحة الدريكسيون رقم 1 وبعده 2 وهكذا ولا من ناحة قربة المياه أعد رقم 1 و2 وهكذا لأن الاسبراتير مرقم لكن بلوك الموتور معليهوش ترقيم
ثانيا لو بعمل التقسيمة من الأول خالص كأن الأبراتير خرج علشان أركب أبلاتين وكوندنسر لأن بعض الزملا قالولى ان بستخدم مفك مكان البوجيه علشان أرفع البستم رقم 1 فياريت توضيح لهذه النقطة تفصيليا
تحياتىComment
-
لو تقصد التقسيمة بتاعة سير الكاتينة >> يوجد علامات لذلك أثناء التغيير
لو تقصد تقسيمة الكهرباء >> ايه اللي هيخليك تلعب فيها على المستوى الفردي ؟ لو هتغير غطا الاسبيراتير يبقى ركب الجديد بنفس ترتيب القديم
Comment
-
شوف ياسيدى
الاول من ناحيه الاسبرتير
والتريتب بيكون 1 3 4 2
وبتفك البوجيه الاول وتجيب الغيار الرابع وتفضل تزق العربيه وانت معشق لغايه ما تحس ان البستم رفع المفك لا على حاجه وده فى البوجيه الاول وبكده تكون انت واقف على الترتيب الصحيح
وبتركب السبراتير ووش الشاكوش ناحيه الالبستم الاول
وتركب السلوك بالترتيب اللى قلت عليه وهو 1 3 4 2
ده اللى اعرف وفاكره من ايام مان عندى 128 من سنه 78 لغياه 97Comment
-
شكرا جزيلا كده الأأمور وضحتComment
-
كل الكلام الى الاخوة الاعضاء شرحوة دة تمام وصحيح
توضيح بس صغير
البستم بيبقى رافع على اعلى نقطة فى حالتين
مرة وهوة بيعمل شوط الضغط وفى نهاية الشوط دة بتحدث الشرارة والبستم يرجع مكانة تانى
والمرة التانية والبيستم بيعمل شوط طرد العادم بانة بيرتفع لحد اعلى نقطة لطرد العادم
طب احنا بقى لم نحط المفك ونستنى البستم وهوة طالع اش عرفنا انة الطلعة دى بعدها هايحدث الشرارة الى هاتولع الخليط بتاع البنزين والهوا
علشان كدة بناخد كبس المكنة زى مابيقولو الصنيعية
بنعمل اية بقى
هانعشق الرابع وترفع العربية وتفك البوجية الاولانى واتاكد انة البوجية الاولانى مش الرابع
وهاتحط صوبعك مكان البوجية وانت بتلف هاتلاقى فى مرحلة بيحدث ضغط على صباعك وفى وقت مش هاتعرف تسد الضغط دة وبالتالى هايتسرب من تحت صبعاك وهايعمل صوت فسسسسسسسسسس
فى الوضع دة لو جبت مفك وحطيتة مكان صباعك هاتلاقى البستم قرب لفوق تقريبا هاتفضل تلف العجلة سنة سنة لحد ما البيستم يبقى على اعلى نقطة وهايبدا انة ينزل تانى فى اللحظة دى بالظبط المفروض يكون راس الشاكوش عند نقطة التلامس البوجية رقم واحد
وخلى بالك فى ملحوظة مكنتش اعرفها قبل كدة
فى حاجة اسمها النقطة الميتة العليا الى البستم بيبقى فيها على خط واحد مع المحور الى ثابت فية وعند الوضع دة المفروض مانعملش توقيت الاشتعال عليها لانها ممكن تكسر البستم
وضع الاشتعال بيبقى عند اللحظة الى البستم هايبدا ينزل فيها
يعنى تجيب اعلى نقطة فى البستم بالمفك وبعدين تكمل لف كمان لحد ما تلاقى البستم هايبدا ينزل لتحت عندها تظبط راس الشاكوش على نقطة التلامس بالظبط
دة كل الى كنت عايز اقولة وبعدين موضوع اخد الكبس دة وترتيب البوجيهات والكلام دة مش سهل يعنى وياريت لو مش هاتعرف تعملة يبقى يعملة اى ميكانيكى وخلاص وتريح دماغك[SIZE=4]{سبحان الله وبحمده سبحان الله العظيم}[/SIZE]
[SIZE=4]sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall[/SIZE]Comment
-
-
-
1 3 4 2 ده الترتيب في الموتور ولا الاسبراتير ؟المشاركة الأصلية كتبت بواسطة mramzy مشاهدة المشاركة
والكلام ده في كل العربيات ؟Comment
-
الله يكرمك يا استاذ رمزىالمشاركة الأصلية كتبت بواسطة mramzy مشاهدة المشاركة
احنا كلنا اخوات واللى يعرف حاجة لازم يقولها لاخوة الى مايعرفش علشان الفائدة تعم
يا استاذ عمرو
ترتيب الاشتعال 2431 دة بيبقى على الاسبراتير ورا بعض وتقريبا اللف بيبقى عكس اتجاة عقارب الساعة يعنى الاسبراتير بيبقى فية 4 اماكن للسلوك ورا بعض ومكان فى النص لسلك البوبينة
ولما راس الشاكوش تلف لازم يبقى الترتيب كدة واحد الاول وبعدين الى بعدية على طول يكون السلك الى رايح للبوجية تلاتة وبعديها اربعة وبعديها اتنين بنفس الترتيب كدة
الفكرة انك تمسك سلك البوجية فى ايدك وتشوف دة اية رقم واحد طيب تشوف بوجية رقم واحد وتركبة علية وتمسك الى بعدة فى وش الاسبراتير الى هوة رقم تلاتة تمسك سلكة وتركبة فى البوجية رقم تلاتة وهكذا
وتقريبا ترتيب الاشتعال دة بيبقى فى معظم العربيات ال4 سلندر[SIZE=4]{سبحان الله وبحمده سبحان الله العظيم}[/SIZE]
[SIZE=4]sometimes in life you feel the fight is over and it seems as though the writing on the wall superstar you finally made it but ones your picture becomes tainted thats we call rise and fall[/SIZE]Comment
-
معلومات هايلة جزاكم الله خيراً
Comment
-
الف شكر ياباشاالمشاركة الأصلية كتبت بواسطة newhansol مشاهدة المشاركة
والناس اللى قالت ريح دماغك واعملها عند الميكانيكى
ماشى معاهم حق انها هتبقى عملية متعبة لو الواحد عملها بنفسه بس اهو الواحد يبقى عارف الحاجة حتى لو مش هيعملها بنفسه واكيد اي معلومة هتفيد والواحد بعد كدة يقدر يشخص العيوب ويشغل مخه بدل ما يروح يلف على الصنايعية وكل واحد يفتي بطريقة شكل
فلو حد عنده اي معلومة عن اي حاجة حتى لو الحاجات اللى مش do it yourself ياريت نشاركها مع بعضنا واهو كلنا بنستفيدComment
Comment