إعـــــــلان

Collapse

.

,
See more
See less

صيانه دوريه لسياره مستعمله عند شرائها

Collapse
X
 
  • Filter
  • الوقت
  • Show
Clear All
new posts

  • صيانه دوريه لسياره مستعمله عند شرائها

    السلام عليكم
    انا لسه جايب سكودا فلشيا وعايز اعملها صيانه دوريه بحيث اني احافظ على السياره ف ايه المفروض اني اعمله اشتري ايه للميكانيكا قبل اما اروحله ؟ علما بأن السياره مخنوقه في مشيها

  • #2
    ما تشتريش حاجة قبل ما تروح للميكانيكي

    بس المفروض تغير السيور والفلاتر والزيت وتبص علي الماء
    وتغير البوجيهات

    علشان تبقي ماشي مطمن وتبقي عارف انت مغيرهم عند كام كيلو
    علشان دول ليهم عدد محدد

    وتشوف الميكانيكي هيقولك ايه

    وتابعها دايما بانك تبص علي الماء والزيت وضغط الهواء في الكاوتش

    والف مبروك
    ربنا يديك خيرها ويكفيك شرها
    [CENTER][U]I'm crazy, but I'm not stupid[/U][/CENTER]

    Comment


    • #3
      فلتر زيت مع كل غيار زيت كل 5 الاف
      فلتر الهوا كل 10 الاف
      فلتر البنزين كل 10 الاف
      زيت الفتيس كل 20 الف او كل سنة
      البوجيهات كل 10 الاف كيلو
      سير الكاتينة حديد ما بيتغيرش غالباً
      فحص الكاوتش كل اسبوع ومستوى زيت المحرك
      فحص المياه كل يوم قبل التحرك
      الكشف على رولمان بلي العجل الخلفي
      الكشف على العفشة والتربيط
      الكشف على كاوتشة الكبالن وتغيير التالف منها
      ضبط التاكيهات مع كل فصل صيف وشتاء

      Comment


      • #4
        المشاركة الأصلية كتبت بواسطة drhegab مشاهدة المشاركة
        السلام عليكم
        انا لسه جايب سكودا فلشيا وعايز اعملها صيانه دوريه بحيث اني احافظ على السياره ف ايه المفروض اني اعمله اشتري ايه للميكانيكا قبل اما اروحله ؟ علما بأن السياره مخنوقه في مشيها
        الرد ده انا كنت كاتبه قبل كده عن عربية سيفيا
        بعد مساء الخير..
        بالنسب لسيارتك و بما انك لسة شاريها فى حاجات مهمة لازم تكشف عليها و حاجات لازم تغيرها مبدئيا:
        أ) لازم تكشف على الاتى:
        1- زيت افتيس
        2- الكبالن
        3- كاوتش الكبالن الداخلى و الخارجى
        4- مجموعة الفتيس لو كانت مانيوال ( دسك - اسطوانة - رومان بلى )و ده من غير ما تحل الجير بوكس كالأتى:
        - لو فى صوت شخشخة او خشونة و انت دايس دبرياج و بيروح لما تسيب الدبرياج ده معناه ان بلية الدبرياج محتاجة تغيير
        - لو فى كركرة او وررة فى بدايه حركة السيارة ده معناه ان الديسك محتاج تغيير
        - لو السيارة سحبها ضعيف خصوصا فى الطلعايات او المطبات الصناعية مثلا تبقى محتاجة اسطوانة
        بس لو سيارتك اتوماتيك مش محتاجة الكلام ده
        5- زيت الفتيس و يجب اختباره لو فى اى شوائب لازم يتغير
        6- رومان بلى الاكسات
        7- تيل الفرامل و الطنابيرالامامية و الخلفية
        8-فلتر البزين
        9-سير الدينامو و الباور لانه سير واحد
        10- بلية شداد التقسيمة الثابتة و المتحركه لانها ممكن تقطع سير التقسيمة لو بايظة
        11- العفشة عموما لانها ممكن تبوظ الكاوتش
        12- التكييف
        13- الجكمان لانه ممكن يخنق العربيه و يسخنها لو فى عيب
        14- الحساساتلو عندك فى عربيتك و ده عن طريق الكمبيوتر
        15- سلك البوجيهات لانه ممكن يخلى العربية تقطع و تتلت و ماتبقاس مضبوطه
        ب) لازم تغير الاتى:
        1- زيت الموتور و فلتر الزيت
        2-سير التقسيمة و تاخد قراية العداد لانك لازم تغيره تانى بعد 40000 كم (يجب اختيار ميكانيكى كويس علشان ما يخلف لك القسيمه او ياخرها لك
        3- فلتر الهواء
        و اخيرا يارب اكون افدتك و ربنا يبارك لك فيها
        [CENTER][B][COLOR=royalblue]Cars & Women Have Something in Common[/COLOR][/B][/CENTER]
        [CENTER][COLOR=DarkOrange]Not the Initial Expenses That Break You., But the Up keeping expenses
        [COLOR=RoyalBlue][I][B]Wael Samir[/B][/I][/COLOR]
        [/COLOR][/CENTER]
        [CENTER] [SIGPIC][/SIGPIC][/CENTER]

        Comment

        Working...
        X