كبالن السياره

[smileyface]

الميكانيكي قالي ان عندي كوبلن ورا شمال محتاج يتغير (بسمع طقه كده وأحيانا هزه بعد لما بشيل رجلي من علي الدبرياج )

عايزه أعرف يعني ايه كوبلن أصلا ووظيفته ايه ؟؟
وممكن استني عليه وقت اد ايه لحد ماغيره
ويتكلف كام ؟؟

[abdo_general]

بص انا الي اعرفه الكوبلن الامامي
ودا بيبقي في العربيات الدفع الامامي

اما الكوبلن الخلفي دي مش سمعت عنها غير في البي ام بس
ومش فاهم فيها بصراحة
ما علينا انا هقولك الي اعرفه عن الكوبلن الامامي باختصار

العربيات الدفع الامامي بيبقي العجل الامامي هو المسؤل عن سحب او جر العربية
وفي نفس الوقت وبيبقي مسؤل عن التوجيه

بخلاف لما تبقي خلفي بيبقي مسؤل عن جر العربية فقط والعجل الامامي توجيه

فا كده في العربيات الدفع الامامي بيبقي العجل الامامي مسؤل عن حاجتين التوجيه والجر
فا وظيفة الكوبلن هو انه يسمحلك ان انت تقدر تتحكم في توجيه العجل الامامي يمين وشمال الي هو في نفس الوقت مطلوب منه جر العربية
ودي صورة توضح شكل الكوبلن


Uploaded with ImageShack.us

ودي توضح وهو راكب في العربية


Uploaded with ImageShack.us

الي اعرفه ان الكوبلن لو بايظ هيعمل صوت طقطقة وانت بتلف الدريكسيون والعربية ماشية
يعني تكون العربية بتتحرك وانت تحود

بس انت بتقول كوبلن خلفي فا مش عارف

وياريت توضح نوع عربيتك في بياناتك الشخصية علشان
صعب حد يحددلك سعره من غير ما نعرف نوع العربية

واستني الاعضاء هنا هيفيدوك اكتر مني

[SAMEH_FOUAD]

وظيفة الكبالن نقل الحركة من الماتور الى العجل والكبالن الخلفية بتبقى حركة الكوبلن مستقيمة يعنى بدون مايلف بيشمى فى اتجاة واحد سواء الرجوع للخلف او الاتجاة للامام
وقت اد اية اول لما بتحسى انة بدأ يبوظ يبقى يتغير على طول لانة لاقدر الله ممكن يتكسر وانتى ماشية
تكلفتة للجنب الواحد مصنعية 25 جنية
لكن سعر الكوبلن نفسة حضرتك ممكن تسالى عند قطع غيار البيجو

[mrsailor]

الميكانيكي قالي ان عندي كوبلن ورا شمال محتاج يتغير (بسمع طقه كده وأحيانا هزه بعد لما بشيل رجلي من علي الدبرياج )

عايزه أعرف يعني ايه كوبلن أصلا ووظيفته ايه ؟؟
وممكن استني عليه وقت اد ايه لحد ماغيره
ويتكلف كام ؟؟

اولا و الله انا شايف ان العربية دى حاتخلص عليكى طول ما انتى بتتعاملى مع الميكانيكى ده .. لأنى ركبت عربيتين فيهم كبالن خلفية بيجو 504 و بى ام 318 الكبالن الخلفية دى حاجة معمرة .. العطل الوحيد اللى بيحصل فى العربيات اللى فيها كبالن خلفية هى ان كاوتش الطبلية بيتقطع و ده له سببين .. اولا نتش الغيارات .. ثانيا رفع العربية من الوسط بوضع الكوريك تحت الدفرنسيه .. انما كوبلن خلفى يتكسر ما أفتكرش .. انا ماحصلتش معايا مع ان و قتها كنت باشد على رهانات و تخميس و نتش و كل حاجة ممكن تهلك اى عربية لدرجة انى مغير موتورين فى سنتين للبى ام .. مش عارف بس انا شايف انك تغير الميكانيكى
ثانيا الكبالن الخلفية فيدتها انها بتوصل الحركة من الدفرنس الى اعجل الخلفى علشان العربية تمشى .. الدفرنس ده عبارة عن مجموعة تروس بتاخد حركتها من الكردان علشان تلف .. اما الكردان هو العمود اللى فى وسط العربية اللى بياخد الحركة من الجير بوكس علشان ينقلها للدفرنس .. اما الجير بوكس هو مجموعة تروس شغلتها انها بتاخد الحركة من الموتور و تنقلها للكردان اللى بينقلها للدفرنس اللى بينقلها للعجل الخلفى علشان يلف
اما فائدة الكبالن الخلفية انها و سيلة لنقل الحركة للعجل الخلفى بس بطريقة تسمح للعجل انه يقفل و يفتح راسيا مع الطريق لزيادة الامان يعنى لو الطريق وطى او على فجأة او مثلا العربية غيرت اتجاهها فجأه و انتى بتفادى حاجة العجل الخلفى حايفتح ممكن من ناحية واحدة او من الناحيتين يعنى تعليق منفصل علشان يثبت العربية من الخلف .. وده مش موجود فى العربيات اللى مافيهاش كبالن خلفية ..
يارب اكون افدتك

[Colin Chapman]

بص انا الي اعرفه الكوبلن الامامي
ودا بيبقي في العربيات الدفع الامامي

اما الكوبلن الخلفي دي مش سمعت عنها غير في البي ام بس
ومش فاهم فيها بصراحة
ما علينا انا هقولك الي اعرفه عن الكوبلن الامامي باختصار

العربيات الدفع الامامي بيبقي العجل الامامي هو المسؤل عن سحب او جر العربية
وفي نفس الوقت وبيبقي مسؤل عن التوجيه

بخلاف لما تبقي خلفي بيبقي مسؤل عن جر العربية فقط والعجل الامامي توجيه

فا كده في العربيات الدفع الامامي بيبقي العجل الامامي مسؤل عن حاجتين التوجيه والجر
فا وظيفة الكوبلن هو انه يسمحلك ان انت تقدر تتحكم في توجيه العجل الامامي يمين وشمال الي هو في نفس الوقت مطلوب منه جر العربية
ودي صورة توضح شكل الكوبلن


Uploaded with ImageShack.us

ودي توضح وهو راكب في العربية


Uploaded with ImageShack.us

الي اعرفه ان الكوبلن لو بايظ هيعمل صوت طقطقة وانت بتلف الدريكسيون والعربية ماشية
يعني تكون العربية بتتحرك وانت تحود

بس انت بتقول كوبلن خلفي فا مش عارف

وياريت توضح نوع عربيتك في بياناتك الشخصية علشان
صعب حد يحددلك سعره من غير ما نعرف نوع العربية

واستني الاعضاء هنا هيفيدوك اكتر مني

http://www.nilemotors.net/Nile/479108-a.html