الانتظار نيم البطارية ده اسمه كلام !!

[Karim_Monir]

السلام عليكم
امبارح في الجو اللي زي الفل ده والدنيا ما بطلتش مطر من الصبح نسيت الانتظار منور من الساعة 8:30 الصبح لحد 3 تقريبا
نزلت طبعا لقيت العربية البطارية نايمة لدرجة انها مش قادرة تفتح السنتر
جينا ندورها زق دارت بس قعدت تطلع صوت مكتوم قوي وكانها بتشرق جامد وفضلت داير دقيقتين مكتومة وبعيدن بطلت
جبنا توصيلة وخدت وصلة متن الاوكتافيا مارضيتش تدور نهائي ولا كاننا موصلين حاجة وعلى التونجر اللي الرجل جابة كان فيها 6 بس
جينا نلفها ونديها عن الراجل دارت زق وبقيت زي الفل
مش عارف ايه الشرقة الغريبة دي
وليه مادارتش بالتوصيلة
العربية عندي كرولا 2007 نازلة ببطارية 40 امبير بس وما ينفعش تكبر عشان مكانها محدد
انا مستخسر اغير البطارية دي عاملة 6 شهور بس وياباني اصلي بتاعت العربية
هل معقول 6 لمبات بتوع الانتظار ينيموا بطارية في 7 ساعات حتى لو الجو برد
ايه رايكم

[hero]

كريم باشا....
ممكن تحسب القدر بتاعة الـ 7 لمبات ....وتضربهم في الــ 7 ساعات ....وتشوف الطاقة ايلي استنفذت قد اية...
وبعدين تشوف البطارية ...طاقتها الكلية قد اية ...هي الحد الاقصي ليها 40 امبير ...بس المفروض ان في مقياس محتوي طاقة ليها بيكون امبير مضروب في الساعه...A.hr


طبعا فرق الجهد ثابت بالنسبة للمصدر ("البطارية") والحمل "اللمبات"....
وخلي بالك ان البطارية ما كانتش بتشحن.....يعني هي المصدر الوحيد للطاقة...
واعمل برضة حساب الفاقد في الكابلات ...حتي وان كان ضعيف...

شوف واحسبها .....هاتلاقيها في المعدل بتاعها واحسن كمان....دي تويوتا ياباشا...
انا مش عارف البطارية ايلي كانت بتنزل مع الـ 2007 نوعها اية....بس ايلي في الـ2008 باناسونيك...

[zorooo1986]

انا اعتقد دة لان البطاريات فى الشتاء بتتلكك على اى حاجة علشان تنام حصل خير وربنا يستر على الجميع ولازم كل واحد يتتم كويس على العربية قبل مينزل من ازاز وانتظار ونور تابلوة

[kamalantivirus]

خلي بالك ان نوع الوصلات الي موجود في السوق هو نوع سيء شوف السلك بتاغة حتلقية رفيع و مقاومتة عالية علشان كدة حاول تجيب سلك قطرة كبير 15 مم و تخلي الكهربائي يغيرة مكان السك بتاع الوصلة الي بتركب بين العربيتين انا الموقف دة حصل معاية و عرفت ان الوصلة دي فخر الصناعة الصينية ماركة بير السلم

[Karim_Monir]

هيرو باشا شكرا على التوضيح انا مابصتش على نوعها بس شكلها نضيف فعلا
كمال باشا التوصيلة كانت من محل كهربائي وبطاريات ووصلة محملة وتخينة بتاعت التونجر بتاعت الشحن
انا شغال في مصنع كهرباء وعارف اشكل الكابلات كويس
انا فعلا مش عارف ليه ما دارتش من توصيلة البطارية التانية ودارت زق
والاسواء اصوت اللي طلع كانها بتطلع في الروح

[zozza]

علي اد علمي انت ممكن تدورها زق و بعدين تزود مية البطاريه لو كانت نقصت و بعدين تعمل بيها مشوار محترم من غير ما تشغل نور ولا كاسيت ولا مساحات و هي ان شاء الله هتشحن و ترجع 100 100

[AlmAhAtmA]

اللي واخد عقلك يا كريم

[hero]

هيرو باشا شكرا على التوضيح انا مابصتش على نوعها بس شكلها نضيف فعلا
كمال باشا التوصيلة كانت من محل كهربائي وبطاريات ووصلة محملة وتخينة بتاعت التونجر بتاعت الشحن
انا شغال في مصنع كهرباء وعارف اشكل الكابلات كويس
انا فعلا مش عارف ليه ما دارتش من توصيلة البطارية التانية ودارت زق
والاسواء اصوت اللي طلع كانها بتطلع في الروح

العربيات الجديدة....حكاية الوصلات دي ما بتنفعش مع موديلات كتير...خصوصا ايلي فيها كمبيوتر او انجيكشن..الموقف دة حصل معايا في اتوبيس هيونداي H1 والموتور مارضاش يلف لفة واحدة بالوصلة...لكن لما غيروا البطارية اشتغل...لانة كان ديزل نظام حقن الكتروني..
وايلي فهمتة من الميكانيكي...ان الكبيوتر بتاع العربية محتاج فولت معين لو قل واحد فولت او نص امبير بس المارش مش هايشتغل...
لكن لما بتزق العربية انت كدة بتستغني عن المارش...وبتجبر الموتور علي انة يلف بانك بتحطة علي نقلة وتلف العجل...يعني عملية عكسية...المهم انك بترجع بالعربية لزمن الكاربيراتير....وطبعا دة هايبقي غريب علي وحدة تحكم العربية...ولازم يكون الستارت بتاعه مش بالنعومة بتاعه المارش....وممكن قوي تشرق وتطلع الاصوات والكحكحة ايلي انت سمعتها....
ما تقلقش يا كيمو باشا...الكورولا عربية محترمة...ربنا يباركلك فيها...

[Karim_Monir]

مية البطارية فل وهيا مجرد مشوار البيت رجعت كويسة تاني والقياس مظبوط بس انا مش بتاع زق والحوارت دي
انا ممكن يجيلي مشوار 3 الفجر انزل مش معقول الاقي العربية رايحة في سابع نومة
هو في الغالب موضوع المارش ده صح لان بطارية الاوكتافيا اقوي بكتير من عندي والوصلة كانت بتاع 15 مل او اكتر ومحترمة
ومع ذلم ما قامتش غير زق
------
هاني انت عارف اصلا اننا بنيجي الشغل نايمين وما بنصحاش قبل 10
شكرا يا هيرو ولولا ثقتي في اسم كرولا ما كنتش فضلتها عن 4 عربيات كنت بقارن بينهم

[شاهين - بنز]

طيب ماتدوديبها تتشحن عند بتاع البطاريات

[Karim_Monir]

طيب ماتدوديبها تتشحن عند بتاع البطاريات

ما ينفعش تتشحن على التونجر وهيا جديدة كدة
يبوظها
الدينامو مع مشوار محترم وRPM معتدل احسن من التونجر
وده كلام من كهربائية ومهندسين محترفين

[tmz9111]

ما ينفعش تتشحن على التونجر وهيا جديدة كدة
يبوظها
الدينامو مع مشوار محترم وRPM معتدل احسن من التونجر
وده كلام من كهربائية ومهندسين محترفين

100+++++++++++++

[hazem_khidr]

اولا الف سلامه
بس انا فعلا مستغرب ان لمبه انتظار تعمل دا كله يعني ست ساعت مش حكابه بس طالما اربعين امبير و اول مره تعمل كده اديها عذرها.
...................................
بالنسبه لانها ما بتدورش من توصيله ففي عربيات كده فعلا زي الابيزا سيستم بورش كان عند واحد صاحبي واحده و لما بطاريتها تنام ما بدورش بالتوصيله نهائي.
كنا بنشيل البطاريه من عندي و نحطها عنده ندور العربيه و نشيل البطاريه و هيا دايره و نحط بتاعته تاني !! و العربيه ما بتبطلش
.........................
اما بالنسبه للاصوات لو الاصوات ساعه ما بدور العربيه و هيا البطاريه نايمه ف دا عادي دا صوت مارش .
اما اصوات بعد الدواره مالهاش تفسير ......

[Karim_Monir]

فعلا اصوات بعد الدوارة يا حازم كانها مكتومة او بتحشرج
انا بصراحة كنت مكسل اشيل البطارة عشان كان حوار فك الصواميل
وكمان البطارية اللي كنت هادور بيها بتاعت اتوماتيك واكبر وفك كان مشكل هيا كمان
حرص انت كمان
هو انت 40 امبير ولا اكتر
بس ما تستهونش ب 6 لمبات انتظار لمدة 7 ساعات في عز المطر وانخفاض شدشد في درجة الحرارة

[ihab]

كان فىجهاز فى راديو تشاك(starter ) بتدور العربية بيه فى حالة ان البطارية نايمة عن طريق وصلة ولاعة السجائر و ده حايبقى حاجة جميلة معاك فى العربية