بشم بنزين فى العربية

[sary005]

انا عربيتى 128 موديل 1998 تمام

بقالى كام يوم كدة بشم ريحت بنزين نى فى العربية من حوة و مش عارف دة من اية بصيت فى الشنطة تمام مافيش مشاكل بصيت على غطة التنك برضو مفيش مشاكل و لا بيسرب نقطة واحدة قولت اكيد فى الماتور بصيت على فلتر البنزين برضو متركب كويس اوى و مفهوش مشاكل

انا تعبت عايز اعرف البنزين دة جى منين على فكرة مش علاطول بشمة بس بيبان اوى لما بقرص على العربية

[mahmoudbadr]

انا عربيتى 128 موديل 1998 تمام

بقالى كام يوم كدة بشم ريحت بنزين نى فى العربية من حوة و مش عارف دة من اية بصيت فى الشنطة تمام مافيش مشاكل بصيت على غطة التنك برضو مفيش مشاكل و لا بيسرب نقطة واحدة قولت اكيد فى الماتور بصيت على فلتر البنزين برضو متركب كويس اوى و مفهوش مشاكل

انا تعبت عايز اعرف البنزين دة جى منين على فكرة مش علاطول بشمة بس بيبان اوى لما بقرص على العربية

حضرتك ممكن يكون المسامير اللى رابطة طلمبة البنزين عايز يتشد عليها أو قفيز خرطوم البنزين اللى طالع من الطلمبة

[sary005]

الاتنين متربطين على الاخر اصل انا اللى مركبة بأدية دول

[SkyBird]

بقالى كام يوم كدة بشم ريحت بنزين نى فى العربية من حوة

ورشة

[K.LOTFY]

اتأكد من خرطوم البنزين اللى عند الموتور انه سليم
كان عندى نفس المشكله واكتشفت انه مقطوع وعمال ينقط والريحه لمل ببقى واقف باينه جدا ولما بمشى بتروح

[sary005]

ورشة

مش فهمك


ان شاء الله هبص النهاردة على الخرطوم دة و اقولك بكرة شكرا ياباشا على ردك

[screamseko]

كانت عند صاحبى نفس المشكلة وسمعت الميكانيكى بيقوله خرطوم (كذا) مش فاكر اسمه
وقاله ده اللى جاى من ورا من عند الزور بتاع البنزين وانت بتمون..اسأل بردو مش حتخسر حاجة

[sary005]

الخراطيم كلها تمام و امرى لله هروح للمكانيكى و اسئلة كدة و ارد ان شاء الله

[khaled_sabry]

متابع +++++++++

[misoalex]

ممكن يكون الرداخ زى مالاخوه قالو وطبعا ده حيبان ان فيه بنزين تحت الموتور
او الاحتمال الى انا شايفه ان مدام مفيش اى تسريب يبقى العيب من الكربراتير
ولازم الكربراتير يتظبط عشان عمليه الحرق تتم بشكل سليم وميبقاش فيه بنزين نى

[samirayad]

انا تعبت عايز اعرف البنزين دة جى منين على فكرة مش علاطول بشمة بس بيبان اوى لما بقرص على العربية

شوف فلتر الهواء برضه أو غيره

وغير البوجيهات لو كنت مغيرتهاش من زمان


لو ده مجبش نتيجه يبقى حتحتاج شغل فى الكربوراتير ( نظافه وتغيير بيكات )

[sary005]

شوف فلتر الهواء برضه أو غيره

وغير البوجيهات لو كنت مغيرتهاش من زمان


لو ده مجبش نتيجه يبقى حتحتاج شغل فى الكربوراتير ( نظافه وتغيير بيكات )

ايوةةةةة بيكات هى دية واحد صحبى قالى عليها يباء هى دية اللى لازم تتغير شكرا ياباشا على ردك الجميل

و شكرا للناس كلها اللى ردت علية يوم الجمعة باء اغير البيكات دية متعرفش ياباشا بكام البيكات دية و كام واحدة بتركب ؟

بانسبة لفلتر الهواء لسة منظفة و الوجيهات مغيرها من 5 شهور كدة و عامل عيها 12000 كم مركب بوش ألمانى اصلى

[samirayad]

تمنهم بسيط وحتلاقيهم حوالى 2

بكتيره الأثنين ب 10 أو 15 ج

[Sherifmt]

بص يا زميلي العزيز انا كان عندي مشكلة مشابهه وكان السبب جوان كاوتش كان موجود في غطا التنك وضاع في ظروف غامضة كنت بشم ريحة بنزين جامدة خصوصا في المطبات والفرملة ولما اكتشفت السبب كنت عند ميكانيكي لقيت عندة فلتر زيت قديم اخدت منة الجوان الكاوتش اللي بلية كان بعملة حظاظة (: قصيتة وركبتة وكلة تمام وكمان مشكلة صعوبة فتح غطا التنك اتحلت ووفرت شوية بنزين (: أتمني تجربتي تفيدك

[screamseko]

بص انا عندي نفس المشكله وعارف حلها ومكسل اروح اعملها
انا معايا 127
ونفس النظام
المشكله في ايه
الخرطوم بتاع الفايض بتاع البنزين
ده مبيبانش باكشف الخارجي
لازم تانك البنزين بيتفك وبيتغير الخرطوم ده لانه علي طول بيتقطع
ابقي غيرهولي معاك بقي الله يكرمك :d:d:d