واخدين بالكم من الموضوع دا؟؟؟

[م.محمد علاء]

دا غير اني احيانا لما بتوسم في حد انه يكون كويس انا نفسي بطلب منه المساعدة

احيانا كمان بوقف سواق تاكسي واحاسبه كاني كنت راكبة معاه
وربنا يستر

اما بخصوص الماسورة والكومبريسور المشكلة مش بس فلمجهود..المشكلة ان لو الطريق عمومي او زحمة مينفعش مينفعش مينفعش بنت تنزل تغير عجلة..اكيد حضرتك فاهمني

فاهم حضرتك طبعا ...بس انا بتكلم من منطلق المضطر يركب الصعب...
فكرة سواق التاكسي دي مناسبه طبعا...و التوسم في الناس بالخير ربنا حيكرمك..
بلاش حضرتك دي انا مش كبير قوى كده

[solycar]

طالما الموضوع ممش موضوع كاوتش يبقى لازم تعملى الاتى


1- لازم يكون معاكى دايما استبن ان شا الله حتى مستعمل

2- اشترى كمروسر هوا بيشتغل على الولاعة و بيكون معاه مقاس ضغط

3-متروحيش لاى بتاع كاوتش غير بريدجستون او بنزينة امارات مصر(غير كدة كلهم نصابين و حرامية)

4-اخر حاجة متركنيش تحت البيت الحتة اللى مليانة تين شوكى دى

[Islam_galal]

فيه بعض استفسارات
اصلاح الكاوتش لما بيتخرم بيتم بواسطة الخابور (الفتيل)؟

لو صح يبقي حضرتك غالبا ضحية لمحلات الكاوتش اللي حواليكي
الخابور بيدمر الكاوتش و كمان ضغط هواء زيادة يخلص الموضوع و العجلة تريح بسرعه الأخرام تبقي كتيير و العجلة أحسن تغيريها
طبعا ممكن برضه البلوف

الحل:
- كاوتش جديد دائما
- لا لحام بالخوابير أبدا
- شراء الكاوتش من محل آخر غير محل الإصلاح دائما يعني محل الشراء منصلحش عنده و العكس
- تواجد الاستبن دائما
- تواجد كومبريسور باستمرار لتزويد العجلة المريحة (مفيهاش حاجة دي) حتي يتم الوصول لمحل كاوتش ثقة

ربنا ستر لغاية دلوقتي لكن دي مش أسوء المواقف اللي ممكن تحصل لبنت راكنة العربية و مش عارفة تتصرف

ربنا يسلملنا طريقنا

[M.Osman]

http://www.nilemotors.net/Nile/131629-a.html

[icehearted girl]

كله بالخوابير فعلا.....بس هوا دا اختياري انا؟؟

ملخرم بيكون صغير غالبا

[icehearted girl]

M.Osman

كرتة خوابير بتلاتة جنيه؟؟؟

انا بعمل الواحد بخمسة

والبلوف برده الواحد بجيبه بخمسة وجملته ب85 قرش؟؟؟؟؟؟

دا الراجل النهاردة كمان استغل الموقف واداهوني بعشرة والله

[Islam_galal]

الخابور بيدمر الهيكل السلك داخل الكاووتش
ممنوع استعمال الخابور اطلاقا
في موضوع نصب حصللي قبل كده من زمان حادور عليه و أحط اللن بتاعه

[Islam_galal]

هو ده الموضوع
http://www.nilemotors.net/Nile/9262-a.html

في مواضيع كتيير عن مصايب الخوابير و اسلوب الكشف بالصابون ، إقري حضرتك الموضوع الأول

[M.Osman]

انا الحقيقة بجاول على قد ما اقدر استخدم اللحام المكوة ... او اللزق اللي من جوة دا...الأعضاء كانوا بيقولوا ان اللي بيفرق في الخوابير هو الصنايعي نفسه

البلف مش عارف الحقيقة

[mrwho1982]

بجد احمدي ربا ان ماحدش من العربية التانية مافتحش النار عليكي

هههههههههههههههه

[Islam_galal]

الخابور وسيلة مدمرة أنا أفضل تركيب كمرة داخلي عند الضرورة و لا استعمال الخابور حتي تصل لمحل تثق فيه و ترجعها تيوبلس تاني

البلف ممكن يهرب هواء بس المفروض بيكشف علي البلف كل مرة يزود هواء

[د.محمود صلاح]

دكتورة / أم حماس : -
بعد التحية

يجب الأخذ بالحيطة والحذر

يكون معاكي استبن ده شيء مهم جدا وكل عدة تغيير الفردة من كوريك ومفتاح عجل وخلافة

اشتري مقياس لبيان ضغط الكاوتش اللي عامل زي القلم وثمنه حوالي 10 ج واطشفي بيه بنفسك على الضغط ,,






وكما كمبرريسور هواء اللي بينفخ العجل من فيشة الولاعة

[asbeats]

طب دا يبقي بجد غبي

انا سمعت الموضوع دا بس اكيد مش هرجع لنفس الشخص تاني يعني هو بيكسب غيره

وبعدين المشكلة مش مشكلة كاوتش دلوقتي والخمس شهور

المشكلة فبتوع الكاوتش بجد انا اتعقدت..بقالي سنة تقريبا مركزة فلموضوع دا

لدرجة اني بقيت اراقب ايديهم وهما بيزدوا

لا واقف قبل او بعد المحل مش قدامه..ليكون راشش حاجة عالارض

الاحتمال الاخير بقي انه يكون بيصعب لعنته علعربية بعد متمشي

بجد زهقت :(

لا وبعد مروحت ازازة مية فايدي اتفتحت وشوية جم علي فردة لقتها بتنفس هوا وفيها خرم صغنن

يعني هكرر المأساة تاني بلليل

مش انتي ساكنة في الهرم...فيه واحد اسمه ويليام بتاع كاوتش...اول شارع يمين بعد كازينو الليل....جنبه مطعم اسمه رستو جو.....هو انسان منتهى الأدب والأمانة وأصلا دكتور بيطري....انا اتعاملت معاه كتير جدا عشان وراء مركز الصحة اللي انا بشتغل فيه....جربيه مش هتخسري حاجة.....ونصيحة بلاش تاكلى من عند رستو جو....هتدمني الأكل بتاعه ومش هتعرفي تاكلي في اي مطعم تاني.....الأكل عنده في منتهى النظافة وطعم لا يعلى عليه....25 سنة طبخ في فرنسا ..... فنان بمعنى الكلمة

[sara2001]

:b4_556::b4_556::b4_556:موضوع كان محيرني جداااااااااااااااااااااا

بقالي بتاع سنة بجد كل مروح عند اي بتاع كاوتش ازود الفرد واظبط هوا ميعديش يوم والاقي فردة نايمة

عمر اصلا مفردة نامت منني ونا ماشية او حصلها اي مشكلة ديما بنزل الاقيها زي مهي بس نيمة

الموضوع دا اتكرر بشكل بشع لدرجة اني نفسيا اتعقدت من اي حد يقولي زودي هوا لاني متأكدة مللي يهحصل بعدها مباشرة

النهاردة جتلي شوية جرأة صغنطتين وكان العجل مش محتاج يتزود...بس قلت لازم اقضي علي شكوكي واقطع الشك بالسكين

رحت مزوداه الصبح ونا مروحه كانت 8 ونص صباحا

وطلعت الدائري طلعة المعادي وبظبط ميد واي بينها وبين نزلة المنيب وهوووووووووووووووووووووووووووووووووووووووووووووووو وووب

صوت انفجار والله والله انا افتكرت ان ازاز الشباك اللي ورايا انفجر

ومكنتش محددة عندي ولا عند اللي جنبي

وكانت معدية جنبي عربية هيئة دبلوماسية معلقة علم امريكا وشبابيكها كلها سودا

فجأة لقيت الشبابيك كلها اتفحت وبصوا فجأة بصراحة شكلهم خضني اكتر ملصوت

نزلت حسيت ان واحد بتاع بطيخ جاب سكينة وشقها بالطول عشان يعرف هي حمرا ولا قرعة

مع انها كانت شبه جديدة

وطبعا اتلطعت ساعتين علي محد وقف يفكهالي..ومكنش معايا استبن كلعادة...كان اخويا واخدة

نزلت بتاكسي اشتريت فردة مستعملة وطلعت تاني:zb_sor1[1]:

موتيني من الضحك والله وانا بتصور مشهد عربية الهيئه الدبلوماسيه وكلهم بيفتحوا الشبابيك في لحظه واحده
كل ما حد من اصحابى البنات يحكي موقف مشابه اقلق من السواقه اكتر
مفيش حل انك كنت تسيبيها او تكلمي حد يجيلك أفضل
المدرب بتاعي كان بيحاول يشرح لي لو حصل موقف مشابه اغير العجله ازاي!!!!!!
طبعا كلام مش منطقي خااالص ان انا اقف في الشارع اغير العجله
انا مش عارفه ممكن اتصرف ازاي لو اتحطيت في موقف زي ده بس انا قلت لأخويا لو حصل حاجه زي كده هاكلمك تيجي وهو بص لي وابتسم من غير رد تقريبا عايز يقتلني
في محل ظبط كاوتش كويس في المنيل والدي بيتعامل معاه لو عايزه اوصف لك عنوانه

[A.Saad]

على فكرة
العربية اللى بترفع العلم
عربية السفير نفسه

بس شكله موش هوة اللى كان راكبها
لان ليه حراسات طبعا