الفرامل

[sheko2013]

سلام عليكم ورحمة الله وبركاته

كنت باشتكى من فترة حوالى شهرين من ان البدال بينزل على الفاضى فى اول دوستين الصبح السيارة بيكانتو 2006 ماشية 47360
انما من اسبوع ونص لقيتها بقت بتحجر وانا ماشى عملت هنا موضوع فى الورشة المهندس سمير مشكورا قالى غالبا السيرفو
رحت التوكيل فى روكسى يوم التلات قالى اتلرجلشت وسحب الهواء وبقت تمام تانى يوم رجعت تحجر تانى
روحت التوكيل تانى النهاردة المهندس قالى كدة تبقى ماستر فرامل عمومى بس هانكشف عليها برضو بعد ساعة جالى قالى عيب ماستر قولتله طيب والسيرفو قالى تمام بس الماستر مش عندنا لمدة اسبوعين وسعره 830 جنيه شامل الضريبة والمصنعية
دلوقتى عندى اكتر من سؤال
هل انه عيب ماستر مكانش قادر يكتشفه من الاول ولا كده طبيعى ولا اكشف عند اى حد تانى بره
هل سعره ده كده مناسب ولا مغالى فيه والاحسن انى اجيبه من الجندى واركبه بس مش عارف اركبه فين مع العلم انى انا فى مدينة نصر
ثانيا وده الاهم ايه الحاجة اللى ممكن تكون بوظت الماستر هل عيب استخدام علشان اعرف لو باعمل حاجة غلط
وشكرا واسف جدا على الاطالة

[SAMEH_FOUAD]

اللى بيبوظ ماستر الفرامل نوع زيت الباكم بياكل الكاوتش بتاع الماستر فبيضرب احسن حاجة تجيب علبة زيت باكم dot 4 المانى 0.5 لتر ب30 جنية
ثانيا ماتخليش تيل الفرامل لحد مايخلص خالص عشام دة بردة بيبقى تحميل على الماستر لانك بتضطر انك تضغط فرامل بقوة اكتر بعكس التيل وهو جديد
كدة سعرة كويس وهاتة من التوكيل احسن وركبة هناك اضمن طالما هيبقى 830 جنية بالمصنعية والضريبة

[sheko2013]

اولا متشكر جدا لردك بس انا لما روحت اكشف قالى التيل و الطنابير تمام

[SAMEH_FOUAD]

اولا متشكر جدا لردك بس انا لما روحت اكشف قالى التيل و الطنابير تمام

ماشى انا بقولك عموما عشان بردة تحافظ على الطنابير كمان

واهم حاجة زيت الباكم واوعى تجيب اللى فى العلب البلاستيك ذات اللون الاصفر لانة مضروبة وبتبوظ الكاوتش بتاع نظام الفرامل كلة

[teto2007]

تمام زى ما قال لحضر تك الاخ سمسم زيت الباكم اللى فى العلب البلاستيك بيبوظ كاوتش الماستر لانها حصلت معايا فى العربية وكانت الفرامل بتحجر رحت للميكانيكى فك الكاوتش لاقاه متاكل خالص وقالى ان دة من زيت الباكم اللى فى العلب البلاستيك وغيرتة للزيت اللى فى العلب الصفيح المانى والفرامل دلواتى زى الفل

[sheko2013]

يعنى الموضوع ممكن مايبقاش محتاج تغيير ماستر

[sheko2013]

ثانيا يا جماعة انا سالت عليه فى الجندى قالى 350 جنية كورى اصلى يبقى التوكيل واخد اكتر من الضعف ايه رايكم

[powerofhelll]

850 جنيه ليه كتير جدا جدا

[sheko2013]

طب يا ريت لو حد يعرف واحد بتاع فرامل كويس يكشفلى على الفرامل والسيرفو ويا ريت لو قريب من مدينة نصر بدل ما اغير الماستر على الفاضى

[SAMEH_FOUAD]

ثانيا يا جماعة انا سالت عليه فى الجندى قالى 350 جنية كورى اصلى يبقى التوكيل واخد اكتر من الضعف ايه رايكم

روح شوف الماستر اللى فى التوكيل وقارن بينة وبين الماستر اللى عند الجندى لو لقيت مافيش اختلاف يبقى هاتة من عندة ووفر فرق الفلوس

[A.Saad]

ماعتقدش ان الجندى بيبيع بفرق كبير كدة عن التوكيل
اتاكد انه كيا او موبس مش بس كورى
لانه ساعات بيقولك
كورى
لكن يعتبر تقليد