عمود الكامه وسحب الموتور

[yuyu0000yuyu]

هاى شباب انا عندى مشكله فى 128 انا كا ما اظبط التاكيهات ترجع تانى الميكانيكى قلى ان عمود الكامه عاوز يتغير سالتعليه لقيته عند ارخس واحد ب 180 استراد كام
ف كنت عاوز اعرف رايكم ايه فى السعر وكمان هو اضراره غير الصوت العالى للموتور وصوت التكتكه ايه ؟ وهلى هو هياثر على السحب زى ما الميكامبكى بيقول ؟ولا لا

[kaza]

عامود الكامة وظيفتة الاساسية التحكم في فتح وقفل صمامات الحر والعادم لغرف الاحتراق والامفروض انة بيلف لفة واحدة لكل لفتين لعامود الكرنك ..المشاكل بتباء فية بعد عمر تشغيل كبير او الاهمال في تفيير الزيت او مراجعة خلوص الصمامات وبما اننا في المحروسة والافتائات كتير فاغلب الظن انك نسيت تظبط الخلوص كل 15000 كم او رحت لواحد ماعندوش ضمير يظبط الخلوص ..المهم انة اكيد لما ركب ما يسمي القروش وهي بالمعني الهندسي لينات ركب قرش واطي كفاية بما يسبب نحر في جسم الكامة واتلفها وطبعا كدة عمر الخلوص ما هيتظبط تاني غير ان الموتور هيبقي فية رعشة وصوت ولا الديزل ده السبب الاساسي اما لوكان عمر التشغيل كبير نسبيا فممكن يكون خلوص كراسي تحميل العمود زاد عن الحد وكدة لازم العامود والهيد الاثنين بتغيروا بالنسبة لتاثيره علي المحرك لايؤثر الا في زيادة طفيفة في استهلاك البنزين مع الوضع في الاعتبار قدرتك علي تحمل صوت المحرك واهتزازه وممكن في الحالات السيئة اوي يتسبب (ومع وجود ترس كاتينة متاكل ) في ترحيل يسر الكاتينة بس دة نادر قوي

[yuyu0000yuyu]

عامود الكامة وظيفتة الاساسية التحكم في فتح وقفل صمامات الحر والعادم لغرف الاحتراق والامفروض انة بيلف لفة واحدة لكل لفتين لعامود الكرنك ..المشاكل بتباء فية بعد عمر تشغيل كبير او الاهمال في تفيير الزيت او مراجعة خلوص الصمامات وبما اننا في المحروسة والافتائات كتير فاغلب الظن انك نسيت تظبط الخلوص كل 15000 كم او رحت لواحد ماعندوش ضمير يظبط الخلوص ..المهم انة اكيد لما ركب ما يسمي القروش وهي بالمعني الهندسي لينات ركب قرش واطي كفاية بما يسبب نحر في جسم الكامة واتلفها وطبعا كدة عمر الخلوص ما هيتظبط تاني غير ان الموتور هيبقي فية رعشة وصوت ولا الديزل ده السبب الاساسي اما لوكان عمر التشغيل كبير نسبيا فممكن يكون خلوص كراسي تحميل العمود زاد عن الحد وكدة لازم العامود والهيد الاثنين بتغيروا بالنسبة لتاثيره علي المحرك لايؤثر الا في زيادة طفيفة في استهلاك البنزين مع الوضع في الاعتبار قدرتك علي تحمل صوت المحرك واهتزازه وممكن في الحالات السيئة اوي يتسبب (ومع وجود ترس كاتينة متاكل ) في ترحيل يسر الكاتينة بس دة نادر قوي

هو الصراحه حضرتك استاز ورأيس قصم فى المحركات بس حضرتك بتتكلم باسلوب علمى بحت انت اكيد مهندس ميكانيكا ف اعزر جهلى لانى لسي فى تانيه مدنى يعنى بتاع طوب واسمنت هههههههههههه بس الى فهمته من كلامك انه مش هياثر فى السحب خالص هو بس صوت الى هو صوت التاكيهات وبيتهيقلى انه حصله كده من الميكايكى نفسه لان العيب والصوت ده ظهر بعد نغير الصبابات
كنت عاز اعرف منك هو ده ممكن يائر على الموتور فى حاجه غير الصوت وبس وللعلم الصوت مش واضح اوى الى مع التركيز هتسمع صوت التاكيهات كل ما اظبطه بعد شهر او اتنين ترجع تانى ؟
وكمان عربيتى بتعمل جوه البلد 200 كيلو فى الصفيحه ال 20 لتر
انا بصراحه حاسس ان الميكانيكى بيشتغلنى وكمان بيقلى ده هيخلى العربيه طلقه.؟

[kaza]

وبيتهيقلى انه حصله كده من الميكايكى نفسه لان العيب والصوت ده ظهر بعد نغير الصبابات
يبقي دة السبب انة لما غير الصبابات او عمل الشغل فيهم فك الهيد وغير مكان الكستبنات اللي بين عامود الكامة والصباب ودول لازم يتحطوا مكانهم بنفس الترتيب لكن عندنا الصنايعية مابيبصوش للحاجات التافهة دي ..هي دي المشكلة والصوت هيفضل زي ماهو مش هيزيد ولا يقل ولن يؤثر عليك في اي حاجة دة اللي ممكن افيدك بية بس طبعا الافضل ان الواحد يعاين العربية علشان تشخيص العطل يبقي ادق

[yuyu0000yuyu]

وبيتهيقلى انه حصله كده من الميكايكى نفسه لان العيب والصوت ده ظهر بعد نغير الصبابات
يبقي دة السبب انة لما غير الصبابات او عمل الشغل فيهم فك الهيد وغير مكان الكستبنات اللي بين عامود الكامة والصباب ودول لازم يتحطوا مكانهم بنفس الترتيب لكن عندنا الصنايعية مابيبصوش للحاجات التافهة دي ..هي دي المشكلة والصوت هيفضل زي ماهو مش هيزيد ولا يقل ولن يؤثر عليك في اي حاجة دة اللي ممكن افيدك بية بس طبعا الافضل ان الواحد يعاين العربية علشان تشخيص العطل يبقي ادق

بس مقلتليش بردو انا تشخيصى صح ولا لا حضرتك مهندس ميكانيكا صح
وكمان كان عندي سؤال انا التالت عندى ممكن يجيب 80 و 90 كمان المشكله بقى انى لمى بجيب ال 80 او 90 دى على التالت واجى ادى الرابع العربيه بترتاح بس العزم يموت يعنى لو على 90 وادى الرابع القيه تجب 80 وتلاقيه ايه مش قدر تزود عن كده خاااااااالص وتجيب ال 100 بالعفيه رغم انه من سنه تقريبا كانت بتجيب ال 120 وال 130 وحالت الموتور وحده متغيرتش

[kaza]

بس مقلتليش بردو انا تشخيصى صح ولا لا حضرتك مهندس ميكانيكا صح
وكمان كان عندي سؤال انا التالت عندى ممكن يجيب 80 و 90 كمان المشكله بقى انى لمى بجيب ال 80 او 90 دى على التالت واجى ادى الرابع العربيه بترتاح بس العزم يموت يعنى لو على 90 وادى الرابع القيه تجب 80 وتلاقيه ايه مش قدر تزود عن كده خاااااااالص وتجيب ال 100 بالعفيه رغم انه من سنه تقريبا كانت بتجيب ال 120 وال 130 وحالت الموتور وحده متغيرتش

ايوة ياسيدى مهندس ميكانيكا وتخصص سيارات كمان وتشخيصك صح ويلا شد حيلك المشوار طويل .. بالنسبة اضعف المحرك بالصورة اللي بتقولها يبقي اكيد فية تسريب في الضغط وممكن تكون الصبابات او الشنابر او وش السلندر بيهرب ضغط ..المواصفات لل28 بالنسبة للسرعة القصوي 155 كم\سعة ولازم يتكشف علي انضغاط المحرك لان كدة مش مضبوط (برضة مع افتراض ان العفشة و الزوايا مضبوطة ) والفضل معالجة تهريب الضغط دة قبل ما تعمل اي حاجة وليك تحياتي

[yuyu0000yuyu]

ايوة ياسيدى مهندس ميكانيكا وتخصص سيارات كمان وتشخيصك صح ويلا شد حيلك المشوار طويل .. بالنسبة اضعف المحرك بالصورة اللي بتقولها يبقي اكيد فية تسريب في الضغط وممكن تكون الصبابات او الشنابر او وش السلندر بيهرب ضغط ..المواصفات لل28 بالنسبة للسرعة القصوي 155 كم\سعة ولازم يتكشف علي انضغاط المحرك لان كدة مش مضبوط (برضة مع افتراض ان العفشة و الزوايا مضبوطة ) والفضل معالجة تهريب الضغط دة قبل ما تعمل اي حاجة وليك تحياتي

معلش اعزرنى يعنى ايه الكشف على الضغط وازاى ودى بتبقى عند ميكايكى ولا بنزينه
معلش ان هتعبك معايع اصل معلوماتى ضعيفه

[kaza]

معلش اعزرنى يعنى ايه الكشف على الضغط وازاى ودى بتبقى عند ميكايكى ولا بنزينه
معلش ان هتعبك معايع اصل معلوماتى ضعيفه

بيتم الكشف عن نسبة الانضغاط للمحرك بواسطة جهاز مبين الضغط وبيتم تركيبة مكان البوجية ولازم يتم الاختبار علي السلندرات بالكامل علي الا يتعدي الفرق في الضغط بين السلندر والتاني 1بار وطبعا بيتعمل بواسطة مهندس وليس عامل و من خلال الاختبار باشوف معدل نمو الضغط داخل غرفة الاحتراق مع ملاحظة المؤشر واللي من خلالة باحدد حالة السلندر واحكام الشنابرودلايل الصبابات..وخلي بالك من الاشتغالات

[samirayad]

هاى شباب انا عندى مشكله فى 128 انا كا ما اظبط التاكيهات ترجع تانى الميكانيكى قلى ان عمود الكامه عاوز يتغير سالتعليه لقيته عند ارخس واحد ب 180 استراد كام

ف كنت عاوز اعرف رايكم ايه فى السعر وكمان هو اضراره غير الصوت العالى للموتور وصوت التكتكه ايه ؟ وهلى هو هياثر على السحب زى ما الميكامبكى بيقول ؟ولا لا

شوف ميكانيكى تانى غيره

تلاقيه بس مش عارف يظبطلك التاكيهات ومخليها مفتوحه على طول

وعمود الكامه مبيتغيرش كده بالساهل

لازم ينكشف عليه كويس ويتحدد صح

هل كاماته تالفه ولا لا

فلازم يتشاف ....مش من بعيد لبعيد

[yuyu0000yuyu]

شوف ميكانيكى تانى غيره

تلاقيه بس مش عارف يظبطلك التاكيهات ومخليها مفتوحه على طول

وعمود الكامه مبيتغيرش كده بالساهل

لازم ينكشف عليه كويس ويتحدد صح

هل كاماته تالفه ولا لا

فلازم يتشاف ....مش من بعيد لبعيد

انا رحت لواحد تانى وهو ده الى قلى حوار عمود الكامه مش التانى الى كنت عامل عنده حوار الصبابات ( ده مكنش عارف يظبطه خالص كانت بترجع تانى يوم)
اما التانى رجعت بعد شهر ونص تقريبا ولمر رحتله تانى عشان اغير بوجيهتن واظبط التاكيهات قلى انى محتاج عمود كامه لانه فيه وحده بس متكله ف ماعملش حاجه فيه انا بفكر اروح لغيره ممكن يكون احسن ولا ايه رايكم بس المشكله انى مش فاضى هندسه وامتحناتى 7/6

[otefa]

هاى شباب انا عندى مشكله فى 128 انا كا ما اظبط التاكيهات ترجع تانى الميكانيكى قلى ان عمود الكامه عاوز يتغير سالتعليه لقيته عند ارخس واحد ب 180 استراد كام
ف كنت عاوز اعرف رايكم ايه فى السعر وكمان هو اضراره غير الصوت العالى للموتور وصوت التكتكه ايه ؟ وهلى هو هياثر على السحب زى ما الميكامبكى بيقول ؟ولا لا

لو عندك عمود الكامة تعبان بمعني متاكل استحالة هاتعرف تظبط التاكيهات علي خلوص مظبوط وثابت
طبعا هايأثر علي سحب العربية حسب درجة التلف والظبطة الي ظبط التاكيهات عليها وكل ما قللت الخلوص للتاكيهات هيظهر اكتر حاجة علي السلانسيه وانت واقف هاتلاقي الموتور خشن والار بي ام بيعلي ويوطي خفيف ومهما عملت في الكربيراتير مش هاتعرف تظبط الأيدل (السلانسيه)
لو الميكانيكي حاول يقلل الصوت بتقليل الخلوص هيحصل تاكل اسرع بكتير للكام شافت ..........وكمان الصباب هايتحرق بسرعة وخصوصا صباب العادم..........الملخص الكامة تعبانة والتاكيهات كنتيجة مش هاتظبط يبقي كنتيجة متبادلة الاتنين هياثروا في بعض طرديا وسرعة التلف تزيد.

[otefa]

YouTube - This is what a flat cam looks like,



وده فيديو يوضح الكامشافت التعبان زي ما قالك الميكانيك ان فيه واحدة مش مظبوطة وباينة بوضوح في الفيديو.........ياتري بص عل الموتور بالشكل ده وهو بيشخص العيب!

[samirayad]

لانه فيه وحده بس متكله ف ماعملش حاجه فيه

لو فيه كامه متآكله وأنت شوفتها بنفسك
يبقى لازم تغير العمود فعلا

وأنا أنصحك تخليه يوريك التآكل قدامك وتشوف العضعضه اللى على الكامه بعنيك وتقارنها بزمايلها السلام

[sabrykamel]

انا عندى المشكلة دى دلوقتى والميكانيكى بيقول ان فيه كامة واحدة بايزة و فعلا صوت المكنة عالى جدا و قال لى ان العمود كله ممحتاج يتغير - يا ترى دا تكلفته كام
و العربية بيقول انها جابت طقم شمبر كمان يا ترى اعمله ولا استنى شوية و هل محتاج اغير طقم بوجيهات بالمرة و لا كل حاجة من دول شغلها منفصل مش هيفك فى نفس الحته و بالتالى مش محتاج افتح شغل اوى
ارجو الافادة

[م أحمد]

انا عندى المشكلة دى دلوقتى والميكانيكى بيقول ان فيه كامة واحدة بايزة و فعلا صوت المكنة عالى جدا و قال لى ان العمود كله ممحتاج يتغير - يا ترى دا تكلفته كام
و العربية بيقول انها جابت طقم شمبر كمان يا ترى اعمله ولا استنى شوية و هل محتاج اغير طقم بوجيهات بالمرة و لا كل حاجة من دول شغلها منفصل مش هيفك فى نفس الحته و بالتالى مش محتاج افتح شغل اوى
ارجو الافادة

عمود الكامات لو فيه كامة واحدة فقط منحولة------ هتأثر على غرفة احتراق واحدة-------فيحصل تفويت او تلف للشنابر فى هذه الغرفة

الكامة لازم يكون فك غطا وش التاكيهات و يشوف و النحل بتبقى نسبته قليلة قوى إجمالا

تأثير تفويت غرفة زى تاثير 4 على الزيت----و لكن فى السحب هتبقى بنسبة الربع

الصوت العالى مش دليل تلف عود الكامات لان ممكن الخلاط عايز تنظيف فقط خصوصا لو بتستخدم بنزين 50

اللى يضبط التاكيهات لازم متخصص مش اى ميكانيكى و خلاص--- خصوصا لو العربية 128 لانها بتحتاج قواطيش ضبط

عمود الكامات الجديد تركى يعمل 275 جنيه و طقم الشنبر 100 جنيه و المصنعيات لتغيير الطقم و العمود لازم يحسبها واحدة حوالى 250 جنيه

ضبط التاكيهات 50 او 60 جنيه