سؤال بخصوص ضغط الهواء في إطارات الشاهين

[a_shanawany]

السلام عليكم ورحمه الله وبركاته

يا رجاله
أنا فتحت كتالوج الشاهين بدور على مقدار ضغط الهواء في الاطارات اللي لازم اعمله في العربيه

لقيتهم كاتبين كده

بصراحة مفهمتش حاجه
يعني يقصدوا كام؟

وهل هوا دا المناسب للشاهين ولا لأه

مع العلم إني مركب أربع فرد ميشلان فرنساوي جداد
وماليهم نيتروجين
فياريت تفسير للي في الصورة
وتنصحوني بإيه

[م.محمد علاء]

كل اللي هو عايز يقوله إن الضغط بيكون 26 للعجل اللي قدام فى الحالتين..
أما الوراني بيكون 29 لو محدش راكب ورا أو يدوب إتنين
لو مالي الشنطه و معاك تلاته ورا 32...
هو كلام منطقى...لأن العربيه لو تقيله و الضغط قليل مساحة المداس بتاع الإطار حتختلف و إحتكاكه بالأرض حيقل..عشان كده بيزود الضغط عشان العجل ميفرش بالبلدى..
أما الغريب بعض الشيء..هو ضغط العجل نفسه...الأرقام للي قدام..قليله بعض الشيء..يفض إن كله يكون 29

[a_shanawany]

انا برضه استغربت وقلت مش معقول تكون قليله كده

طيب ننزل لارض الواقع دلوقتي ونسيبنا من الكتالوج العجيب دا شويه
انا بحط نيتروجين
يعني مفيش تمدد تقريبا
حضراتكم تنصحوني بكام للي قدام وللي ورا

[م.محمد علاء]

انا برضه استغربت وقلت مش معقول تكون قليله كده

طيب ننزل لارض الواقع دلوقتي ونسيبنا من الكتالوج العجيب دا شويه
انا بحط نيتروجين
يعني مفيش تمدد تقريبا
حضراتكم تنصحوني بكام للي قدام وللي ورا

الفكره مش فكره تمدد للغاز...
الفكره هي فكرة إن العجل لما بينضغط حيفرش على الأرض من عدمه...
أما الضغط المناسب...
انا عندي فى ال 128 بعمله 30
فى النيسان ملتزم بالكتالوج قدام 32 وورا 29

[م.محمد علاء]

شوف حضرتك المشاركه بتاع الأستاذ محمد ممدوح حتقربلك الصوره:

بالنسبة لنقطة المداس فا دة صح... الاطارات المنفوخة زيادة عن اللزوم او اقل من اللزوم بيبقى ماسها مش متصل بشكل كامل مع سطح الطريق... بص على الصورة دى:



اول صورة من اليمين دى لاطار منفوخ صح (صح يعنى حسب تعليمات كتالوج العربية) و زى ما انت شايف سطح المداس بالكامل متلامس مع الطريق و بيديك اعلى تماسك... لاحظ برضة ان جوانب الاطار مريحة حاجة بسيطة و دة بيساعد على امتصاص جزء من مطبات الطريق

الاطار اللى فى النص مفوخ زيادة بالتالى شكلة بقى دائرى شوية و جوانب المداس مبقتش ملامسة للطريق... لاحظ برضة ان جوانب الاطار بقت شبة مستقيمة و دة حيسبب دبدبة فى المطبات لكن حيسبب خفة فى الدركسيون و سرعة استجابة كويسة للدركسيون

الاطار اللى فى اقى الشمال منفوخ اقل من اللازم و بالتالى منتصف المداس بقى داخل لجوة و بعد عن سطح الطريق... و جوانب الاطار بقت طرية جدا و دة بيريح فى المطبات بس وحش فى الملفات (العربية حتبقى اكنها بكاوتش مصنوع من الملهلبية و الدركسيون مش حتبقى استجابتة سريعة و ممكن كمان يبقى تقيل)

لاحظ كمان ان دة بيفرق فى تاكل الاطارات حسب الرسم التالى:



بالنسبة لمقاس 195/50/15 فا الكاوتش دة اصلا الجوانب بتاعتة قصيرة و بالتالى طبيعى تحس بالدبدبة... دى طبيعة المقاس دة... ممكن تجرب تنفخ على 30 زى ما قال ابو فارس و تشوف الدنيا عاملة ايه طالما الدبدبة مدايقاك... الكهم تبقى عارف ان دة مش عيب فى حاجة... دى طبيعة المقاس دة

mmamdouh

[a_shanawany]

تسلم إيدك ياباشا على النقل الممتاز
بس برضه موصلناش لقرار نهائي
املى اللي قدام على كام؟ واللي ورا على كام؟ :d

[a_shanawany]

ها يا جماعه
اخر كلام ايه؟؟؟؟
علشان اظبطه بكره قبل ما اسافر

[ahmed_h_g]

30 أمامى وخلفى